1) Збориме за нешто што би можело да биде, ако не дојде до промена на трендови, некаде за минимум два-три квалификациски циклуси за СП.
2) Вие споредувате какви се сега, а мене муабетот ми беше какви може да бидат во иднина. Не ми се битни имиња на фудбалери и споредба меѓу нив, туку принцип на работа.
3) Тоа што е предност за САД, може да биде и мана. Лесно е да направиш прогрес од ништо. Но, јас мислам дека има уште простор за прогрес
4) Ги направивте како да се Кинези и да немаат контакт со колективни спортови со топка. А камоли контакт со фудбалот. Кинезите треба можеби и генерациски да се "подесуваат" за да бидат нешто во фудбалот, кај Американците не е таков случај. Башка што таму има различни раси, погодни за секаков спорт. Што не можат да понудат во фудбал? Тактички, технички, физички? Кои карактеристики им недостасуваат?
5) Не се работи само за привлекување на фудбалери поради маркетинг. Иако тоа до некаде е и контрадикторно. Зошто би земале некого првенствено за маркетинг, ако немало простор таму да се развива и да се популаризира фудбалот?
6) САД е препознаена како држава каде може да се направи нешто со фудбалот, макар и тоа било само за собирање на фудбалери. Не е за џабе вртењето натаму во последно време.
7) Некој ја спомна и Канада. Не е битно, еве нека биде Северна Америка како целина.
8) Со тоа што се држите само за Бразил, а не и за други од Јужна Америка, само потврдувате дека е во пад фудбалот во Јужна Америка.
9) И тие работи си одат некако по инерција. Затоа и ги гази времето и се повеќе заостануваат во однос на фудбалот во Европа. Можеби ќе се променат работите, но за сега, ништо не асоцира на можност тој јаз да се намали. А ако паѓаш, ти се доближуваш до другите, макар тие и не напредувале премногу. Не треба САД да има и некој неверојатен скок, затоа што овие од Јужна Америка паѓаат.
10) Мексиканците не пратат толку МЛС, затоа што си го пратат нивното првенство. Таму им се и клубовите за кои навиваат. И тие што се родени во САД, навиваат за некој клуб од Мексико. Како на пример Србите од Босна што си навиваат за ЦЗ или Партизан. Имаше на Атлетик една статија за тоа колку се гледа МЛС, а колку првенството на Мексико помеѓу Мексиканците во САД.
11) Не е спорно за популарноста на другите спортови, за тамошната култура, за финансиите кои кон тие спортови ги привлекуваат најталентираните деца за спорт. Зборуваме дали има простор да напредува фудбалот, а не дека МЛС ќе биде популарна и ќе врти повеќе пари од НФЛ.