Приговор против обвинението
Ваквиот приговор подразбира можност обвинетиот да бата судот да ја испита законитоста и основаноста на обвинението, што овозможува судска контрола на непотребното и штетно за обвинетиот- излегување пред кривичен суд
Во приговорот, кој нема стандардна содржина, може да се оспорува секој дел од обвинението, како и стварната, односно месна надлежност на судот. Во актот може да се бара разјаснување за приќините за обвинување, запирање на постапката, наведување на формални грешки и недостатоци, како и ненадлежноста на судот.
Обвинетиот има право да поднесе ваков приговор до судот, најдоцна 8 дена од приемот на тужбата. Судот го наведува ова при врачувањето на обвинителниот акт. Ваков акт може да поднесе и бранителот (адвокатот) на обвинетиот, и тоа без одобрение на својот клиент:salut:
Претседателот на судскиот совет, постапувајќи по приговорот, може да одлучи истиот да го прифати или да го одбие, да го врати на обвинителот заради грешки и недостатоци во актот или постапката (процедурата), да побара од обвинителот истиот да го надополни и разјасни, а ако судот оцени дека е ненадлежен, обвинението се препраќа до надлежниот суд
Судот може да одлучи дека заради материјална, формална и суштинска неоснованост, постапката по обвинението да се запре. Тоа се прави ако наведеното дело не е кривично дело, ако постојат основи за исклучување на кривичната одговорност, ако барањето за гонење не е поднесено од овластен тужител, ако нема предлог од приватен тужител-таму каде е тоа потребно, како и заради околности кои го исклучуваат гонењето или немање доволно докази.
Приговорот се одбива ако се оцени дека обвинението е основано.
Ако обвинението поминало низ судска контрола, судот одлучил дека е надлежен и дека има дело, како и доволно докази поднесени на време, обвинителниот акт станува ПРАВОСИЛЕН. Тоа значи дека се исполнети сите предуслови за одржување на главниот претрес.