Не сакам да го тупам многу, ама со оглед дека еден куп глупости се изнапишале за натпреварот би коментирал некои работи.
1.
Топ натпревар!!! Ова е тоа што му треба на Македонија и досега никогаш и го немала. Да влезеш со пола сила, во голема мера втор состав, без никаков скаутинг и без тренинг на натпревар на светско првенство и глатко да си победиш без притоа нешто особено да била загрозна победата.
Така победуваат големите репрезентации во групните фази на првенствата. Нема апсолутно никаква смисла да се жалите затоа што крајниот резултат бил
само 2 разлика. Што треба да речат Хрватите кои на буквално ист начин победија и со Австрија и со Тунис. Или Шпанците кои дури и со повеќе мака ги минаа Белорусија и особено Бразил. Значи зборуваме за екипи кои се за едно 2 класи над нашата... А да не зборувам за Данците и ремито со Аргентина...
2. Бел бумбар за Обрван за одлуката да стартува со вториот тим. Дури според мене и грешка е што не ги форсираше и повеќе. Малку и тој самиот непотребно испаничи ама не е страшно одиграат доволно и "второтимците". Всушност најголема грешка беше што не почна со целосен втор состав туку "крпеше" со Манасков, Георгиевски и Велко во одбрана. Реално тие беа и најголеми виновници за малата криза во првото полувреме.
3. Се отепавте пцуење за вториот состав, а вториот состав и не изигра така лошо. Всушност и општо земено во напад одиграа сосема коректно. Крајниот исход е близок исклучиво заради лошата игра во одбрана, осоено во првото полувреме. А во одбрана главно играа првотимците и во тие почетни минути.
4. Муабети демек Кире не спасил. Не е точно. Кире реално не одигра ништо посебно, освен што беше добар од пенали (6/7 ми се чини). Од игра Кире имаше шут 3/7 и 3 технички грешки. Знаете колку имаше Вугринец? 3/7 и 1 техничка грешка.
5. Уште поглупи муабети се дека непотребно
се потрошиле и повеќе отколку што инаку ќе се потрошеа. Еве ви малце статистика (
јавно достапна е веднаш по натпреварите може секој да ја консултира за да носи попаметни заклучоци) за времето поминато на терен:
Кире - 20:21
Наумче - 13:52
Георгиевски - 15:08
Стоилов - 27:45
Единствен кој изигра непотребно многу е Миркуловски со точно 40 минути до секунда, особено со оглед дека Прибак беше супер, ама и тоа не е страшно. Искрено не ми е јасно како ова било "големо трошење".
Чисто за споредба еве колку главните играчи на Хрватска "се трошеа" против Тунис:
Чупиќ - 60:00
Штрлек - 55:21
Вори - 52:38
Дувњак - 51:48
Коплјар - 48:57
Е заради вакви претерувања во групната фаза секоја година последно време ќе стигнат до полуфинале Хрватите и таму поопморените екипи лесно ги победуваат.
6. Според што заклучивте дека толку лошо одигра Македонија? Според тоа што со само 2 разлика ги тепавме Иран или затоа што стварно лошо изиграа? Реално Иран одигра далеку над нивниот капацитет и со ваква игра можат многу проблеми и на другите екипи да им направат. Дадоа еден куп тешки гола од далеку (додуша дел од вината тука има Борко со неговите фамозни проценки на шутеви од 9+ метри), треба и нив да им се признае дека беа добри. Реално блискиот исход беше повеќе заради квалитет на играта на Иран отколку лошата гра на Македонија.
7. Одбраната последно време веќе редовно ни ја бушат од 9+ метри. Ова е многу загрижувачко и така против јаки екипи нема да поминеме. Главната вина тука секако е на Велко кој веќе подолго време е во лоша форма ама дел од вината имаат голманите кои реално ни се доста слаби на шутеви од далеку, особено Борко. За среќа и Босна и Австрија не се некои шутерски екипи какви што се Тунис и Иран, па барем тој аспект ни оди во прилог за клучните две средби од групата.