Ернесто ЧЕ Гевара
Hasta La Victoria Siempre
- Член од
- 21 јуни 2010
- Мислења
- 14.020
- Поени од реакции
- 20.762
Македонски Телеком стана првата компанија во Групацијата Дојче Телеком со мрежа целосно базирана на интернет протокол (АЛЛ ИП), префрлајќи го и последниот корисник на новата ИП мрежа.
Со инвестиција од 13 милиони евра, во тек на изминатите 25 месеци, се овозможи мигрирање во новата мрежа на 290.000 линии.
- Резултатот е значително намалено време на пласирање на производите од една до две години, на две недели, некогаш и неколку дена, а исто така и значително намалување на трошоците. Во Македонија заштедуваме 10 евра по корисник годишно. Главната заштеда всушност произлегува од енергетските заштеди бидејќи ги елиминиравме сите подвижни елементи, исто така намалено плаќање кон нашите добавувачи, а исто така заштедуваме и трошоци за персонал за одредени технички услиги, рече Клаудија Немат, член на Одборот на Дојче Телеком за Европа и технологија.
Тој наведе и дека нивната инвестиција била во подобрување на корисничкото искуство.
- Станува збор за подобро корисничко искуство. Во овој случај, потребни се дури и дополнителни инвстиции во информатичката технологија и за креирање нови процеси кои што ќе овозможат беспрекорно функционирање на мрежата, рече Немат.
Придобивката за деловните корисници, појасни, е тоа што со ИП трансформацијата може да се нарача широкопојасен интернет на барање со брз и лесен пристап до него.
Главниот и извршен директор на Македонски Телеком Андреас Маиерхофер, истакна дека преку новата ИП платформа, буквално секој нивен корисник ќе може да ги користи услугите на новата генерација, брзо, квалитетно и ефикасно.
-Тоа е и нашата цел, преку вложување во новите технологии, да овозможиме најдобро корисничко искуство. ИП ги брише географските граници и е основа за сите идни услуги, а Македонски Телеком е многу напред, не само во регионот, туку и во рамките на Европа, и горди сме заради тоа, подвлече Маиерхофер.
ИП технологијата користи интернет протокол за пренос на говор, што овозможува користење услуги од новата генерација. ИП мрежната технологија овозможи воведување интернет по потреба, целосно нов концепт кој им овозможува на корисниците онлајн да нарачаат пристап на интернет со голема брзина секогаш кога им е потребен со само еден клик.
Ајде бидејќи сум нестручен да зборувам на оваа тема, нека каже некој на кој му е познато ова, дали е ова точно, дали навистина сме први во Европа?
Бидејќи веста е од курир, не ми е баш веродостојна.