Историски континуитет мора да се базира на нешто, на некоја (идеално повеќе) нишка која се задржала низ вековите, и која може да се следи од денес наназад до времето кое се смета за почеток на една култура и народ.
Грците имаат неоспорлива, континуирана конекција до античките Хелени, и тоа не се вади од томбола, тоа се базира на јазик, култура, историја. Бугарите имаат несомнена поврзаност со средовековните бугарски држави, тоа е базирано врз јазик, историски докази итн.
Модерните Македонци, немаат НИТУ ЕДНА; НУЛА поврзаност со Античките Македонци, прво јазикот, модерните Македонци зборуваат славјански јазик, додека античките Македонци зборувале грчки дијалект, верувале во хеленски божества, имале неоспорливо хеленска култура која ја рашириле низ светот до толку што периодот од историјата кога вистинските Македонци биле доминантни се вика Хеленистички период.
Модерните Македонци, дури и да имаат 99% грчка ДНК, неможат да бараат континуитет со античките хелени, затоа што самиот факт дека славјанската култура станала доминантна кај нив, е момент кој крши било каков континуитет, и започнува нова историска гранка.
Додека се согласувам дека модерните македонци генетски се најверојатно многу поблиски до грците одшто се до Русите и Пољаците, но барање на континуитет врз ДНК е абсурд, и нешто што нацистите би предложиле, континуитет на еден народ се бара преку култура а не крв.
Исто така не ја потценувај способноста на славјаните да напаѓаат, крадат, расселуваат и убиваат. Во периодот кога славјаните влегуваат на балканот, регионот е драстично ненаселен, единствено градовите држат стабилна популација, и славјаните доааѓаат во таква бројка, што еден византиски извор ја опишува ситуацијата како византиските градови се како грчки острови во море од славјани, така да тука е видно зошто славјанската култура издоминирала низ вековите и модерните македонци се славјани а не хелени.