3. “Чиста анархија“- Вуди Ален (Или-Или)
По “Нежно навистина нежно“, која стилски беше речиси идентична со оваа книга, се решив да ја читнав и “Чиста анархија“ која е шашава композиција од 15тина кратки приказни од најразлични општествени домени, а навлегува и во моралот, психологијата, философијата, научната фантастика, правото и самата егзистенција на апсурдот. Најинтересна и најзабавна ми беше преписката за фиктивниот филм.
4. “Немата пациентка“- Алекс Мајклидис (Сакам Книги)
Полицијата го затекнува Габриел мртов, а сомнежот и вината паѓаат на неговата сопруга Алисија, која по тоа трауматично искуство решава да западне во внатрешна тишина. Напорите за разрешување на мистеријата за убиството на нејзиниот сопруг, како и наводниот мотив, самоиницијативно ги презема Тео, психијатар, кој од непозната причина има посебен интерес за овој случај. Нема да давам никави спојлери. Еден од подобрите, ако не и најдобриот трилер кој го имам прочитано последниве неколку години. Интересен заплет и невозможно претпоставлив крај.
5. “Идентитет“- Милан Кундера (Арс Ламина)
Книгата започнува и завршува со бркотница. Од желбата да бидат еден до друг, до волјата за простор, приватност и кратка разделба, па се до повторното и конечно соединување на Жан-Марк и Шантал. Првите знаци на староста започнуваат да допираат до Шантал, смета дека мажите повеќе не се вртат кон неа се до моментот кога добива анонимно љубовно писмо, од таен обожавател, кој ја следи нејзината сенка. Таа започнува мечта, копнеж кон него, ги бара знаците, го бара во опкружувањето додека писмата започнуваат да се редат едно по друго, но ги поврзува точките, ја осознава вистината и решава да го напушти Жан. Иако воочуваме себедеградирање кај Жан, смета дека ги пропуштил сите возови во животот, смислата на животот ја гледа само во Шантал, таа станува негов тотем, предмет на обожавање, ги окупира неговите мисли, го опседнува, ја сака, но поттикот на амбициозноста се воочува кога решава да се бори за нив, ја следи до Лондон и ја враќа во своите прегратки. Интересно е да се впуштиме во извесна анализа на овие ликови. Книгата, покрај ова издание на Ламина, ја има и во издание на Табернакул.
6. “Аурис“- Винсент Клиш (Сакам Книги)
Книгата започнува со двојна мистерија, која Јула, поткастерка која обработува вистински злосторства, се впушта да ја разреши. Првата е во нејзиниото силување, за кое нејзиниот брат за презема одговорноста и непосредно потоа си го одзема својот живот, за која има голем сомнеж во вистинитоста на признанието. Втората се состои во убиството кое го извршува и признава Матијас Хегел, форензички форензичар, познат како Аурис (уво) чија карактеристика е вршење психоалализа и психопрофилирање врз база на звучни пораки. Клиш книгата ја пишува во соработка со Фицек. Лесно тирлерче, ќе ве извози, претпоставувам дека на повеќето ќе ви се допадне.
7. “Животот на нашата планета“- Дејвид Атенборо (Арс Ламина)
Една од ретките книги која ме исполнила. Во првиот дел го читаме животното патешествие на Атенборо, односно најпрестижните и најбитните моменти во неговата кариера, но и улогата која ја имале споредните актери кои оставиле маркантна улога во своите подрачја, дел жртвувајќи го своето здравје, но и живот за каузата за сочувување и спас на животинскиот свет, соочувајќи се со контантни напади и деградирања, но и со ловокрадство каде за миг губат дел од светот во кој посветуваат години и години од животот. Дел од тие напори резултираат на забрани за лов, каде животот успева да го преброди секој предизвик и денес, постепено, се враќа во одредена оптимална бројка која дава надеж дека видот ќе опстои и преживее. Дел резултираат неуспешно, тие суштества, со кои со векови сме го делеле просторот, денес можат да се најдат во одредени природнонаучни музеи. Мешу другото, во книгата има и прекрасни слики во боја. Улогата на Атенборо е со снимателстката екипа да оди и во најодалечените краишта на светот и на гледачот да му ја долови борбата, каузата, посветеноста, но и приказ на разноликоста на животинскиот свет и нивните природните живеалишта, кон која има длабока фасцинација. Вториот дел од книгата, се однесува за неговата визија за иднината. Најтопла препорака за некој кој сака природнонаучни тематики.
