Знам дека ја расипувам забавата на оваа тема , наједноставно ке беше да се издерев и јас на сметка на некого и полемиката ке си продолжеше на задоволство на сите !
Ама, го преживеав тој период на распад на еден систем со кој се урнисаа и многу од стандардите кои важеа .
На мои очи пропаднаа скоро сите големи градежни фирми со исклучок на две кои и денес се присутни на Мк буништето , после нив или во исто време останаа без воздух исто и големите земјоделски , текстилни , хемиски , металопреработувачки капацитети .... оставајки армија безработни или работници со нерешен статус . После подолго држење на леб и вода тие веке беа спремни да работат се и сешто за било каква плата и под било какви услови , со недоволно почитување и почесто без почитување на стандардите за заштита при работа .
Кон сето ова се придружи и деградацијата на образовниот систем , започна масовна продукција на високообразован кадар без вистинска стручна подкрепа . Стана срамота млад човек да каже дека е со средно школо а уште пострашно дека има завршено средно стручно .
Во такви услови како градежни работници почнаа да се појавуваат погореспомнатите стечајни работници од други бранши , кои недостатокот на стручност во таа струка го менуваа со мизерни плати и услови за работа , безработните рудари едвај чекаа да ги повикаат на работа , веке не прашуваа за услови и така скоро во сите бранши.
И најжално е што се создава впечаток дека скоро на никого не му одговара воведување на ред и поредок , што суштински не е во корист на директниот извршител на работите т.е. работникот , кој не така одамна се декларираше како владеачка класа .