Доста пријатено ме изненади Вардар на последните 2 гостувања, не е нималку мала работа да победиш на гостувања како Монпеље, а уште повеќе во Веспрем Арена.
Парондо, многу смирено ја води екипата, изгледа многу има работено на психички план, па нема потреба нон стоп да довикува нешто од клупата, некоја помирна верзија на Раул е, не е на пример како Кадењас или Пастор на пример
, тренери кои губат по 5 кила по меч, движејќи се по аут линијата...
Одбраната доста добро делува, компактно, Калараш си ја најде позицијата, многу добро се вклопи на средина, заедно со Кристопанс кој по потреба би играл и на двојка.
Милосављев е откритие на сезоната, не знам кој го скаутира, претпоставувам Периќ, но сигурно работата на Периќ на тренинг дава резултат, некоја мини верзија на Штербик е дечкото, смирен, ја следи ситуација, чека противникот прво да направи реакција па потоа се отвора и бира страна или агол, а доста е подвижен и со добар рефлекс, иако има некој кг вишок, доколку и тој од Тунис или Алжир се погоди, барем да го замени ако не му оди ќе е сосема ок, сепак со онаа одбрана Вардар доста добро делува.
Единствен проблем е што нема замена за Вуко, сам игра дечкото на лев, Горбок очајно фали, изгледа тој Словенецот, Оцвирц или како и да се презива сеуште не е спремен за вакви мечеви
И десно крило е проблем, иако со головите од пенал на Чупиќ се амортизира тој дефицит, кога сме кај Чупиќ, аууу колку се здебелил малиот
, погоден живот.
На среден бек е најсилното оружје на Вардар, покрај Вуко, Карачич и Скубе ја прават разликата, навистина одличен дил беше Скубе, растура малиот
, иако има и по некоја грешка, ама секој контакт и влез е или потенцијална асистенција или реметење на одбраната, страшни движења со тело има Хобитот, многу изгуби Сегед со него, го жртвуваа за Бомбач,
Сума сумарум, засега Вардар одличен, во најјаката група убедливо, доколку ги тепаат Шалабајзерите нареден викенд ќе ја комплетираат сликата, а зошто да не ги тепаат.
Веспрем, уште една лоша епизода, не само вчера, цела ланска сезона се мачат, и со Киелце првата текма на мускули тепаа, едвај, против Киелце со речиси пола екипа на болница, со Барса немаа никакви шанси, се изгуби Љубо, посебно во одбраната, вчера се жалеше на судиите, а баш напротив, Германците судеа по прирачник, секој старт го наградија со 2 минути,
Можеби клучен момент беше исклучувањето на Деки, некаде 50та минута, кога на +2 останаа со 2 играчи помалку, ама самите се винови.
На ваков ростер, со по 3 супер квалитетни играчи на секоја позиција никој не ти е виновен.
ПСЖ лесно и рутински го изгази Загреб, далеку е Загреб од некоја константна игра против големите екипи, со Фленсбург се испукаа, вчера Коралес ги олади..
Барса го прегази Кристианстад, очекувано, најслаба екипа во групата се Швеѓаните, убедливо...
Силкеборг одличен иако не е некое изненадување, малку потценети беа, сепак Данци против Португалци играат, заслужена победа на Силкеборг.
Денес неколку интересни мечеви на програмата,
Нант ќе ја брка првата победа, со Сегед имаа два бода во џеп, останаа со празни раце, денес ќе се вадат.
Во добра атмосфера го пречекуваат овај меч, тепаа во четвртокот во дербито со Монпеље во лигата, но нема да е лесно, Скјерн е доста незгодна екипа, ќе пружат фајт.
Сегед ќе оди на 3 од 3, одат на Мотор, незгоден терен е Запорожје, но би требало да тепа Сегед, поквалитетни се на сите позиции, но ќе мора да внимаваат, посебно ако дозволат брза игра која повеќе им одговара на Украинците.
Цеље по смената на Тамше ќе видиме како ќе се претстави, ПСЖ ги растури во неделата, денес повторно голем тим на програмата, Фленсбург.
Германците се големи фаворити на овој меч, посебно ако влезат сериозно во мечот, проблемот кај Фленсбург е шо не се мотивираат со сите екипи подеднакво, затоа им се случи Загреб среде Фленс Арена, ги потценија и изгубија, на само неколку дена откако го прегазија еден Нант во Франција со 34 дадени гола,
Исто и со Хановер во четвртокот, едвај тепаа, со судни маки, многу солиден тим има Фленсбург но премногу се развлечени на два фронта па доста осцилираат во играта.
Сепак, денес не би требало да има проблеми...
Татран си гази во групата, доста добра работа врши Голужа во Словачка, доколку не се зафркаваат денес треба да победат без мака.
Металург со оваа бековска линија нема сили за 60 минути да држи ритам, фали квалитетна ротација, недоставува и одбрана.
Шансата беше со Бешикташ, многу очајно се прикажаа со Турците, катастрофално издание во второ, распад система.
Проблемот кај екипите како Металург е што се распаѓаат по првата криза, неколку минути лоша игра и се губат, не е ни чудо, сепак премлада и неискусна екипа се...
Дерби на денот е Монпеље- Киелце.
Монпеље е во огромна криза, сите дерби мечеви ги изгубија, беа поразени и од Мешков,
Многу проблеми има во играта, повредата на Симоне зеде голем данок, исто многу се чувствува и неиграњето на Тракиневичиус на лев бек, Гребиј изгледа пак се повреди, Гигу е тргнат од тимот, наводно заради некои несогласувања со Канаје, многу различен тим од онај ланскиот, иако сите играчи се тука, освен Фабрегас..
Колку е само важен тајмингот, темпирање на форма, тимски дух, итн, ова е класичен пример за тоа..
Денес имаат шанса да се вадат, но нема да е лесно, на гости доаѓа Киелце.
Доста пријатно изненадуваат Пољаците, со редуциран тим успеваат да прикажат добри игри, со Веспрем беа на праг на изненадување, со РНЛ на крај се извадија, сепак заслужено.
Јаки индивидуалци има Талант, успева да го амортизира тоа што одбраната не е како шо треба, голманите се еден послаб дел од тимот, ниту Чупара ниту Ивиќ не се класа голмани засега, а и одбраната доста порозно делува.
Ќе видиме денес како ќе изгледа, посебно нападот, сепак против себе ќе го имаат Жерар, не е мала работа ова..
Интересен меч во секој случај, вреди да се гледа...два големи тренери против себе...