Чекај де, тазе си ти, има време дур да те изеде болеста. Жал ми е ако сурово звучам ама вистината е таа, нема што да ти мачкам очи.
И да, не смееш луто. Било што луто, вклучувајќи 80% од сосовите на светот, а сосовите се клучен дел за скоро секое јадење.
Не смееш грав, ниту пак било кој мешункаст зеленчук што има кожичка. Грашок, боранија и слично...
Не смееш млеко сега за сега, а за година-две нема да смееш ни млечни производи, вклучувајќи сирења, пудинзи..
Ќе ти забранат и јатки ако веќе не ти забраниле. Ореви, бадеми - ништо од тоа.
Ќе ти забранат исто така и семенца и нивни производи, како што е сончоглед и негово масло. Сусамот е веќе табу за тебе, тоа ни во сон немој да го консумираш.
Кога болеста ќе земе замав, помалку или повеќе ќе бидеш на бајат леб (никако тазе), бистри супи процедени од тестенини, лиснат зеленчук но никако со долги влакна (нема зелка, моркови, тиква) а истото важи и за овошја со влакна. Банани, киви, јаболка, портокали и слично. Нема ни јаготки ниту пак боровинки и слични онакви зрнести шумски овошја. Нема ни храна што создава гасови, поради ова ти е забранет гравот но во таква храна спаѓа и кромидот. Никаква пржена храна не смееш, а од месо само пилешки гради (без масно ткиво) и само ако е добро проварено без зачини.
Е сега удри му математика што смееш да јадеш... Пире од компири правено со вода, мед, бајат бел леб без зрнца, без сусам и поретко варено стекче.
Со други зборови, you're fucked. Мој совет ти е, внимавај на исхраната дур можеш а чим почувствуваш дека станува неподносливо, одма на операција. Знам дека звучи страшно ама ќе си купиш 7-8 години мир по операцијата. Подобро средна диета со операција од што да гладуваш и да се сториш костур.
Јас бидејќи сум тврдоглав, арогантен, на моменти сум убеден дека сум најпаметен и секогаш одам по некаква своја логика, решив да пристапам поинаку на мојата ситуација - едноставно си ги спржив цревата комплетно со се што ми беше забрането (алкохол, газирани пијалоци, пржена и многу зачинета храна - се пропратено со многу анестетици ) дур не отрпнаа од болка, веќе не чувствувам болка ама лошата страна е што нема бегање, сакал-неќел морам на операција. Нешто како екстремен спорт му доаѓа тоа, или плукање во фаца на смртта, како повеќе љубиш