Кајганџиски книжевен предизвик за 2023 година

[<<Goku>>]

1. Исповед на една маска - Јукио Мишима

Книга која му донела светска слава на Мишима. Кочан(името на главниот лик) е момче кое уште во детсвото сознава дека го привлекуваат машки, сфаќа дека е поразличен од другите момчиња во класот зошто нив ги интересираат девојки. За да се вклопи во општеството тој го крие вистинскиот јас под маска, па дури и пробува да се заљуби во жена.

Книгата нема некое си дејство но полна е со самоанализарање на ликот и напишана е во убав стил. Иако не се поврзав сосема со приказната на моменти сочувствував со ликот, сепак сите на некој начин носиме маска и имаме тајни за кои не сакаме да знаат другите и ги чуваме длабоко во себе.

 

[Miss.Independent]

Јас започнувам со две лесни и брзи книги за читање.

1. Избриши ги солзите од Линда Хауард
Мила е жена борец која со години трага по своето киднапирано дете од кое речиси сите се имаат откажано. Немилиот настан се случува во Мексико кога нејзиниот син има 6 недели и оттогаш таа живее и диши со надежта дека тој е се уште жив. Се бори со секакви информации, отвора организација за пронаоѓање деца воедно и помага на многу други. После речиси 10г лавовска борба таа наидува на човек за кој велат дека е платен убиец и дека тој може да помогне..

2. На раб на лудило од Б.А Парис
Кес и покрај молбата на сопругот да не поминува низ шумски пат во ноќта кога беснее страшна бура таа сепак скршнува со колата за да стигне побрзо дома. На патот има застаната кола во која седи жена Кес подзабавува и застанува на момент, но не излегува и продолжува. Утредента дознава дека жената била убиена и почнува целосна агонија на обвинување и грижа на совест во нејзината глава. Од тој момент заборава некои вообичаени работи: каде ја паркирала колата, кога потпишала договор за аларм, дали пиела апче, зошто нарачала бебешка количка кога нема бебе? Но дали навистина сето тоа е последица од настанот или се случуваат работи коишто таа не ги гледа и уште помалку очекува од одредени луѓе...

3. Јужно од границата, западно од сонцето од Харуки Мураками

Хајиме и Шимамото најдобри пријатели. Двајцата се деца единци. Во општеството во коешто растат е невообичаено да се има само едно дете, па оние кои се растени без браќа и сестри ги сметаат за малку себични и незрели – предрасуди кои ќе го прогонуваат Хајиме цел живот и кои делумно го формираат неговиот карактер. Шимамото е е повлечено и мирно девојче поради фактот што не може правилно да оди. И двајцата си наоѓаат еден во друг сродна душа, стануваат најдобри пријатели, верно и срамежливо негувајќи ја искрата на прва детска љубов којашто почнуваат да ја чувствуваат – сè додека едниот не се пресели во друг град....

4. Тивката Жена од А.С.А Харисон

Бракот на Џоди и Тод е во многу лоша ситуација. Се е загрозено, вклучувајќи го и богатиот живот што го водат во нивниот стан на брегот на Чикаго на брегот. Тој е посветен измамник. Таа живее во негирање. Тој постои во двојни светови. Таа сака да се пресмета. Тој одлучува да игра да задржи.Таа нема што да изгуби. Раскажана со наизменични гласови, „Тивката сопруга“ е за брак кој е во фаза на распаѓање, пар кој оди кон катастрофа, отстапки што не можат да се направат и ветувања што нема да се одржат.

5. Прашај ме повторно, ќе ти речам „да“ од Мери Бет Кин

Френсис и Брајан двајца полицајци-почетници во њујоршката полиција, живеат еден до друг во соседство надвор од градот. Семејна драма за две семејства и нивните деца низ текот на неколку децении. Приказна за пријателство и љубов и како спомените од детството се менуваат во текот низ годините.

 

[Saladin]

2. A long petal of the sea - Isabel Allende
Јазик: Англиски
Страници 420

Кога станува збор за литература која потекнува од шпанско и јужноамериканско подрачје, се сметам за тежок новајлија. Оваа книга по препорака ги разби моите предрасуди и незнаења за историјата на овие народи.
Се работи за два главни протагонисти (маж и жена) кои со крвавата судбина во Шпанија во крајот на 30тите пребегнуваат во Чиле каде почнуваат од почеток. Надевајќи се дека целата војна ќе има краток рок тие се надеваат на враќање на своето родно огниште - Барселона. Но животот во Чиле (долгата нишка крај морето) им нуди животни предизвици за кои и самите никогаш не би сонувале.
Прекрасна книга за љубовта, нејзината метаморфоза низ годините на заеднички живот, истрајноста како и трагедиите со кои се соочиле иљадници семејства во 20тиот век.
Дефинитивна препорака.
10/10

 

[Harald]

5. Nassim Nicholas Taleb - The Bed of Procrustes

Kniga so aforizmi (neznam dali e bas tocen terminot, dali vo mkd ima nesto slicno)
ili izreki, od avtorot.
Generalno se negov stav kon obrazovanie, avtori, negativno kon ekonomisti i Harvard.
Ima nekoj aroganten stil i generalno ima negativen imidz, dosta od izrekite se preterani po moe mislenje,
ama ima nekoja logika i mudrost sepak.
Ne mi bese bas vo plan ovaa, ama najmala e od Incerto serijalot, pa da go pocnam.
Ne ja preporacuvam za kupuvanje, eventualno nekoja piratska verzija od ljubopitnost

 

[Major Tom]

#2. Lust for life - Irving Stone

Ремек дело за животот и делото на големиот Винсент ван Гог.
Немам што повеќе да додадам.

5/5

“I put my heart and soul into my work, and I have lost my mind in the process.” [VVG]