Скандал ја тресе Ирската католичка црква. Јавно се извини за децениското сексуално насилство на свештениците врз деца штитеници.
Кардиналот длабоко жали и е засрамен од она што се случувало во епархијата во Даблин во периодот од 1975-та до 2004-та година.
Извинувањето следува откако владата објави извештај за педофилија во редовите на католичката црква во Ирска, како и за пропустот на полицијата да реагира.
Црквата цело време знаела за тоа, но повеќе водела сметка за сопствениот углед кај верниците отколку за децата и за нивната иднина.
Според извештајот, црквата ги казнувала виновните свештеници само со тоа што ги префрлала во друга епархија, но не ги пријавувала во полиција.
„Лицата кои ги извршиле овие страшни дејствија ќе одговараат за злоделата без оглед каде се наоѓаат. Правдата ќе ги стигне кога тогаш“, изјави Дермонд Ахерн, министер за правда на Ирска.
Во извештајот се споменуваат 46 свештеници против кои се поднесени 320 тужби.
Се претпоставува дека во овој педофилски скандал се вмешани 150 свештеници, па затоа децата жртви бараат политичките и црквените официјални лица да сторат се правдата да исплива на виделина.
„Поминаа 10 години откако за прв пат проговорив и побарав истрага. Тие што го вртат погледот од ваквите случаи се подеднакво учесници во проблемот како и оние што го извршиле злосторството“, вели Ендрју Маден, жртва на насилство.
Освен од искази на жртвите, извештајот е составен и врз основа на тајни документи кои се најдени во сефот во Даблинската надбискупија.
Во нив имало изјави од свештеници кои признале дека злоставувале повеќе од 100 деца(!!!!!!!!!!!!!!!!!!!!!!!!!!!!!!!!), па се до такви кои тоа го правеле еднаш во две недели(Е ми олесна!!!!).
