Истанбул

Член од
8 јануари 2013
Мислења
5.035
Поени од реакции
12.892
Секогаш кога патувам гледам по форуми да не има некој поопширно споделено искуство, па затоа ќе пишам тука впечатоци, работи кои треба да се внимаваат/посетат/пробаат, за да им се најде во иднина на тие што прв пат ќе одат.

Смештај

Јас бев во дилема каде е најдобро да си сместен, дали Таксим (новиот центар) или Султанахмет (стариот центар), избрав Таксим и по тоа што прошетав мислам дека не згрешив. Прво ако патувате со Пегасус, ептен ви е едноставно да сте Таксим, само фаќате Havabus до Таксим кои ги има на секои половина час веднаш пред аеродромот Sabiha Gokcen, 150 денари ви е билетот, 1 саат возење е со автобус. Друга работа, делот на главната улица во Таксим каде што се продавниците, не се споредува со делот каде што се продавниците во стариот дел пред Капачи чаршија. И едното и другово место 24/7 нема игла каде да падне, само што на Таксим покултурно е раздвижено, средени дуќани/слаткарници/мини молови, полиција на секој чекор, делот пред Капали е Шутка 2.

Што да се купи/проба

Тука ќе пишам само за тие работи каде што бев, бидејќи невозможно е да се посетат сите молови/продавници/слаткарници, ме советуваа Венеција молот да го видам ама не стигнав, а и подалеку беше. Форум Истанбул го видов, со него се стига со промена на 2 метроа (ако си сместен во Таксим), или пак со едно ако пропешачиш од Таксим до Yenikapi метро станицата. Потоа треба да се симнете на Kocatepe станицата и таму е Форум Истанбул, најголемиот мол во Истанбул, имате Декатлон до него што е исто меѓу најголемите. Форум Истанбул нема што нема од продавници, и тие продавници што ги има исти ко кај нас, нема едно парче иста облека. За споредба Вајкики што кај нас ми е прегрдо се, таму има хајкинг работи, некои предобри работи по смешни цени. Рачунајте дека ќе ве заболат нозе од шетање, еден ден само за мол тргнете.

Понатаму, обавезно да пробате трилече/баклави/торта/кунефе од Хафиз Мустафа продавницата. На Таксим улицата има 6-7 нивни продавници и сите им се секогаш препоплни, чекаат луѓе маса да фатат. Сите набројани работи таму се многу вкусни, повкусни од било што пробано во Скопје, а и во Истанбул. Пример на баклави седнав и во Мадо слаткарницата(исто на Таксим ги има многу), ама таму ништо посебно не беа, во Неџо во Чаршија ми се подобри баклавите. Ова ви го кажувам како страшен мераклија на благо и човек што прибира за благо, Хафиз Мустафа мора да седнете. Исто така дуруми, донери, генерално се е ептен вкусно, има и продавници на Таксим ко мензи да си јадеш сарми и такви готови јадења, и тие беа превкусни.

Ако сакате да подарите локум за пријатели, ќе видите секакви добри зделки, ама имајте го ова на ум: најдобра понуда што ќе ја најдете за мали локуми е 6 за 50 лири на почетокот на главната улица кај Таксим, кога ќе ја искачите угорницата од Галата кулата, од десна страна. Најефтина продавница за благо е во Султан Ахмет кога ќе излезете од Капали чаршија, каде што поминуваат трамваите улицата, веднаш преку улица, голема е нема шанси да ја утнете. Немаше никаде локуми за носење убаво спакувани 500 грами за 57 лири (во чаршиите по 280-380 кило продаваат), или пишманлии за 31 лира.

Јас мислев дека се е поефтино во чаршиите, ама да знаете се е најскапо таму, особено во продавници каде што нема цени, да знаете дека мора да се ценкате, цените од ракав ви ги кажува. Пример купував шал од камшир и свила за поклон, и прво рече 180 лири, и јас среќен што се иценкав за 135 лири, кога одам на Таксим го гледам истиот шал за 110 лири почетна цена. Исто има и по 280-300 што продаваат во Капали Чаршија. Така да, запомнете, Капали чаршија и Мисир чаршија ви се нешто најскапо во Истанбул, плаќате 2-3 пати од тоа што ќе платите на други места, доброто е што може да се ценкате колку ви душа сака, и најдоброто е тоа што може да се најадете и напиете со потрошени 0 денари, од сите продавници ви нудат работи да си земете (локуми, чаеви, маслинки, сирења). Во една 10 чаја пробав од сите различен вкусеви, ќе имате мака да одбиете толку бесплатна храна и пијалоци (сериозен сум).

Што да внимавате

Внимавајте на преваранти, кражби, буквално градот е огромен во популација, нормално е да се очекува и дека ќе има најголем број на преваранти и крадци. Тука не ги рачунам луѓето што ќе ти продадат нешто по повисока цена (нема фискални), бидејќи тоа е секојдневие, тоа е во духот на градот, туку баш преваранти, буквално врие. Кога отидов во метрото, не работеше англискиот дисплеј, нема шалтери и буквално никој не знаеше збор англиски, па еден преварант стоеше покрај тие со туце картички во рака и “помагаше“ на сите, и демек требаше да се набави таква картичка од него, а на апаратите да се додаваат само возења ако ти истече, ама тој е преварант, невалидни се сите картички од туцето, а вакви ги има на скоро сите метра да знаете. Автоматот сам ви дава картичка, исто автоматот не дава кусур (жолтиот, синиот само дава што го нема никаде) и ставете само точен износ на сума, конфузни им се малку апаратите, некои имаат само 1 возење, некои имаат за 3, ако видите 11 значи ќе ви даде одоздола апаратот картичка за едно, ако видите 23 ќе ви даде за 3 возења. Среќа најдовме една од тие на метро вработени германски што разбира да објасни како функционира, дека англиски натписи нема, а луѓето не знаат англиски, ниту пролазни минувачи, ниту вработени(црна униформа, ко Бешикташ ги има само кај тоа рампите за метро, ако знаете турски ќе ви објаснат, ако не со среќа). Исто и да внимавате кога вадите пари во чаршија или телефон, обавезно на закопчување во џеб да ви се прибрани работите, се краде многу.

Цени

Ова беше моето најголемо изненадување во Инстабул, буквално се е поевтино од Скопје. Наједоноставно да рачунате е да множите со 4, значи 100 лири ќе ви е 400 денари, и така за секоја цена. Има донер за 12 лири, 48 денари, превкусен беше, поубав од сите донери во Скопје пробани. Вода литро ипол е 2,3 лири во маркет, тоа е 9 денари. Пијачка да земеш кога седнуваш да јадеш исто е смешно ефтино 2-3-4-5 лири е се, до душа нема многу избор вода, ајран, кола такви работи, ама пак. И да си седнете во тие на Гугл што ви ги дава препораки (најелитните) и таму не е скапо, во ова Хафиз Мустава по 35 лири беше се (140 денари), а големи порции,немам видено поголемо парче торта да се сервира некаде. Магнетчиња такви работи исто многу ефтино, јас за 4 лири земав, грото се за 5, во многу земји каде што сум одел се од евро нагоре. Транспортот ви е 90 денари три возења, сигурно има и поефтини верзии ама таа ние таа ја користевме (иако не користевме многу, дека убаво е да се шета).

Знаменитости

Ги видов однадвор сите знаменитости, ама не влегов во ниедна, искрено не ме фасцинира (надворешниот изглед) како некои знаменитости во Рим на пример, ама посекако убаво е да ги видите. Карти за внатре да влезете ви се отприлика по 10 евра за Топкапи, Долмабахче, за Аја Софија и сината џамија не се плаќа нормално, исто и Мисир чаршија и Капали чаршија да ги посетите. Кула Галата имаше пола километар ред што чекаа да влезат да се качат на неа, така да тоа цел ден ќе ми отидеше ако чекав ред. Убаво искуство е да прошетате и да ги видите сите, од тоа што ми беше предвидено во Јилдиз паркот само не стигнав.

Се на се, Истанбул е град кој мора да се посети, блиску ни е и достапен. За храна и шопинг е премија, нема да можете ранците/куферите да ги затворите од што ќе ви бидат преполни, најголеми маки ќе ви бидат да одлучите што да купите/јадете, навистина преголем избор по багатела цени. Убаво искуство. :) (y)
Автоматски споено мислење:


Четвртата слика е компир иначе, многу јака работа. Лиги си правиме со сликиве знам, ама да доловам :D
 
Последно уредено:
Член од
10 октомври 2011
Мислења
6.098
Поени од реакции
9.903
Друже @FilipMKD007 продолжи со репортаживе, одлични се. :)

Инаку во Истанбул не сум бил, а во план ми е некое време веќе.
 
Член од
4 јуни 2009
Мислења
11.320
Поени од реакции
27.799
@FilipMKD007

Хафиз Мустафа се само комерцијални, далеку од најдобри ама за цената се океј. Јас ги сакам затоа што кога и да одам обавезно зимам пакет од кај нив и го пакуваат многу добро. За поклон е одлично.

За храна и добро месо ако си исто Salt Bae ресторанот, во Капали Чаршија е. Најевтин ресторан во светот му е, а квалитетот е одличен. Пред 3-4 месеци 5 луѓе вечеравме сите tomahawk со 2-3 флаши вино плативме по некој си 40 евра од човек. Смешки беше. Исто ако си по ноќен живот и ако те води патот натака пак обавезно Таксим после 1-2 на полноќ. Магични врати се отвараат, локалите се лудило. Princess Island е исто must see при посета, поготово пролет/лето.
 
Член од
31 јануари 2014
Мислења
378
Поени од реакции
1.038
Мало ажурирање на одличната репортажа на @FilipMKD007 со искуства од последниов викенд.

Патувавме 4-ца со кола преку Бугарија, патот од Дупница (50-тина км после Деве Баир) до Истанбул е автопат, некои преферираат патување преку Грција поради делот од Куманово до Дупница кој не е автопат, но нашето искуство е позитивно и при евентуално повторно одење би ја избрал истата рута. Има околу 9,5 часа возење се друго е време поминато на граница, кафе паузи и слично. За Бугарија вињет е 15 лева за 7 дена, може да се купи онлајн Во Турција ќе ви треба HGS стикер (вињет за патарини и мостарини без временско ограничување), 100 лири кредит е доволно од Едрене до Истанбул и назад, дури и ќе остане некоја сума која може да биде доволна за едно поминување на мост до азискиот дел на Истанбул и назад. Не се купува онлајн, веднаш после влезот во Турција на Капикуле има знаци каде се продаваат. Имајте во предвид дека не примаат картички, мора да се плати во готово, лири, евра, долари.

За сместување на booking, agoda, hotels... веќе од 25 евра за спиење со појадок од вечер за двајца има избор на хотели. Наш избор беше мал хотел во Аксарај, со паркинг, што е посебно важно ако се оди со кола. Најголем дел од хотелите кои имаат пристапни цени се испопикани по тесните улици и многу малку од нив имаат паркинг. Се наоѓаат јавни паркинзи по цена од 70-90 лири за 24 часа, но може да биде подалеку од хотелот. Кога би одел следен пат дефинитивно би барал сместување во делот кон Таксим. Аксарај е блиску до Капали чаршија (2 станици со трамвај Т1, 10-15 мин. пешки), во продолжение е квартот Султанахмет (Аја Софија, Сина џамија, Топ Капи), но овој дел е поскап во однос на Таксим.

Репортажата на @FilipMKD007 е од март, но до сега некои работи се сменети. Еврото се менуваше за 16,4 - 16,6 лири, каде како ќе начекаш. Донер за 12 лири и пијачка за 3-4 лири е историја, сега донерот е 30 - 35 лири, во порција околу 50 лири. Пијачка неалкохолна (кола, фанта) ни во маалско ресторанче нема под 10-12 лири. Баклава во разни варијанти (фстак, орев, бадем...) најевтина беше околу Таксим - 180 лири за кило. Локум пакуван во мали кутии (околу 170-180 грама) 25-30 лири, поголеми кутии (400 грама) 65-70 лири. Порција со месо во ресторан (пилешки стек, ражнич и разни варијанти на кебапи и ќофте) со гарнир од помфрит и ориз/бунгур е 50-60 лири. Алкохол на многу места нема, но ако се тргне по уличките кои се спојуваат со Истиклал улицата (оди од Таксим кон Галата Кулата) се наоѓаат ресторани кои служат алкохол. Пиво (Ефес, Амстел, Хајнекен) 35 - 40 лири. Еспресо и турско кафе од 20 лири па нагоре, турски чај 10-12 лири. Благи работи во ресторан/кафуле (порција баклава - обично 3 парчиња, баклава со сладолед и во уште 10 други варијанти, ќунефе, трилече, разни сутлијаши и сл.) 25-30 лири. Не дека е прескапо во однос на Скопје, муабетот ми е дека растат цените и таму.

Има многу опции за тура со брод по Босфор, различни понуди во однос на времетраење, услуга и цени. Ја одбравме кратката тура од 2 часа на Сехир Хатлари Имајте во предвид дека цените не се ажурирани на нивниот сајт. Кратката тура е 24 лири, долгата 50 лири но се поевтини од останатите и 1,5 евро за 2 саати на брод не вреди да коментираме. Ги има по еднаш во денот во точно одредени термини, картите се купуваат 30 минути пред поаѓање, исклучиво во готово во лири. Поаѓаат како и најголем дел од турите од Еминону, застануваат по 2 пати (на одење и враќање) во Ускудар (азиски дел) и Ортакој. На враќање се симнавме во Ускудар, кварт кој не е нешто посебно, но затоа во дуќаните позади пристаништето може да се најде облека за поевтини цени, а улица две понатаму има ресторани со поевтини цени него во европскиот дел. За враќање има метро линија која оди под Босфорот, од станицата Мармарај до Сиркечи.

За движење низ Истанбул препорачувам исклучиво јавен превоз. Ако сте со кола оставете ја на паркинг пред хотел. Ова го препорачувам поради добрите конекции низ цел град со метро/трамвај/автобус, тесните улици и малкуте паркинзи кои нон стоп се преполни со возила и секако ограничувањето во движење ако паркираш на еден крај, а сакаш нешто да видиш што е подалеку. Во сите превозни средства се плаќа со Istanbul Kart која е само за јавен превоз за разлика од Istanbul Tourist Pass која вклучува влез во некои знаменитости. Хендикеп е што не постои дневна карта, туку мора да се плаќа за секое возење макар промената на линија да биде и на иста метро станица. Со една карта може да влезат до 5 лица, функционира на при пејд систем, се купува од трафики или од картомати кои ги има на секоја станица. Самата карта е 30 лири, за едно возење се плаќа 7,5 лири, а доколку се смени линија независно дали е автобус/метро/трамвај во рок од 1 саат цената паѓа на нешто над 5 лири. На секоја станица има картомати кои прифаќаат плаќање и со картичка, за што има мала провизија.

Шопинг опции во Истанбул има на секој чекор. За Капали чаршија мислам дека нема некој што незнае дека таму се влегува само за да се види што е и како изгледа најизвиканата чаршија во светот. Секаде и за се што се продава важи принципот на ценкање ама таму и тоа не помага за да се купи нешто поевтино. Лалели е кварт помеѓу Аксарај и Капали чаршија и целиот е со бутици кои најчесто работат на големо но може да се најде и такви кои продаваат на парче по поевтини цени. Тие дуќани што се на главната улица (каде што помунува трамвајот Т1) сите продаваат на парче. Истиклал улицата после Таксим има бутици со светски и локални брендови, може да се најде гардероба и обувки по цени пониски од кај нас. Бевме во Форум и Оливиум аутлетите, за Оливиум би препорачал да не се троши време бидејќи не е со голем избор, најчесто турски брендови и далеку од очекувањата за аутлет цени. Во Форум може да помините и цел ден, огромно здание, се наоѓа гардероба на голем попуст, ако сте со кола лесно се доаѓа бидејќи е покрај автопатот преку кој се влегува во Истанбул независно дали доаѓате од Грција или Бугарија.

Како и да е, Истанбул е град за кој најчесто има позитивни критики и коментари, дефинитивно вреди да се посети, има што да се види и доживее, а за шопинг како тргнала економијата кај нив не очекувајте дека ќе наполните плакар за неколку стотини евра.
 

Стев

Rockscourge Stevahn
Член од
19 декември 2019
Мислења
4.413
Поени од реакции
4.237
Ми треба инфо за добра тура . Или за нова година или за велигден
 

kano

Farang
Член од
27 ноември 2014
Мислења
12.072
Поени од реакции
22.114
Ми треба инфо за добра тура . Или за нова година или за велигден
fufka sam? sve imas na temata, rezerviraj si let i brkaj rabota ne e tesko. zosto pobogu bi se ebav so turi, bi se klackal u bus 12 saati koga za isti pari mozes da letas i se sto sakas sam da vidis.
 
Член од
27 декември 2015
Мислења
67
Поени од реакции
42
Дали може малку помош во однос на јавниот превоз, би се сместил во стариот дел околу Аја Софија. Каде и како да купам картичка каде да јанадополнам,прочитав дека таа можела да се користи за сите јавни превози. Но исто сакам да знам и за крстарење со брод од каде е најдобро да се качиме и како оди плаќањето.
 

Harald

King of Norway
Член од
12 јули 2009
Мислења
3.096
Поени од реакции
8.871
ako nekoj odel pocesto, ima li period od godinata koga Istanbul ne e preplaven so turisti,
da receme deka e "poprazen" ? :ROFLMAO:

razgleduvam opcija da odam okolu Nova Godina periodot, ama nekako mi e strav deka kje bide najmnogu guzva,
i za setanje i za transport. negde fevruari - mart bi trebalo da bide off-sezona ili?
 

Стев

Rockscourge Stevahn
Член од
19 декември 2019
Мислења
4.413
Поени од реакции
4.237
ako nekoj odel pocesto, ima li period od godinata koga Istanbul ne e preplaven so turisti,
da receme deka e "poprazen" ? :ROFLMAO:

razgleduvam opcija da odam okolu Nova Godina periodot, ama nekako mi e strav deka kje bide najmnogu guzva,
i za setanje i za transport. negde fevruari - mart bi trebalo da bide off-sezona ili?
Ми е кажано дека многу дува овој период. Затоа се откажав од сега и одбрав на пролет
 

kano

Farang
Член од
27 ноември 2014
Мислења
12.072
Поени од реакции
22.114
ako nekoj odel pocesto, ima li period od godinata koga Istanbul ne e preplaven so turisti,
da receme deka e "poprazen" ? :ROFLMAO:

razgleduvam opcija da odam okolu Nova Godina periodot, ama nekako mi e strav deka kje bide najmnogu guzva,
i za setanje i za transport. negde fevruari - mart bi trebalo da bide off-sezona ili?
nova godina e najdobro ke si ja pomines vo eks juga... nikade ne se slavi toj period tolku ko doma.

istanbul u zima ima najmalku turisti ali i nema da go dozivees celosno bosfordot. od edna strana ke dobies ona sto sakas, pomalku turisti ako ti e film muzei i carshija ali pa ke propustis podobri zurki i bosoford nema da go vidis u pravo svetlo. iskreno jas bi ti preporacal da ides ednas zima ednas leto... ednas prestojuvaj okulu taksim ili ako skas avantura idi u aziskiot del drug a za prv pat idi si u sultanahmed. realno samo toj del okulu aya sofija, plavata dzamija, topkapi, basilica cistern ke ti treba 2-3 dena da go dozivees i prosetas... ako ti se pogodi da ne duva mnogu i si po odenjeto mozes i do kulata do galata ides preku mostot, ne e mnogu daleku okulu 3km bi rekol, poleka da odis i da razgleduvas ke ti fati saat vreme...
 

Harald

King of Norway
Член од
12 јули 2009
Мислења
3.096
Поени од реакции
8.871
gledam za vikendot 13-16ti januari, da odime istanbul.

opcijata e so kola.

gledav za smestaj provizorno, za 3ca 3 veceri spienje, od 150e pa nagore cenite na booking.
da ne znae nekoj opcija za nekoj poeftin smestaj- po drugi sajtovi?
moze da bide stan iznajmuvanje, ne mora hoteli.
od nekolku videa so gledav na youtube, predlagaat vo aziskiot del pokraj bregot da se bara,
demek dobri ceni i pomalku guzva.

gledam vremenska prognoza dava vrnezlivo nekolku dena. nekoj so bil pocesto, kako e najcesto vo vrnezlivi denovi tamu?
istura po cel den, ili nesto polabavo?
 

Стев

Rockscourge Stevahn
Член од
19 декември 2019
Мислења
4.413
Поени од реакции
4.237
Безбедно е да се иде деновиве или што?
 

Стев

Rockscourge Stevahn
Член од
19 декември 2019
Мислења
4.413
Поени од реакции
4.237
Ок.....фпечатоци....
Гужвите за аја софија се преголеми
На некои места каде што има рото рампи за билети,
не им функионираат најдобро
Има чекпоинти во секое побитно место(молови, музеи итн)
Зголемено полициско присуство на таксим, особено при амбасади
Капали чаршија е гужва,и загушлива, и тешко се навигира
 

Kajgana Shop

На врв Bottom