Убивал поради висока камата за позајмени пари?
„Ги убив затоа што им должев пари за кои тие постојано ја зголемуваа каматата“- изјавил во првичниот разговор со полициските инспектори Зоран Андоновски, кој вчера изврши невиден крвав поход по главниот град. Во Бутел го уби Ристо Давчевски, а во фирма во Кисела Вода рани тројца.
По обидот за самоубиство, Андоновски е во тешка состојба, но надвор од животна опасност. Полицијата чека да му се подобри состојбата за да го распраша за убиството.
Должел околу 100 илјади евра, а во првичниот разговор со полициските инспектори Андоновски изјавил дека од Давчевски позајмил 5 илјади евра, кој потоа со огромна камата му пресметал дека долгот се зголемил на 30 илјади евра. На фирмата во Кисела Вода должел 69 илјади евра, а делата ги признал- изјави портпаролот на МВР Иво Котевски.