Ајмо, нова рецензија
Сигурно веќе ја имате забележано нашата посебна врска со бургерите, па затоа, овој пат решивме да дегустираме нешто од менито на еден од локалите за кои низ градот се зборува дека ги приготвува своите бургери со голема љубов – Ресторан Маџо 2.0.
kajgana.com
Почитуван тим на Кајгана.
Прво би сакале да се заблагодариме на предходната рецензија на Дупли Чедар од Киоск Бургер Бар, на која без разлика што имаше некои работи што можеа да се коментираат и објаснат, се договоривме да не одговориме ништо.
Но читајќи ја новата рецензија за Маџо2, во која бевме спомнати и споредени неколку пати, сметаме дека некои работи сепак заслужуваат коментар:
1) Прво што се приметува е дека рецензиите се направени во различни услови: сега е јадено на лице место, а бургерите од Киоск се земени за достава, што значи пакување, возење до Автокоманда, пристигање дома и распакување, сликање па на идегустација.
Нормално дека после минимум 30 мин, бургерот нема да биде ист со тој што би се јадел на лице место во Киоск, поготово кај Дупли Чедар кој што е составен од две 120 гр јунешки плескавици, кои за да собере две, се потенки и полесно се ладат и губат на сочност.
2) Разликата во видот на бургерот е втората забелешка што ја имаме. Да не бевме директно спомнати како споредба, нема проблем - таму сте јаделе еден вид бургер, во Киоск друг.
Но не е коректно да се коментира и споредуваат различни бургери, бидеќи првиот е една плескавица од сигурно над 220гр и дебела 2см, а од Киоск е 120гр и доста потенка . Секое месо, дали јунешко, свинско или пилешко, со такви разлики на димензии, дебелото ќе биде поубаво и посочно, тенкото ќе испадне посуво и попечено, поготово ако се јаде после 30 мин.
За крај, концептот на правење рецензии на храна ви е добар, само продолжете така, но ако сакате да правите споредби, тогаш би било во ред да се нарачуваат слични бургери по големина и да се јадат во исти услови, зошто вака сметаме дека вашите читатели, а и фановите на Маџо (рецензијата е споделена на нивните социјални профили), добиваат грешна слика за Киоск Бургер Бар.
Вистинска споредба би бил нашиот голем Киоск Баургер со 180гр чисто јунешко месо, лепче од сопствено производство, специјален сос, салати, ајдамер кашкавал и карамелизиран кромид.
Поздрав
Киоск Бургер Бар