Еве, да направиме една анализа на противниците наши на ЕП и како поминаа после првите три мечеви:
Холандија:
Низоземците започнаа очајно со пораз од Турција 4-2. Потоа, 2-0 победа на домашен терен против Летонија и уверлива победа 0-7 на гости против Гибралтар.
Два меча против целосни аутсајдери и еден пораз против екипа што ќе игра на ЕП.
Во моментов го делат второто место во групата и имаат подобра гол разлика од Црна Гора и Норвешка.
Украина:
Добри вести за Украина - немаат пораз!
Лоши вести за Украина - немаат победа!
Три средби - три ремиња - три постигнати погодоци - три примени погодоци
Најпрвин автоголот на Кимпембе им донесе бод на гостувањето во Франција, а потоа Украина, во директен дуел со екипа што ќе биде дел од ЕП - Финска, одигра 1-1 на домашен терен откако во последните 10 минути поведоа, па направија фаул за пенал.
Во последното коло - кикс. Реми од 1-1 против Казахстан во натпревар каде избраниците на Шевченко поведоа и генерално доминираа цел меч.
Групата на Украина има вкупно пет репрезентации, а само тие и Франција имаат одиграно три средби.
Австрија:
Од се по малце за австријците. Реми, пораз и победа.
Ремито дојде во првиот меч на гостувањето во Шкотска. Калајџиќ постигна два погодоци за водство но шкотите на двапати успеваа да израмнат.
Во вториот меч играа со фенерџијата Фарски Острови и започнаа лошо. Фарјаните поведоа, но Австрија уште во првото полувреме го постави вкупниот резултат 3-1.
И најлошото дојде на крај. Пораз од 0-4 на домашен терен против Данска. Сите погодоци постигнати во второто полувреме.
Оваа група делува поприлично интересно од аспект на борбата за второто место.
Во моментов Австрија е на четвртото место со ист број како и третопласираниот Израел и еден помалку од второпласираната Шкотска.
Фарски Острови и Молдавија имаат еден бод.
Данска е прва со 9 поени.
Само четири екипи ги започнаа квалификациите со максимален учинок:
Данска, Италија, Англија... и Ерменија.
П.С. И на ЕП како и во квалификациите ќе бидат дозволени пет измени. Дали фудбалот ќе се врати на трите замени после пандемијава, останува да видиме.