Кој филм/серијал е подобар и зошто? A Quiet Place v. Bird Box

[џимеј]

Океј, да ја оживеам темава затоа што стварно мислам дека ќе падне убава дискусија овде. Ќе го променам малку насловот, ја замислувам како навистина ГЕНЕРАЛНА за да дискутираме за филмови, актери/ки, режисери...

Ја имам замислено да предложувам една недела актер, друга недела актерка, трета па филм, исто и режисер. Како и да е, ако некој сака посебно да дискутира околу одредена личност (т.е. филм) нека ме контактира, ќе се потрудам и неговата желба да се најде во наслов.

Ќе ги форсирам повеќе глумциве затоа што за филмови сме дискутирале повеќе отколку за нив. Ќе видам како ќе се одвива дискусијата и дали има некаква заинтересираност.

Денес ќе почнам со Хит Леџер. (хинт: Кој неможе да се сети на името, еве слика)

Првпат актеров (не се сеќавам кога точно) го забележав во Патриот. Толкуваше споредна улога (син на Мел Гибсон). Филмот достигна голема слава, а на Хит му беше доделена трагична улога.
Излегуваа нови филмови, нови актери дојдоа на сцена. Имаше и одлични филмови тој период (2001-2002).
При рака ми дојде еднаш Приказната за витезот. Филмов ми стана еден од омилените од тие со витешка тематика. Главната улога Хит ја толкуваше одлично. После некако ми замре. Мислам, имаше неколку неуспешни и застанати години.
За повторно да блесне во Планината Броукбек. Контроверзен филм. Некаде прочитав коментар каде некој рече - "најубавата љубовна приказна". Океј беше, ако гледам од страна како актер, тоа му е работа.

Но според мене, најдобар филм по кој Хит ќе биде запамтен, не е Казанова и Браќата филм, туку Темниот Витез. Колку и да не се сложуваме дека ова не беше типичен Бетмен и дека Џек Николсон подобро одглуми, Хит добро се снајде во филмов! Штета, можеше да направи многу повеќе, ама ете, тоа е. Некој рече - од кога умре стана прославен.
Хм, не се сложувам баш - беше славен типот.

Повелете, во кратки црти мислење. Ќе видам како ќе се одвива дискусијата, се надевам ќе има заинтересираност.

 

[SV-Strange]

Покрај Casanova и The Brothers Grim од кои имав прилично средна оцена, Brokeback Mountain ми го расипа целото расположение, и не го догледав. Но, најголемиот блесок на неговиот талент и умешност (добро, според мене) се појави во The Dark Knight во улога на Joker, баш кога неговиот живот згасна.. која иронија.
Почина на 22.12.08, нека почина во мир.

 

[јовица11]

Типчето кое ме освои со првиот филм (10-те нешта кои ги мразам кај тебе).Екстра смарт глумец,кој како камелеон успешно се транспортираше од улога во улога.И една година по неговата смрт,сеуште не можам да поверувам дека го нема златното момче од Холивуд,типот на кој му се восхитував на маестралноста,талентот и приземјеноста истовремено.За кратко време стана дел од моите омилени холивудски актери,а и уште долго ќе го паметам по несекојдневниот талент и шармантната насмевка.RIP Хит
Уметниците заслужуваат аплауз но ти заслужуваш овацииlee:lee:

 

[ErT]

R.I.P. Heath се надевам ќе добие Оскар за споредна улога. :salut:

 

[Дивајн]

Генерална дискусија за играни филмови, актери, режисери (денес: Хит Леџер)

Малку несредена и нејасна изгледаше претходната тема, на која се надоврза новиов концепт. Затоа, таа ќе ја затворам, а оваа како нова и посебна ќе биде отворена. Ќе ја поставам како важна за да биде позабележителна и поактивна.

 

[Io Sono Interista]

Но според мене, најдобар филм по кој Хит ќе биде запамтен, не е Казанова и Браќата филм, туку Темниот Витез. Колку и да не се сложуваме дека ова не беше типичен Бетмен и дека Џек Николсон подобро одглуми, Хит добро се снајде во филмов! Штета, можеше да направи многу повеќе, ама ете, тоа е. Некој рече - од кога умре стана прославен.
Хм, не се сложувам баш - беше славен типот.

Повелете, во кратки црти мислење. Ќе видам како ќе се одвива дискусијата, се надевам ќе има заинтересираност.

Немам време за подолг пост, само да кажам,

Прво, ги имам гледано барем по 5 пати и Batman (1989) и

The Dark Knight (2008) и апсолутно не се сложувам дека Џек Николсон подобро одглуми. Секоја чест на старата ѕверка, но овој Џокер беше еден од најлудите психопати што било кога се појавиле на филмското платно. Улогата ја одигра за чиста 10-ка.

Второ, Хит Леџер беше еден од омилените Холивудски актери. Не држи тезата дека затоа што умрел стана славен. Имаше прекрасни улоги. Посебно ми се допадна во The Patriot (2000).

R.I.P.

 

[Дивајн]

Хит, прв пат убаво го забележав во Brokeback Mountain. Толку ми се допадна филмот и како си ја одглуми својата улога, што веднаш ми стана уште еден омилен лик од филмските платна. Ако пред тоа бев параноична дека повеќе нема да се родат актери како Ентони Хопкинс, Ал Пачино, Мајкл Даглас, Џек Николсон, Роберт Редфорд и сличните на нив, тогаш се убедив дека тој е новата легенда која многу ќе успее! Дури си замислував како би изгледал како постар, кога ќе глуми некој спокоен и мистериозен лик во некој ептен добар трилер.
После Brokeback Mountain барав други негови филмови и се изненадив дека скоро сите ги имам гледано (барем тие попознатите), но не сум го забележувала. Гледајќи ги по втор пат, постојано од почеток го засакував. Ми пречеше тоа што немаше други слични улоги на таа со која освои Оскар. Сите му беа така поопшти, посекојдневни, што не значи и лоши. Мое мислење е тоа.
Додека беше жив, последен филм во кој го гледав беше Патриот. Филм кој одбивав да го гледам затоа што мислев дека е некој воен и досаден. После првото гледање (а се решив да го гледам поради Хит), се мразев затоа што го одолговлекував толку време. Прекрасно глуми и тука и прибидејќи ептен се внесувам во убави филмови, се убив од плачење кога го убија.
И, после неговата прерана смрт, го гледав The Dark Knight. Тешко ми беше бидејќи цел мој филм во врска со него ми се прекина. На некој чуден начин многу го засакав и наместо да чекам уште многу негови нови остварувања, остана уште еден филм. После долго време решив да го гледам и гледањето беше со цело внимание кон Џокер, иако и Christian Bale ми е еден од фаворитите. Како да сакав да ги забележам сите негови последни моменти, што правел, каков бил итн. Сцената кога е без шминка, која трае 2 секунди, сто пати ја вратив и на пауза ја зјапав долго време. Многу тешко ми беше, навистина голема загуба! Значи, прекрасно надминување на самиот себе и одлично снаоѓање со една таква тешка улога. Не го споредувам со Џек, затоа што се два различни светови. Знам само дека после него, секое спомнување на Бетмен, како Џокер пред себе ќе го гледам Хит.
И еве за крај неколку негови изјави, за него и тоа што тој го работеше:

"I only do this because I'm having fun. The day I stop having fun, I'll just walk away. I wasn't going to have fun doing a teen movie again.... I don't want to do this for the rest of my life....I don't want to spend the rest of my youth doing this in this industry. There's so much I want to discover."

"I don't have a technique. I've never been a believer in having one set technique on how to act. There are no rules and there is no rulebook. At the end of the day, it all comes down to my instincts. That's the one thing that guides me through every decision professionally. Socially, also. That's my technique. Yeah, you read through the script 100 times. I guess I have little characteristics about myself. Sometimes, most often than not, once we start shooting I won't look at the script at all until we finished shooting. It's kind of like it's been imprinted in my head during rehearsals. You just let it go."

"I never had money, and I was very happy without it. When I die, my money's not gonna come with me. My movies will live on - for people to judge what I was as a person. I just want to stay curious."

R.I.P. Heath

 

[Горан]

Неколку филма имам гледано со Леџер и во поќето добро одглуми ама не ми остај некој голем впечаток, ама од последниот филм стварно напрај ремек-дело. Цел филм го гледав само ради неговиот лик, предобро го одглуми Џокер како смирен ладнокрвен психопат.

 

[CueBaLL]

R.I.P

Хит беше добар актер според мене најдобро го одглуми Џокер секоја чест.

 

[klime7]

Имам гледано само еден филм со Леџер и тоа The Dark Knight, секоја чест на Џек Н. но мислам дека Хит неверојатно добро си ја одработил својата улога во Џокерот,
искрено се надевам постхумно ќе му биде доделен Оскар за улогата во The Dark Knight.
Не се сомневам дека имал добри улоги и во Brokeback Mountain, Патриот и другите фимови

Нека му е вечна слава

 

[Crazy in Love]

Не ми беше омилен актер, но ми беше интересен како појава и ми се допаѓаше како глуми. Дефинитивно највеќе ќе го памтам по “10 нешта кои ги мразам кај тебе“. Знам дека можеби имал милион пати подобри улоги од таа, но едноставно целиот тој филм ме плени, таму ми е толку некако интересен, позитивно - негативен...

Инаку жал ми е што си отиде навистина талентиран актер, имаше он уште многу работи да покаже...

 

[Justice for All]

Го имам гледано во 3-4 филма. Интересен ми беше. Од тие што ги имам гледано Казанова ми се допадна најмногу (не викам дека беше до него, интересен ми беше филмот). Броукбек не ни го догледав... го глеав со другари и ни беше глупо да ги гледаме овие кај се лапаат и кај се... добро ај знаете.. нејќам ни да се потсетувам...
Многу ми беше жал кога слушнав дека умрел. Многу млад, стварно е трегедија.

 

[Горан]

Ни треба нова тема за денот
џимеј нека мени ко ќе дојди онлајн.

Предлог: клај овај пат режисер или филм за да дискутираме од се по нешто.

 

[Дивајн]

Ни треба нова тема за денот
џимеј нека мени ко ќе дојди онлајн.

Предлог: клај овај пат режисер или филм за да дискутираме од се по нешто.

Темава нема да има нов наслов секој ден, туку секоја недела. Не може секој да си каже мислење во еден определен ден или па да се има безброј предлози кои ни го овозможуваат тоа.
А и за пост од два реда, можеш да пишеш и во играчница ... ништо страшно, нели?
Мислењава нема да ги избришам за да го потенцирам ова, а и тоа дека доколку имате желба да се издвои некој ваш омилен актер/ка, филм или режисер пишете му пп на џимеј. Што ќе биде од темава ако тука секој си ја пишува својата желба? Ќе се изгубат постовите кои вредат да се прочитаат.
Е, тој понатаму доколку се сложи со вас - ќе го предложи истото. А мора да се размисли за се`, затоа што има многу глумци и филмови кои се поспецифични и кои немаат баш голема публика, барем кај нас.

Ќе се потрудите да ме прочитате и да не се повторуваме по сто пати, нели?

 

[Болиглава]

Според мене неспоредливо подобар Џокер од Џек Николсон, беше токму овај младич. Сите потези, извици, реплики му беја најсветлата точка во кариерата, токму во оваа улога, во филмот кој мислев дека ќе е mega failure. Коментирам конкретно за Бетмен бидејќи е единствен филм што сум го гледал со него. Планирам следнава недела да спуштам неколку филмови со Хит и подетално да го проучам краткото, но сепак значајно опстојување на овој човек на филмската сцена.