НОРМАЛНИ УРБАНИ ПРОЕКТИ
Специјални брзи ленти за велосипедистите во Европа
Текст: Д.П
Велосипедските брзи ленти се нов концепт на транспорт кој се прошири низ Европа во текот на последните години, а најмногу е присутен во Данска, Германија, Шведска и Британија. Така на пример, во предградието на Копенхаген велосипедската брза патека е изградена на почетокот на месецот, а градските власти планираат уште 28 такви патеки.
Покрај превозот, рекреацијата и уживањето, Копенхаген со ова планира да заштеди и на трошоци на здравството. Велосипедската мрежа во Данска, годишно заштедува 40 милиони евра за здравствениот систем, а нејзината изградба не чини ни приближно толку.
Ларс Гаардхој, службеник од градските власти на Копенхаген вели дека брзата велосипедска патека ја користат луѓе кои одат на работа или на училиште со велосипед и патуваат повеќе од пет километри. Во местата каде нема добра инфраструктура за велосипедите, граѓаните го користат јавниот транспорт или пак своите возила.
Разликата меѓу ваквите патеки и стандардните, меѓу другото е и во нивното одржување, бидејќи тие се одржуваат на ист начин како и патиштата за моторните возила. При проектирањето се води грижа патеката да биде колку што е можно порамна и права за да овозможи брз проток на велосипедите. Стандардните патеки вообичаено кружат меѓу другите патишта и меѓу објектите, како да се помалку важни сообраќајни делници, но брзите патишта се еднакви по важност, што го покажува и зимското чистење на снегот од нив.
Сите бараат подобри велосипедски патеки, подобро осветлување на нив, одредена брзина на движење и чистење на снегот. Токму и тоа сакаме да го направиме со брзите патеки, на кои може сигурно да возат велосипедистите, со доволно светло и целата неопходна опрема.
На секој километар ипол ќе мора да постават пумпи за велосипедите, а при влегувањето во градовите, работата на семафорите ќе биде така прилагодена, за со возење со 20 километри на час, да се фати зелениот бран.
Данските градови сакаат на тој начин да ги придобијат и возачите на моторни возила, особено оние кои патуваат повеќе од пет километри секој ден. Првата ваква брза велосипедска патека е отворена пред една година, која за 10 проценти го зголеми бројот на велосипедисти меѓу центарот на Копенхаген и предградијата.
Гаардхој вели дека со зголемувањето на бројот на велосипедисти, се намалува и количината на штетни гасови испуштени во атмосферата во Данска, а луѓето се рекреираат што е особено важно за оние кои патуваат на работно место на кое ќе седат во текот на работните часови.
Берлин неодамна отвори 12 нови брзи велосипедски патеки, Лондон работи на 12 вакви патеки, а властите во Шведска одобрија градба на брзи патеки со четири ленти, на делницата од Малме до Лунд.
Истражувањето на германското Министерство за транспорт, спроведено неодамна, покажа дека работниците кои користат велосипед, работат подобро и побрзо од оние што постојано патуваат со автомобил.
Владата во германската покраина Северна Рајна Вестфалија, од минатата година стартуваше со проект за ваква велосипедска патека која ќе биде долга 85 километри и ќе ги поврзува дизбург, Есен, Бохум и Дортмунд, а слични најави доаѓаат и од Келн и од Дизелдорф.
Швеѓаните за патеката во Малме ќе одвојат 4,1 милиони долари, и пресметале дека инвестицијата брзо ќе се исплати.
. Нејсе може да се направи нешто ко Амстердам патеки и предност прво велосипед , па пешак е дури тогаш автомобилите и слично. Тука би додал присуство на полиција и пајак служби за сите непрписно паркирани кои окупират тротоари , па и цели ленти... Да има туш кабини на работните места и нормално паркинг места кои не се кој знае каква инвестиција , па пред супер маркет нема каде да се остави велосипед , а не па на друго место.
