Novakovska Snezana
21 Февруари во 11:59 ·
За законот на планината, клубовите и системот наш насушен!
(Текстот подолу требаше да биде пократок ,но пак ми остана многу недопишано!)
ОЈО го тресе Трансверзалец , читам и не можам да верувам на тоа што го читам.
Се фрла превез на вина во случај кој се уште се истражува и кој во самиот старт е окаректеризиран за несреќен случај .
Па дали сте нормални дали воопшто помислувате и ги сортирате работите од самиот старт ?
Планинарењето е индивидуална работа, адреналинска работа каде секој е полнолетен и оди на своја лична одговорност и дека никој никого физички неможе да спречи да оди линија понагоре и надолу.
Па дали воопшто сте биле на барем една ваква тура да видите и самите какви се луѓе доаѓаат : брзи и бесни , спори и самозаљубени , мрзеливи и оние кои мислат дека се во топ форма а неможат ни километар да изодат.
Па дали целата вина ќе се сведе на Зоки Москито и на Трансверзалец само затоа што работите во Македонија не се средени и на ова поле, и што секој планинарски клуб кубури за својата егзистенција секојдневно дали ќе успее да собере пари и да го пријави своето постоење во ФПСМ.
Гледам КОД пред некој ден и тоа не можев да поверувам секоја чест за искуството и големината на Лупевска во новинарството, но насловот на емисијата КОД таа вечер немаше врска со содржината и целосно избега од темата , барајќи фискална одговорност од ФПСМ и од ПК Тансверзалец , а со тоа од сите планинарски клубови во Р.М.
Барате фискални сметки од сиромашни планинарски клубови каде претседателите на истите знаат некои тури или било какви други организирани настани и од сопствен џеб да ги покријат.
Се обидовте да претставите дека планинарските клубови имаат процент од тоа што организираат тури во и вон Македонија , ама ајде Ве молам!
Па да имаат процент прво тие претседателите и водачите нема да платат за турата , а кажувате дека Калина платила 2.200 денари , и замислете ве молам не добила фискална сметка!
Па ако толку се грижите за безбедноста на планинарите сте се запрашале колку се тие безбедни во планинарските домови кои се во надлежност на Р.Македонија каде се се распаѓа, а господ ги заборавил дека постојат, како оној на Трансверзалец на Попова Шапка или пак оној на Водно.
Зошто некој не направи проверка на сите планинарски тури кои се организираат на ниво на Македонија пред да се случат , зошто некој не направи проверка на тури организирани од планинарси клубови кои и не се регистрирани во Федерацијата за планинарски спортови во Македонија, зошто сето ова не се правеше порано?
Постои ли правилник во Законот на Р.М каде со посебен член се уредени правата и обврските на планинарските клубови?
Сите сакаме да знаеме што се случило и зошто се изгубија два млади животи и тоа е повеќе од потребно да се знае , но зошто обвиненија и зошто одговорности , зарем некој не се обидел да помогне или ја посакувал загубата?
Со искрено сочувство од длабочината на душата кон родителите на Калина и Александар само тие знаат како им е во овие моменти, но болката често пати го замаглува видот, но каква одговорност бараат од Трансверзалец ? Каде е нивната одговорност ако така сакаат , и зошто ја пуштиле да си оди на турата? Звучи глупаво ама уште поглупаво е да обвинуваш некој кој секогаш со минимална опрема бил на висина на задачата и спасувал нечии животи.
Кој беше одговорен за заталкувањето на француските скијачи или кој беше одговорен за лавината лани која зароби неколку планинари на Шар Планина кои самите се спасувале како знаат и умеат, зошто тогаш не баравме виновници или требаше да се чека некој да загине па да се покренаат сите овие прашања околку планинарскиот спорт во Македонија
За жал Калина и Александар овој пат немаа среќа да се спасат , планината ги зароби нивните авантуристички духови и ги зачува за себе.
Престанете Ве молам да барате вина во оние кои повеќе од сигурно си ја јадат душата и кои секој ден повеќе од сигурно сакаат да го вратат времето назад и воопшто да не појдат на оваа планинарско патешествие.
Само Калина и Александар знаат зошто се вратиле на врвот додека некој им наредил да не го прават тоа , само Калина и Александар знаат што се случувало по 19 часот .
Едно е сигурно, кога тргаш на планина свесен си дека таму те чека пролет , лето, есен и зима, дека се е за 100 пати посилно и зимата и летото, но и убавината.
Нека оваа трагична случка биде предупредување за идните авантуристи кои ќе се обидат да ги мерат силите со планината, а на Калина и Александар нека им е спокој на душите за навек.
Нека ни е вечна Македонија и нејзиниот систем минат и сегашен !
