КFА 2023 - 02. Најдобра актерка во споредна улога

[Zlatikevichius]

Во периодот од 2015 до 2018 година, 4 години избиравме најдобри актери, актерки, режисери и филмови на Кајгана. Подоцна интересот за истите полека почна да избледува што ме одврати од помислата да правам нешто слично повторно, и Kajgana Movie Awards, или Златните омлети, како што ги викавме тогаш заминаа во историјата. Лани се обидов да ја возобновам традицијата, иако со изменет лик и на поинаков, поедноставен начин, но можам да кажам дека горе-долу беше успешно, па би сакал да продолжиме исто и оваа година.

Останува исто: 8 теми за 8 категории. Ќе гласаме по 2 дена за секоја категорија. За секоја категорија ќе се гласа (во анкета во самата тема) пет дена за петте номинирани за Оскар (10 за најдобар филм), но плус за уште 5 други кои освоиле најмногу награди сезонава а изостанала номинацијата за Оскар (нешто слично правевме и тогаш, само со непотребни комплицирања да предложите сами номинирани, по што кога ќе дојдеше моментот да се гласа, се губеше интересот за тоа).

Во анкета погоре ќе ви бидат понудени 10 актерки со улоги во конкретни филмови за кои ќе најдете youtube видеа подолу. Можете да гласате за максимум 3 кои вие мислите дека биле најдобри.

Втората категорија е: НАЈДОБРА АКТЕРКА ВО СПОРЕДНА УЛОГА (21-23.02.2024)

Досегашни победнички:
2015 - Џенифер Џејсон Ли - The Hateful Eight
2016 - Виола Дејвис - Fences
2017 - Алисон Џејни - I, Tonya
2018 - Ема Стоун - The Favourite
2022 - Кери Кондон - The Banshees of Inisherin

А номинирани за НАЈДОБРА АКТЕРКА ВО СПОРЕДНА УЛОГА ЗА 2023 се:

01. Da’Vine Joy Randolph - The Holdovers


02. Emily Blunt - Oppenheimer


03. America Ferrera - Barbie


04. Danielle Brooks - The Color Purple


05. Jodie Foster - Nyad


06. Julianne Moore - May December


07. Rosamund Pike - Saltburn


08. Claire Foy - All of Us Strangers


09. Viola Davis - Air


10. Sandra Huller - The Zone of Interest


Како 11 опција е додадена: Other. Доколку ја одберете оваа опција, во коментар напишете за кој друг би гласале и зошто.

Секако, ги очекувам и вашите коментари за тоа кој ви се допаднал, кој не ви се допаднал, кој сте го гледале, кој не, зошто треба да победи еден а не друг и се останато поврзано со споредните женски улоги во филмовите од 2023.

И: секако дека може да гласате и ако не сте ги гледале сите филмови. Никој не очекува сите тука да ги гледаат сите филмови. Да нема недоразбирања - ова не значи дека треба да се гласа за филм кој не си го гледал, но значи дека може да се гласа за најдобриот од тие кои си ги гледал.