- Член од
- 27 ноември 2007
- Мислења
- 30.450
- Поени од реакции
- 68.684
Време е за ракомет
Деби мечот на ова светско првенство од кое Македонската јавност има големи очекувања е еден од клучните натпревари од кои ќе зависи нашиот пласман во понатамошниот тек на првенството.
Противникот истотака ќе атакува на високите позиции во групата, но иако не се вбројува во категоријата на фаворити во првенството, сепак треба да се внимава на нив, особено што имаат млад тим кој ќе има дополнителен мотив да се докаже пред останатите.
Во последниов период некако преголемо значење им се даде на Тунижаните и на форумов и по порталиве од земјава. При извлекувањето на групите, покрај од Хрватите, воглавно сите бевме исплашени од Австрија која игра се подобро и подобро, а многумина посакуваа да ја избегнеме и Босна и Херцеговина откако го елиминираа Исланд во баражот. Тунижаните како да беа ставани во ист аутсајдерски кош со Иранците, ама непосредно пред почетокот на првенството како да се сменија гледиштата на фановите.
После одличниот подготвителен период во кој покосија неколку силни репрезентации, Тунижаните почнаа да се вбројуваат и како кандидати за втрото место во групата, веднаш зад Хрватска.
Од друга страна ние немаме некои големи математики. Сакаме висок пласман, сакаме да се пласираме на ОИ, па во секој меч мораме да одиме на победа.
На хартија имаме подобар состав од Тунис. Нема да згрешам ако кажам дека досега не сме имале подобро покриен тим од сегашниов. Имаме по двајца добри играчи на секоја позиција, истите играчи играат заедно со години, имаа солиден подготвителен период, солиден тренер, па нема веќе простор за никакви оправдувања како што било во минатото.
Горе-доле се знае нашиот стартен состав, Манасков и Георгиевски крила, Наумче, Миркуловски и Кире стартни бекови, Борко на голот и Стојанче како пикер.
Доста често на подготвителните натпревари се пробуваа разни комбинации со Прибак, Фичо и Вугринец, па Недановски на крило, Никола Маркоски како пикер кој би играл и напред и назад итн.
Имаме многу повеќе играчи за ротација од минатото и се надевам дека овојпат ќе ротираме многу играчи и нема да се случува некои играчи да играат по 60 минути на секој меч и да испоцркаат до наредната фаза како што се случувало во минатото.
Тунижаните се предводени од пикерот од антиката, Теј (или Теж не знам точно како се чита ), а секако лидер во нападот се очекува да им биде младиот Жалуз кој од Кил премина во Барселона сезонава и му е тимски колега на Кире.
Жалуз мене ми е играч од типот на Гребил што не наполни кога Вардар играше со Монпеље, ако му дозволиме да се рашутира 15 гола ќе ни стегне, ако го затвориме како што сме правеле со Јиха во минатото, во голема мерка ќе ја неутрализираме нивната игра. Тука е и Хмам кој е истотака голема опасност од бековска позиција, а имаат уште неколку играчи кои играат пред се во Француско првенство, како Буганми, Гарби, Шуриеф, Туми и Туати кои играат во тимови како Данкерк, Монпеље, Нант и Трембле.
Познати се по агресивната игра во одбрана, што може да биде голем проблем за нас. Многумина ги споредуваа со играта на Французите во одбрана, но сепак мислам дека малце претераа луѓево во споредбите
Мое очекување е дека Миркуловски и Прибак треба да одработат многу за да се направат добри позиции за бековите шутери. Очекувам и добра соработка со Столе на пикер и добра игра од Манасков на крило.
Имаме доста изработени акции во напад, разновидни сме и мислам дека тука нема да имаме многу проблеми.
Проблемот може да се јави во одбраната. Веќе е дискутирано дека има слаба комуникација меѓу Јоноски-Маркоски и голманите, па огромен проблем ни се шутевите од далеку. Ако изиграат они на ниво, лесен залак ќе бидат Тунис.
Се надевам дека ќе ги оправдаат очекувањата на јавност. Пораз против Тунис во голема мерка ќе ни ги помати плановите, додека победа во овој дуел уште толку ќе ни ги зголеми апетитите, па дури ќе може да кажеме дека сигурно ќе бидеме патници во наредна фаза. Се надевам само дека нема пак да лапаме дијазепами и дека нема да го имаме истото отварање како во Хрватска кога Тунижаните не плеснаа со еден разлика.
Последно уредено: