Io Sono Interista
The original, one and only IoSono.
- Член од
- 21 декември 2007
- Мислења
- 28.333
- Поени од реакции
- 57.894
Големото "Derby della Madonnina" не очекува во недела навечер. Интер условно ќе биде домаќин во мечот со Милан, во сезона во која аспирациите на двата клуба се трето место и пласман во Лигата на Шампионите.
Ваквата ситуација не беше очекувана на почетокот на сезоната кога Интер играше во одлична форма а Милан беше во големи проблеми со составот и со формата на своите фудбалери. Првиот натпревар сезонава им припадна на Неразурите кои славеа со 0:1 со погодокот на Самуел. Во продолжение, црно-синиот состав од Милано ја загуби формата. Тимот само повремено блеснува, а почесто знае да им приреди вистински кошмар на навивачите, како на двете гостувања со Сиена и Фиорентина. Во преодниот рок клубот се ослободи од обврските на Снајдер и Кутињо, а беа доведени Скелото, Кузмановиќ и младата Хрватска надеж Ковачиќ.
Милан во меѓувреме се подигна од пепелта. По очајниот старт на сезоната, Росонерите им се вратија на победите, пред се благодарејќи на младиот Ел Шарави кој си ја искористии шансата. Хајлајт на сезоната беше неочекуваната победа над Барселона од 2-0, резултат кој сериозно се заканува да ги исфрли каталонците од ЛШ а на Милан му дава самодоверба и мотивација. Во преодниот рок, Берлускони го доведе темпераментниот Балотели назад во Милано, со што Росонерите добија на квалитет.
Настапите на Интер во Лига Европа не им донесоа многу радост на навивачите - откако Неразурите го загубија најдобриот напаѓач Милито на подолго време, се повреди и Ранокиа кој најверојатно ќе го пропушти дербито. Кај Милан ќе отсуствуваат Бонера и Де Јонг.
Формата е на страната на Милан кој има победи на четири натпревари од последните пет во лигата, наспроти Интер кој победи само еднаш. Минатата сезона кога Интер беше домаќин, натпреварот заврши со победа од 4:2.
Играч на кој треба да се обрати внимание: Марио Балотели, кој сигурно ќе игра со посебна мотивација, но и под притисок на домашната публика.
Можни состави:
Интер: Хандановиќ, Занети, Киву, Хуан, Нагатомо, Камбиасо, Ковачиќ, Кузмановиќ, Гуарин, Касано, Паласио.
Милан: Абиати, Абате, Запата, Мексес, Костант, Амброзини, Монтоливо, Мунтари, Боатенг, Балотели, Ел Шарави.
Термин: недела, 20.45
Отворачот на темава направи се што можеше да биде непристрасен. Forza Inter!!!