Точно. А и не се само овие 4 (попознати) приватни високообразовни установи во Р.М. Добри кадри излегуваат и од Меѓународен Балкански Универзитет, Бизнис Академија Смилевски - БАС, УТМС и други, кои секоја година организираат меѓународни научни конференции на кои гостуваат многу странски стручњаци, претставници на странски универзитети итн. Сега, како и на државните, така и на приватните, дел од дипломираните студенти градат кариера во МК и надвор, дел професионално се надоградуваат преку посетување на различни курсеви, за подобри можности и побогато ЦВ, а дел од нив чекаат магично да им дојдат можности и работа, што е невозможно.
Иначе, јас бев против приватните високообразовни институции кои изникнаа како печурки во последните неколку години во МК, мислев никаде го нема тоа, али еве само во Минхен (каде што јас решив понатамошно да се надоградувам) на пример, низ цел град има сигурно 10 пати повеќе колеџи, високи школи, различни студиски програми него во цела Македонија, кои се рамнат со Bachelor и Master degree програми, и на кои студираат огромен број домашни а и странски студенти. Слична е ситуацијата и во повеќето европски земји, од луѓе кои ми кажувале. Па според некои мои размислувања и проценки мислам дека баш ради тоа скоро невозможно е да се видат германци, скандинавци, британци и сл народи, па дури ни грци кои висат со цемент и кофи при градење на градежни објекти, барем во Германија. Не дека имам нешто против тие професии, ама се надевам ми ја сфаќате поентата. Така да, вложувањето средства во образование, ако е со намера и за стекнување на некакво знаење, секогаш се исплаѓа. Јас сум дефинитивно за достапност на што повеќе акредитирани студиски програми низ цела МК, со цел за остручување и описменување на што поголем дел од народот.
