Додека ми е тазе во главава да отворам нова тема заради тоа што ми се случи мене, а сигурен сум дека му се случило на секој барем по еднаш. Дома правиме нова кујна и купуваме се што треба да се вгради за мајсторот да почне да работи. Дојде ред за мијалник и по разгледувањето на повеќе мијалници на интернет се одлучивме за мијалник од фирмата која продава Фабер и Нарди во Капиштец (не ја именувам заради тоа што незнам дали да ги именуваме и дали заслужуваат). Се јавив таму, прашав дали го имаат и ми рекоа дојди, ќе го нарачаме и ќе го имаш за еден ден. Си реков што не го нарачаат тие па јас да појдам утредента да го земам ама ај. Отидов, оставив име и презиме и број и си заминав. Денес, ми се јавија да го земам. Отидов таму, го земав, го ставив на задното седиште во автомобилот и право кај мајсторот. Мајсторот го зема во рака, помина со раката по внатрешната страна и ми вели овој е удрен оди и врати го. Се враќам во дуќанов и муабетот е ти го виде тука и си го зема може ти си го удрил негде. Значи јас се вратив таму за отприлика еден саат (станува збор за времето помеѓу 13 и 14 часот попладне) и шизикот не ја враќа стоката. После мало убедување и разговарање со „директорот„ ме упатија да го носам мијалникот во нивните магацини кај Интеримпекс во Автокоманда. Отидов и до таму па и тие ме убедуваа дека тоа е моја грешка. Ако првпат во животот купувам мијалник, НОВ, дали треба да го ставам на скенер? На крај ми дадоа друг кој го разгледував некое време и иако имаше две многу мали гребаници во себе си реков ако не го земам ќе направам инцидент. Е тоа почитувани форумџии е компанија од која никогаш повеќе нема ништо да купам ниту пак ќе имам добар збор. Ова го напишав на уште еден форум затоа што за разлика од нормалниот свет кај нас муштеријата изгледа никогаш не е во право.