Интервјуа

mRnO

И по mRnO,mRnO
Член од
16 април 2006
Мислења
6.263
Поени од реакции
52
Тоше Проески
Непријатно ми е што луѓето живеат тешко, а јас возам мерцедес


По успехот што го стекна на поранешните Ју-простори, особено во Хрватска, каде со својот најнов сингл Срце није камен ги освојува топ-листите, Тоше Проески најавува и низа други активности, меѓу кои е конечната реализација на албумот на англиски јазик, подготовка на цеде со стари македонски песни, евентуалниот дует со Оливер Драгојевиќ... Но, тоа се само некои работи за кои Тоше зборуваше во едно од најискрените интервјуа што му се случија во кариерата. Секако, за да целата приказна го добие епитетот ексклузивно, тука е и најновата фотографија од искусниот Дејан Милиќевиќ.
На минатонеделната средба со новинарите, на припадниците на седмата сила им се довери дека си многу изморен. На што се должи тоа?
Обично доцна легнувам, заглавувам пред компјутер, каде правењето на музика ми представува забава и задоволство. Се уште не сум професионалец, но почнав да ги учам програмите за правење музика, иако човек учи додека е жив, нели!?
Успеа ли да го опремиш домашното студио како што сакаше?
Со ова што го имам успевам да направам квалитетни демо-снимки. Мене тоа ми е сосема доволно. Не претендирам во моето студио да снимам ништо повеќе од демо, затоа што ми е многу важно и луѓето околу мене да го кажат своето мислење. Во моето студио во изминативе две години успеав да направам педесетина успешни демо-снимки. Со тие што во меѓувреме ќе ги направам, кога ќе дојде време за нов албум, ќе ги изберам најквалитетните. Мојата среќа е во тоа што на секој албум се почесто се јавувам како автор. На првиот албум имав две песни, вториот го прескокнав, па на третиот имав една. На четвртиот, пак, компонирав три песни, а на петтиот, кој сеуште е актуелен, имам четири свои авторски композиции. Сепак, јас себе најдобро се познавам.
Тоа е за музиката, а што е со текстовите?
Тоа за сега не ми оди. Можеби не сум се сконцентрирал доволно, а и музиката ми го одзема сето слободно време. Се ослонувам на луѓето кои знаат да прават добри текстови, а да не сум задоволен од нив, би пробал самиот да пишувам.
Кој најдобро ти ги погодува текстовите?
Владо Јаневски, дефинитивно! Пред да почне со пишувањето многу разговараме. На тој принцип соработуваме, иако тој знае да дојде и со некои готови текстови, кои се всушност негови приказни, а во кои и јас се наоѓам. Ева на пример, песната “Полско цвеќе” од мојот последен албум, која ја напиша Владо, е прилично комплицирана и подепресивна од останатите, но емоциите кои текстот ги содржи се толку силни, што луѓето се наоѓаат во неа. Исто како мене...
Твоите обожаватели главно ги прифаќаат сите твои песни. Сепак, кои се твоите фаворити? Што од својот опус најмногу сакаш?
Не би можел да направам некој поширок избор, затоа што секогаш ќе има некоја која би ја заборавил. Но, ако морам да изберам една песна, тоа несомнено ќе биде Чија си. Во неа не се најдов само јас, туку и сите кои ги сакаат моите песни, на просторот на цела поранешна Југославија.
Како гледаш на тоа што многу пејачи од поранешните југословенски простори сакаат соработка со тебе? Во своите интервјуа за Теа модерна, Оливер Драгојевиќ и Хари Мата Хари, посакаа да имаат дует со тебе, а легендарниот Бата Ковач сака да толкуваш една од главните улоги во неговиот мјузикл за рускиот поет Јесењин.
Интервјуто со Оливер го читав и ме воодушеви неговата реакција. Тој мене одамна ми е најголем музички уметник на овие простори. Секоја помисла на Оливер јас ја доживувам како идентификација на човек кој има глас со боја на саксофон, кој има одлични песни, феноменална интерпретација... Тој одлично ги понава сите музички правци, вклучувајќи го и џезот. Неговата изјава ме изненади најмногу затоа што никогаш се немаме запознаено, ако соработката се случи, и снимиме дует, тоа ќе биде исполнување на еден мој сон.
Дали си сеуште фасциниран со музиката од минатото?
Апсолутно. Па јас пораснав со Лед Цепелин, со Дип Парпл, со Бон Џови од тоа време... Но тука се и У2, Принс, како и еден куп нови бендови кои сега ги слушам. Не би издвојувал некое име посебно, затоа што имињата не ми се важни, оти мене ми е важна музиката. Јас су обземен од музиката што ја правеа Ганс енд роузис, Мотор хед, Металика, Деф Лепард... Како што е познато, јас највеќе ги сакам баладите.
При ланскиот престој во Рим, во изборот за гитара која си решил да ја купиш, многу ти помогна Влатко Стефановски. Што стана со неа? Наоѓа ли често примена во твоите музички интереси?
Тој Фендер Стратокастер ми е многу драг и го носам со себе на сите патувања. Многу ми помага во создавање на некои демо аранжмани. Но, тие мои паралелни интереси за продукцијата нема да се одразат врз моето пеење. Одлично знам дека не може паралелно да се функционира на неколку полиња, а јас не можам да бидам и продуцент и пејач. Моите интересирања се непретенциозни, строго за своја душа. Иако во своите оесни одвреме-навреме би сакал да бидам гитарист, што не би му пречело на пеењето.
Дали си задоволен како во последно време се одвива твојата кариера и што е со неостварените соништа?
Многу сум задоволен и среќен од она што ми се случува. А, што се однесува до неостварените планови, тоа се албум на англиски јазик и интернационална кариера. Јас не се залажувам и знам дека тоа е многу тешко и дека освен квалитетот се важни и уште многу други нешта - финансиите, соработниците... Сепак, доколку најдам добар тим околу себе и обезбедам финансии за работа не се сомневам дека од себе ќе дадам врвен квалитет. Ќе бидам малку нескромен и ќе кажам дека во мене тлее квалитет, каков што го немаат многу луѓе во светот.
Веруваше ли дека за кусо време ќе се стекнеш со голема популарност на екс-Ју просторот?
Не верував, таа популарност ме затекна. Но, мојата публика е секаде иста. Секако, ништо не може да се спореди со Македонија, иако од Србија па до Триглав, нема разлика. Сите исто реагираат. Каде и да настапувам, луѓето не остануваат рамнодушни.
Те трошат ли сите тие комуникации со јавноста, со обожавателите, со новинарите...? Ти здосадува ли некогаш да бидеш Тоше Проески?
Јас сум роден за тоа. Тоа ми е уште еден дар од Бога...
...но има периоди кога се повлекуваш од јавноста!
Никогаш немаше некои екстремни случаеви да се повлечам на некој подолг период. Ако јавноста во Македонија мисли дека некаде сум се повлекол, јас сум веројатно некаде на просторот на поранешна Југославија, со еден куп ангажмани.
Имаш ли претстава за тоа што ќе работиш во наредниве недела, две...?
Не знам, и не сакам да се оптоварувам со тоа. Многу добро ми доаѓаат информациите пред самото случување. Ако премногу знам за некој настан, дополнително ќе се оптеретувам себеси, ќе размислувам што ќе биде, како ќе биде... Мислам дека е глупаво од сега да се заморувам со нешто што ќе биде за две недели. Тоа би ми одзело и концентрација и време, што не е добро за моето пеење.
Тоа значи дека имаш единствено план за утре?
Да, само за утре и ништо повеќе од тоа. Секако, запознат сум со глобалните планови, со некои поголеми случувања, патувања..., каде настапувам и кога настапувам. Но, за деталите се информирам еден ден порано.
Во подготовка е твојот прв албум со македонски стари песни. Што тој ќе содржи?
Тоа ќе биде избор од петнаесетина најубави македонски песни, иако на толкав опус на нашето музичко богатство, тоа ќе биде само дел од изборот. Песните ќе бидат со симфониска придружба, а не е исклучено нешто да отпеам и акапела. Меѓу избраните ќе се најдат: Јано мори, Зајди зајди, Мори сокол пие... Тоа ќе биде еден навистина посебен албум.
Ти останува ли време по сите ангажмани што ги имаш да уживаш во приватниот живот?
Јас воопшто немам приватен живот. Не памтам кога последен пат сум излегол со другарите на некоја забава.
Знам дека контактираш со многу мал круг на луѓе?
Среќен сум што тоа е мал круг на одбрани луѓе. Тројца другари ми се Ѓоковци и на нив можам да се ослонам секогаш кога има некој проблем, а тука се и Кочо, Никола... Сепак најверни другари ми се татко ми и мајка ми. Тие ми се темелот и базата. И кога не сум во Крушево, постојано сме во контакт, по неколку пати на ден. Многу ми недостасува семејството.
Дали твоите родители се задоволни од тоа како во последно време се развива твојата кариера?
Е, тоа малку претставува тешка филозофија. Јас не знам дали тие го добија тоа што го бараа. Родителите се среќни кога нивното дете е среќно, што значи дека се задоволни од мојата кариера. Но, од друга страна јас десет години не сум дома. Тоа е нешто што не ги прави премногу весели. Секако, јас се обидувам да балансирам, меѓу обврските и семејството...
Точно ли е дека меѓу Лондон и Крушево го избираш Крушево?
- Апсолутно и без дискусија. Мене базата ми е многу битна. Кога сум дома кај моите уживам во хедонистичкиот начин на живот. Обожавам кога околу мене се моите внуци, кога можам да ја пробам кујната на мама, да ја почувствувам топлината и хармонијата во одност меѓу мајка ми и татко ми. Тоа моите го имале секогаш, без оглед на моменталната имотна состојба. Моите никогаш не ме учеле да се врзувам за материјални работи. Иако сега добро заработувам, парите не ми се најважни. Единствено што ми е важно тоа е студиото. Во него се сите мои емоции.
До каде е уредувањето на твојата куќа, која се наоѓа во една елитна скопска населба?
Мајсторите се сеуште на терен, а јас немам време ниту да појдам да видам што се случува таму.
Дали твојата популарност и тиражност подразбира и постојани понуди за соработка од разни дискографски куќи и продукции?
До мене не стигнуваат никакви понуди. Имам одлична соработка со Љиљана Петровиќ и не знам зошто таа не би се одвивала и понатаму еднакво успешно како и до сега. Искрено, не посакувам никакви понуди, мене за сега ми е добро со тимот што го имам.
Дали и до тебе стигнуваат коментарите дека старото јато никогаш не го прежалило заминувањето на Тоше Проески?
Ајде да бидеме поконкретни...
Слушнав дека во Авалон никогаш не го прежалиле твоето заминување.
Јас немам таков впечаток, тие имаа големи успеси и со мене, и после мене. Таа продукција организира одлични концерти на странски изведувачи, кои за жал немав време да ги посетам поради многубројните обврски, а како што гледам и кариерата на Каролина ја водат многу солидно.
Дали сте во контакт?
Не контактираме, но јас имам тотално позитивно мислење за нив. За никој од моите поранешни соработници јас немам лош збор. Авалон направија многу за мојата кариера, а се надевам дека и јас направив нешто за рејтингот на фирмата. Се надевам дека моето заминување од Авалон во Фајнал Кат не беше голема загуба и дека тие не го доживеаа премногу стресно сето тоа. Јас сум секогаш подготвен да им помогнам, ако мојата помош им треба.
Што те тера да им помагаш на луѓето?
Веројатно тоа претставува семејна традиција, која е дел од моето воспитување.
Никогаш не си криел дека твоето семејство не живеело секогаш во изобилство.
Тоа не е за криење, туку за истакнување. Тоа е совршен пример за фамилија која живее во хармонија и љубов, без оглед на финансиската ситуираност. Но, фала му на Бога, сега немаме финансиски проблеми. Секако, тоа не ги сменило моите. Нивната љубов е иста од времеот кога имавме фиќо на пола.
Фиќо на пола?
Тоа значи дека пола беше на чичко ми, а пола на татко ми. Еве, до сега сменив толку коли, но фиќото сеуште го чувам. Тоа е тука да ме подсетува на некои минати времиња исполнети со многу љубов. Јас сум емотивен човек и без оглед што многумина ми сугерираат дека не смеам да се однесувам така, мене ми е непријатно што луѓето околу живеат тешко, а јаса возам мерцедес.
Имаш грижа на совеста?
Имам, а не знам зошто е тоа така? Едноставно сакам да се сплотам со средината. Тоа е едната страна, другата е дека сепак ми треба безбедно возило со кое без трауми ќе стасам до Загреб, на пример.

 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Тоше Проески - Продолжува

Точно ли е дека имаш голем страв од авиони?
Мене ми е траума секое летање. И порано се плашев, ама откако при едно слетување имаше од Виена имавме големи проблеми, па моравме да се вратиме назад, педесетина метри пред да стапиме на скопскиот аеродром, ги одбегнувам авионите секогаш кога можам. Секако, јас знам дека статистичи авионите се најбезбедното превозно средство, но стравот е уште посилен.
Твоето име често се врзува за девојки, за често мењавање на опкружувањето...?
Не сум тип кој често ги менува девојките. Сигурно кога некоја девојка целосно ќе го освои моето срце, јавноста ќе биде информирана, од мене лично. Веројатно поттик за разни шпекулации е тоа што јас останувам пријател со сите стари љубови.
Каков е твојот однос кон бракот, кон семејството?
Сега-засега не се гледам себеси во такви води, но верувам дека тоа само по себе еден ден ќе си дојде. Јас веќе кажав дека заради обврските немам приватен живот, а бракот е дел од приватниот живот. За мене добар брак и добор семејство е плафон во животот. Како човек секогаш ќе стремам да го достигнам она што го имаат моите родители. Денес и начинот на сакање е поинаков од порано, а на луѓето често љубовта не им е на прво место. Има тука и низа други работи.
Сакаш да кажеш дека многу потенцијални љубови би биле со тебе само затоа што си Тоше Проески?
Не би сакал да размислувам, но страв ми е од тоа. Не би сакал да го поминам животот со некој, затоа што тој ме сака само заради тоа што сум тоа што сум! Затоа што кога нема да бидам тоа што сум, што ќе се случи тогаш?
Како некогашен евровизиски претставник дали на тоа поле ги следеше случувањата кај нас и во соседството во последен период?
Презадоволен сум од нашиот избор и за мене нашата песна е подобра од поголемиот број од нашето опкружување. Ми се допаѓа Елена и како изгледа и како пее, а се надевам дека сценскиот настап ќе биде добар. Верувам дека таа ќе има поголем успех и од мене и од останатите.
Твоето учество во 2004, од оваа временска дистанца, го сметаш за успешно или за неуспешно?
За успешно, нормално. Особено заради искуството и заради фактот што се што понатаму ми се случуваше, се рефлектираше како последица од тоа. На пример луѓето од Лондон, со кои сега сум во контакти, ме забележале на Евровизија.Оној момент кога ќе добија вистинска песна и кога околу себе ќе имам тим подготвен да го осмисли мојот настап, повторно ќе се пријавам за Евровизија. И секогаш ќе го дадам најдоброто од себе, неоптоварен од евентуалниот пласман.
Бидејќи си идол на многу луѓе, имаш ли и ти свои омилени ликови кои те фасцинираа во животот, како што и самиот ги освојуваш своите обожаватели?
Имам и тој круг постојано се проширува. Ако некого морам да издвојам, тоа би биле: професорот Вилијам Рајли, кој многу ми помогна во едукацијата за пеење на англиски јазик, човек со кого соработувале и Павароти и Селин Дион. Секако, несомнено тука е и покојниот председател Борис Трајковски, човек кој имаше огромна љубов и енергија кои постојано се чувствуваа околу него, како и хрватскиот преседтал Стјепан Месиќ, кој ме фасцинираше со својата спонтаност и со гестот да ме прими во својот кабинет само затоа што бев дела од хуманитарниот концерт на Тони Цетински во Умаг.
Двајца од луѓето што ги спомна се политичари. Како ти си определен по тоа прашање?
- Јас сум политички неопределен. Без оглед што некои луѓе ме врзуваат за некои партии. Немам омилени ликови иако постојат личности и од едната и од другата опција во Македонија, а и од албанските партии за кои сметам дека се позитивни. Го ценам интелектот кај политчарите, иако како партија ниедна не понудила пакет од кој народот ќе живее подобро. Јас секогаш ќе бидам на страната на народот, и одлично знам да почувствувам кога му е тешко.
Имало ли обиди за вовлекување во некоја партија?
Имало, и заради тоа некои луѓе сметаат дека им припаѓам на овие или на оние. Не сакам ни да ги именувам. Апелирам до политичарите конечно да обрнат внимание на народот. Во Македонија, од Скопје, па до моето Крушево, а и секаде наоколу, луѓето се отепани, живеат тешко, со сто евра месечно, а мене ми е непријатно да има лагоден живот, знаејќи како живеат моите соседи.
Само едан пример ќе ви кажам за мојата политичка припадност. Доколку бев врзан за некоја партија, дали мојот татко сега ќе беше стражар, а мајка ми стечајка која седи дома и чува внуци? Па, да бев политички обоен зарем ќе дозволев моите да се мачат на стари години? Фала им што тие ме одгледаа, а самите знаат како. Затоа сега е на мене редот да им се оддолжам. И ништо не ми е тешко што треба да го направ за нив. Тоа е подобро отколку некој нешто да ни даде на подарок.
Како одат студиите на Музичката академија?
Факултетот уште го туркам. Третата година ја завршив и веќе сум апсолвент. Иако сега сум активен со поп-музиката, се надевам дека во подоцнежните години ќе можам да им се посветам на операта и на класиката, кои се исто така моите големи љубови.
 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Се што сте сакале да ги прашате
Стринг форсис, а не сте знаеле како...



Турбо-фолкери што одат на караоке забави по туѓи домови
Дали би снимиле дует со Мизар? Александра V.s.Горан Трајкоски или Таневски,зошто да не? Симонова Лидија
- Беше планирана да се направи соработка со Горан Трајкоски но од логистички причини не се заврши. Така да, во иднина можна е соработка.
Можна ли е дует/соработка со Калиопи или Гаро Јуниор?
Од Александар Митовски
- Зошто да не, ако тие мислат дека можеме нешто заедно да направиме. Можеби ќе излезе нешто интерсно, поучно и забавно.
Што се келари шарени? Сашо Поповски
- Келар е подрум.
Кога Стринг Форсис ќе имаат голем концерт во Битола? Владимир
- Кога промотерите од тој град ќе заклучат дека Стринг форсис треба да имаат голем концерт во Битола. Баш би сакале брзо да го заклучат тоа.
Дали Алфрида е се уште дел од групата? Сашка од Охрид
- Да. Дистанциран.
Што го натера Аце да замине, па да се врати во Стринг Форсис? Небојша Манев
- Здравствени проблеми.
Со што се занимаваат членовите на групата во приватен живот? Адријана Коневска
- Со визуелни уметности, учење од хомеопатија, медитирање, истражување – област трансакциона анализа, кодовите на македонското слово итн.
Зошто никогаш официјално не е објавена музиката од серијата Заведени, како што се најавуваше? Сања Трајковиќ
- Од немукает. Требаше да се доработат некои песни, но тоа никогаш не се случи.
Кој од македонските групи го изврши најголемото влијание на членовите на Стринг Ф? Драги Тодоровски
- Сите големи познати и непознати македонски музичари од 12. век па наваму.
Зошто Благојче Пенов веќе не е дел од Стринг форсис? Дејан Андоновски
- Затоа што целосно реши да се посвети на кариерата и на фамилијарниот живот.
Зошто Доријан во последно време се повеќе се ангажира со народната музика, а не со рокенролот? Славица
- Затоа што тоа му е интересно.
12. Каде излегуваат членовите на групата? Марија Радевска
- На турбо-фолк журки во Декаденс и на караоке забави по туѓи домови.
13. Колку песни од новиот албум ќе имаат спотови? Зоран Божиновски
- Пет.
Дали на СП во фудбал Аце навива за Германија? Милан Манасиевски
- Додека игра Иран - за Иран, а после тоа за Германија.
Знам дека Александра е мажена, но не знам дали има деца? Билјана од Битола
- Нема деца, ама многу сака деца, што не значи дека не може да има.
Со кого од музичката сцена Стринг форсис најмногу се дружат? Александра Бендевска
- Најчесто со никого.
Што мислат С. Форсис за камбекот на Леб и сол? Сашо Русовски
- Фантастично. Нешто поубаво не можеше да ни се случи оваа година, освен можеби камбек на Битлси кој за жал е невозможен.
 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Нексус
Панкот нема да умре додека се раѓаат луѓе како нас




Групата Нексус е формирана во 1996 година. Во почетокот функционираа како трио во која членуваа Сашо Касовски-Лиџе (гитара и вокал), Петар Стојчевски - Бардак (бас-гитара) и Ѓоко Таневски-Бифо (тапани). Во 2004 година им се приклучува и Дарко Крстевски-Пичован, кој го зазема местото пејач во групата. Нексус досега настапи на повеќе музички хепенинзи во државата, од кои позначајни се оние на Рок-фест, каде што музицираше четири години по ред - од 1997 до 2000 година. Покрај овој фестивал, Нексус беше дел и од Мајскиот рок-хепенинг во Битола, рок-собирот за Денот на екологијата во Велес, а свиреше и на една од вечерите на годинешново издание на Таксират 007.
Лиџе, Бардак, Бифо и Пичован досега имаат повеќе аудио- и видеозаписи. За нивната песна Хероина, снимена во студиото Тра-ла-ла на Димитар Димовски, текстот го напиша Ристо Вртев. Како најголем проект и остварување на групата момците го сметаат првиот албумот Добар ден, кој излезе минатата година.
Нексус доаѓа од Ресен, град од кој речиси нема бендови што постигнале некаков поголем успех на македонската рок-сцена. Во што е проблемот?
Ресен не е баш плодна почва за гитарски бендови. Тука луѓето сметаат дека ако не си земјоделец, тогаш си луд. Ние сме луѓе со поинакви сфаќања и со нашата работа се бориме да им докажеме на другите дека светот не се врти околу Цеца и јаболката. Тоа што немаме ниту една свирка во Ресен е доказ за тоа колку сме поддржани од нашите сограѓани. Но, и покрај тие проблеми, ние продолжуваме со исто темпо и веруваме во тоа што го работиме. Во изминативе години сме свиреле во повеќе македонски града, а публиката, но и самите бендови одлично нe прифаќале.
Зошто го одбравте токму панкот за ваше музичко изразување? Затоа што е едноставен и искрен...
Најмоќното оружје што ви е потребно да преживеете во општество како нашето е панкот како музика и како начин на живот. Затоа му препорачуваме не секој што се чувствува нападнат од малограѓанштината и од турбофолкот да ја искористи панк-философијата како имунитет за да не мутира во еден од џганот.
Верувате во легендарниот слоган панкот никогаш не умира?
Мислиме дека наједноставен одговор е едно прашање: Како може да е мртов кога ние сме живи? Панкот нема да умре додека се раѓаат луѓе како нас.
Текстовите на песните од вашиот прв албум Добар ден се во типичен панк-шаблон. Плукате по полицијата и целокупниот естаблишмент, отворено зборувате против политиката итн. Дали тоа се лични искуства или само сте во тој филм за да го задржите панк-фазонот?
Мислиме дека целиот македонски народ плука на полицијата, целокупниот естаблишмент и на политиката, само што некои се плашат тоа отворено да го кажат.
Колку целокупната ситуација во државава влијае при создавањето на вашите песни?
Текстовите од нашиот албум ја отсликуваат вистинската слика на секој Македонец. Тие најчесто се инспирирани од (не)животот во оваа држава.
Во една од песните велите дека анархијата е светла иднина за целиот свет. Дали навистина мислите дека е така?
Да. Тоа што го научивме од ваквиот живот. Нe убедуваа дека светот би бил поубаво место за живеење ако сите ја сфатат анархијата како хармонично безвластие, а не деструктивно безредие. Денешниот начин на живот во овој свет претставува морален и интелектуален затвор во кој е забрането луѓето да имаат свои сфаќања и се принудени да ги почитуваат правилата што настанале за некои да си обезбедат удобен и богат живот, а другите да бидат доведени до работ на животна егзистенција. Едноставен пример би било тоа дека еден просечен Американец, кој викендот го поминува во јадење чипс и пиење кока-кола, гледајќи на телевизија двајца кечери што се занесени во еротски танц, нема ни да помисли на бедата во која умираат децата во Африка.
Во моментов подготвувате нов материјал. Ќе ја задржите ли веќе проверената панк-формула или ќе тргнете во освојување некои нови музички правци?
Новиот материјал ќе биде многу сличен со првиот албум, но во секој случај не во ист панк-фазон. Имаме некои нови идеи, кои малку ќе го променат нашиот стил. Тоа не можеме сега да го објасниме, зашто и ние сме во фаза на експериментирање и не сме баш сигурни каков ќе биде финалниот производ.
Кои се вашите планови за во иднина?
Да се жениме и да изродиме многу панкери. И да го испиеме целото пиво на светот.
 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Љиљана Петровиќ
За албум достоен на Тоше потребни ми се 250.000 евра!




Се запрашавте ли некогаш, колку Тоше Проески треба да плати за едно CD? Колку го чинат песните, текстовите, продукцијата, фотографиите, промоциите, спотовите, стајлингот, концертите... – на кои уживаат сите негови многубројни фанови? Ова прашање и го поставиме не менаџерката на Тоше, Љиљана Петровиќ, која во својот одговор детално ги опишува сите поединости. Од тоа заклучивме дека, да се биде ѕвезда од калибарот на Тоше, е многу скапа работа!
Јавноста апсолутно нема претстава што тоа значи едно цеде. Секако и тука постојат нијанси, па дел од албумите се снимаат во домашни студија, а како такви не можат да претендираат за издавање на некој поголем пазар. Од друга страна, многу се поголеми трошоците кога некој ќе сними албум за голема ѕвезда. Токму тие нијанси го даваат одговорот на прашањето зошто некое цеде е скапо или ефтино. Главно, се почнува од изборот на песните, па за да се одберат 10-15 композиции обично треба да се преслушаат стотина. Тоше главно нарачува песни од оние композитори кај кои му се допаѓа како звучи крајната снимка. За актуелниот албум на Тоше беа одбрани повеќе песни отколку што ни беа потребни, и без оглед што на албумот се најдоа 14, иако ги купивме, четири песни седат неснимени, оти концепциски не ни одговараа за овој албум.
Проблемот со композиторите во денешно време главно се состои од фактот што тие никогаш не можат од ЗАМП да добијат надоместоци за своите песни колку што навистина заслужуваат, па се принудени да ги продаваат по многу висока цена. Затоа, место да добијат од ЗАМП 20 евра годишно, некогаш или никогаш, тие бараат по 2.500 евра за своја песна. Толку на пример бара Леонтина, иако и кај нас има скапи композитори.
Па, ако сакаш песна од Владо Јаневски или од Калиопи мора да платиш за тоа. Откако ќе се изберат песните, тие треба да се аранжираат, што чини по 1.000 евра за композиција, па цената веќе достигна 3.500 евра. Потоа следи потрага по студиото каде ќе се снима, избор на придружните вокали за секоја песна, и секако избор на музичарите кои ќе го одсвират компонираното.
Практично за една песна еден ден се снима музичкиот дел, еден ден придружните вокали, а третиот ден се снима главниот вокал. Тоа во Македонија чини 900 евра, а да не зборуваме колку за тоа треба да се плати во Белград или Загреб.
Основната цена во Загреб, на пример, е 450-500 евра дневно за студио, но ако се работи подолго можно е да добиете намалување. Досега цената за една песна веќе стаса до 4.500 евра, а каде се тука патувањата и престојот, ако снимањето не е во Скопје. Авионските карти се многу скапи, хотелите се изгор, рестораните исто така. Големината на Тоше секогаш бара престој во најлуксузните хотели, во најскапите ресторани, дури и да постои можност за помала цена да се спие или да се јаде во друг хотел што го нуди истото, тој мора да го има најдоброто, бидејќи како ќе биде најголема ѕвезда ако не може да го почувствува луксузот и гламурот. Тој е постојано на удар на папараците, па што би било со неговата кариера ако некој го фотографира во некој ефтин хотел или ресторан?
Значи со сите тие основни и придружни трошоци мене една песна за Тоше ме чини околу 5.000 евра. Откако тоа ќе се заврши, албумот оди на миксање и на мастеринг, кој за една песна трае и по два дена, а финансиски чини по 1.000 евра од песна. Во мојот случај, кога се работи за актуелниот албум на Тоше, сето тоа го платив над 80.000 евра.
Но, давачките не завршуваат тука. За разлика од тоа кој го работи фото-шутингот и гардеробата, за потребите на обвивката, тоа чини околу 2.500-3.000 евра, а самиот дизајн се движи од 1.000 до 2.000 евра.
Кога на крајот ќе се соберат сите евидентни и непредвидливи трошоци настанати во текот на реализацијата испаѓа дека мене албумот ме кошта 110-120 илјади евра.
Тогаш следува издавањето. Ако сакаш да го продадеш албумот во голем тираж, го продаваш по 150 денари, а ако сакаш како секаде во светот, тој да кошта во продавница најмалку 10 евра, тогаш е друга приказна. Кога јас го издавам цедето за 150 денари, јас од тие пари плаќам 18 проценти ДДВ, 30 одсто дистрибуција, а тука е и самото печатење на албумот, чија цена зависи од количеството, но во споменативе услови, пак изнесува триесет и нешто денари. Кога ние ќе го продадеме тиражот од 30.000 примероци ни останува по пола евро од парче, што е околу 15.000 евра, а вложивме осум пати повеќе.
И каде е тука математиката? За да тој евидентен минус во стартот се покрие, мора да се бараат спонзори, што од друга страна значи дека ако ги нема нив ќе нема ни музика, ни заработка.
А каде се спотовите? Нив ги имаш како обврска кон спонзорите. За секој албум Тоше мора да сними најмалку четири спота, а тоа чини многу пари, бидејќи ние не снимаме евтини спотови од 5, или 8 илјади евра, туку стартната цена е најмалку 15.000 евра. Неговите последни четири спота, на пример, чинеа над 70.000 евра. Со тоа вкупната цена на аранжманот околу албумот достигна околу 200.000 евра.
Но, тоа не се сите трошоци, оти секоја промоција чини многу. На пример, промоцијата во Скопје ме чинеше пет илјади евра, во Охрид четири, оти имаш реални трошоци за бенд, осветлување, озвучување, за хотел, за коктел...
Во Македонија ние практично немаме никаква заработка, освен што имаме огромни трошоци. Канцеларијата на Фајнал кат има двајца вработени, а тука сме и јас и Тоше. А тие трошоци пак изнесуваат околу 25.000 евра годишно. Е да се избутка еден таков проект е 250.000 евра од кои ние немаме ништо. За да дојдеме до тие пари ние мора да бараме спонзори што е посебна траума. На крајот и ако ги најдеш, мораш да одговориш на нивните бројни барања, да одиш на нивните забави, да ги рекламираш, да правиш концерти кои не се влезени во овие трошоци. Колку за илустрација, еден концерт на стадион, со сите нишани, за да се организира треба да се платат меѓу 70 И 80 илјади евра!
И после 250.000 евра вложени во албум, Тоше од тоа нема ништо во Македонија, за разлика од сите останати кои се задоволни. Спонзорите се рекламираат, фановите слушаат музика, телевизиите и радијата вртат песни... И кога не сите тие маки медиумите ќе ти забележат како си облечен и што две години носиш иста јакна, тоа те вади од кожа. Ако јас ако немам за нова јакна, немам зато што вложувам во својата ѕвезда на која сите се горди... – вели Љиљана Петровиќ!
 

Ѕвер

Перфекционист
Член од
4 јануари 2006
Мислења
2.223
Поени од реакции
28
Што кур и е на оваа Лиља Петровиќ?Што сака она бе, све без пари за Тоше.Ако толку јади гомна и нема заработка само трошоци тогаш нека ја прекине соработката со Тоше.Глупача мисли некој е будала да прави песни и без пари да му ги дава на Тоше :nenene:
 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Александар Масевски & Мартин Вучиќ
Убиствен тандем за во иднина!




Домашниот радиски и телевизиски етер од неодамна е побогат за ново и навистина квалитетно остварување. Станува збор за темата One and Only, која напишана и продуцирана од Александар Масевски, а ја пее Мартин Вучиќ. Интензивната дружба на Мартин, од неодамна со диплома на Музичката академија, и Александар, кој последниве години со право го сметаме за еден од најдобрите домашни автори и продуценти, не е само предуслов за нивната соработка, туку и нитка која ветува дека и во иднина овој тандем ќе продолжи да реди успеси.
Новиот сингл на Мартин ја најавува соработката Масевски - Вучиќ. Што можеме да очекуваме од вас во наредниот период?
Александар: Точно така, песната One and Only, е почеток на нашата соработка. Моментно најмногу сме преокупирани со тоа на кои телевизии во странство треба да го понудиме спотот на оваа песна. Како што најавивме, веќе сме во прговори со неколку, па ќе видиме што ќе излезе од сето тоа. Знаеме дека гаранции за успех нема, но ние ќе се обидеме. Имаме планови за снимање на повеќе песни, пред се на англиски јазик, а не е исклучена и можноста да снимаме на македонски или српски јазик. Но, јас мислам дека е најдобро да одиме чекор по чекор во остварувањето на плановите, и што е најважно, без конкретни ветувања кон јавноста, кои подоцна, доколку тие не се остварат, би можеле да доведат до несакани недоразбирања.
Зошто Мартин ја смени концепцијата? Што ќе се случува со песните кои се веќе снимени во студиото на Валентино Скендеровски?
Мартин: Пред се, би сакал да појаснам дека по завршувањето на мојот последен албум, немаше конкретно снимен нов материјал во студиото на Валентино. Имавме идеи за композиции, но тие не беа реализирани, од различни причини. А, кога сме веќе кај причините, веднаш да ве поштедам од било какви шпекулации... Моите односи со Тино се фантастични и тој е за мене и понатаму еден од најквалитетните продуценти кај нас. Некогаш работите и не можеш да ги испланираш до детаљ. Неплански ми излезе ситуација во која јас сосема се пронајдов и ја прифатив со раширени раце. Мислам на соработката со Масе и со спонзорот PXD Систем! Јас сум човек што чувствува предизвик да се испроба во нови музички правци. Не еднаш се случило еден артист да го промени стилот на музика што ја пее. Едноставно, се пронајдов во овој правец и мислам дека со Масе во иднина ќе бидеме убиствен тандем.
Дали Масевски и Тамара ја прекинаа соработка, и кои беа причини за заладувањете на односите?
Александар: Многу се шпекулира околу нашата соработка во последно време. Во моментов сe е ставено на пауза. Сигурно дека за тоа има причина, но јас се оградувам од било каков понатамошен коментар на оваа тема.
Што тебе ти претставува провокација, кога почнуваш да снимаш со нов соработник?
Александар:
Честопати сум рекол дека продуцентите и композиторите се во постојана потрага по нов талент. Всушност, тоа е потрага по, условно речено, нов извор на инспирација. Провокацијата кај мене, кога почнувам да работам со нов соработник, се состои во големиот предизвик да се постигне топ-продукт, да се направи топ-песна, она што сите во светот на музиката го посакуваме. Да не зборувам дека ние, уметниците со секој нов проект влегуваме и во нов филм при креирањето на разни планови и планчиња. Морам да кажам дека и понатамошната соработка со оние артисти со кои веќе еднаш си соработувал е исто така големо задоволство, на свој начин.
Неколку пати беше најавувана преселбата на Мартин во Белград. Дали успехот на најновиот сингл те поколеба во плановите?
Мартин: Белград не ми бега! Несомнено дека успехот на мојата нова песна, склучувањето на договорот со спонзорот, како нивно заштитно лице за цел свет и соработката со Масе има удел во пролонгирањето на првичните планови. Со новите соработници имаме заедничка визија за соработка на долги патеки, но искуствата ми даваат за право да не говорам ништо пред рака. Овој пат најпрвин ќе скокнам, а потоа ќе речам: Оп!
Од неодамна стана дипломиран академски музичар. Значи ли тоа дека размислуваш да се одалечиш од естрадата?
Мартин: Напротив! Ќе се обидам да ги спојам моите гласовни квалитети со сето она што можам да го изведам на ударни инструменти. Мислам дека во досега покажаното се создава јасна слика за Мартин како комплетен музичар, а со новиот сингл тоа само се потврдува.
Кој е менаџерскиот тим кој сега се грижи за твоите активностите и во кој правец ќе се движи твојата кариера?
Мартин: Како што најавив веќе сме во преговори со менаџер (или менаџерка, ќе видиме) што не живее во Македонија, но сe уште ништо не е конкретизирано. Покрај тоа, сигурно е дека PXD Систем и Massive Sky Music стојат зад мене. Тоа се вистински професионалци докажани во својата професија и јас имам потполна доверба во нив. Се надевам дека времето ќе покаже оти сме на добар пат.
Со оглед дека Мартин отсега ќе настапува со уметничко име - Мартин Адам. Значи ли тоа дека Масе има сериозни планови со него на европскиот пазар?
Масе: Мислам дека многумина по слушањето на One and Only, ќе се согласат дека капацитет за обид на европскиот пазар несомнено постои. Нам ни е јасно дека тоа е тежок пат и оти шансите за успех се мали, но тоа воопшто не ни ја гаси надежта. Ќе работиме на овој план според дадените услови и можности, па ќе видиме дали ќе успееме да добиеме поконкретни позитивни резултати. Мартин е млад, многу талентиран вокалист, и јас верувам дека со добри песни и многу среќа ништо не е невозможно.
Мартин: Европскиот пазар е предизвик за секој артист. Јас не се плашам да ги искажам своите амбиции околу тоа. Секако, нашите желби не гарантираат успех, но ни даваат доплнителен елан, мотив за работа и милион километри надеж. Тоа е огромна дестинација, но, ако ни се наклонат ѕвездите, сигурно ќе ја извозиме...
Какви се првичните реакции на новото име?
Александар: Многу позитивни, барем тие што стигнаа до мене. Не е несекојдневно уметниците да користат уметничко име и мислам дека сите, без исклучок, треба да ја почитуваат одлуката на Мартин. И јас имав уметничко име кога на некои песни што ги работев во Холандија и во Америка, се појавував и како пејач. Тогаш се потпишував како Sasho Mase.
Мартин: Во ниеден момент идејата на Масе за тоа да се има уметничко име не ми беше чудна. Напротив, ја прифатив со задоволство. Имавме доста предлози и колебања околу тоа што најдобро би одговарало на моето вистинско име, но на крајот се согласивме и одлучивме тоа да биде Адам. Би сакал да појаснам дека ова, второ име, ќе го користам за евентуалниот пробив надвор од границите на поранешните југословенски простори. Јас можам да живеам со тоа и не гледам причина мојот избор да им пречи на другите. Реакциите што ги добивам и јас секојдневно, се многу позитивни.
Бидејќи Масевски подолго време престојува во Македонија, а со албумот на Тамара ги доби сите можни музички награди, кога сe ќе се собере и одземе, се исплати ли во оваа земја да се занимаваш со музика?
Александар: Можеби ќе звучи многу идеалистички, но по големиот успех на она што е направено со многу љубов, и по две години континуирано нижење на трофеи во вид на комплименти од страна на многубројните слушатели и почитувачи на музиката што јас и Тамара ја создадовме, за мене финансискиот аспект станува ирелевантен. Наградата Албум на годината ја круниса приказната и го затвори поглавјето наречено Сино. Сепак, нема д аго избегнам одговорот на прашањето - во Македонија не се исплати да се занимаваш со музика, но дали тоа треба да значи да престанеме со правење нови песни?! Каде е личната сатисфакција на еден уметник да твори, од едноставната потреба да создаде нешто убаво?
Што ќе се случува со кариерата на Тања Б.? Какви се нејзините планови?
Александар: Тања Б. е на самиот почеток и како што сите знаеме одлично и оди. Со деби-песната Грев беше на челните позиции на македонските радио топ-листи, а истото се случува и со нејзината втора песна Сила. За втората нумера направивме и интересен видео-запис што веќе се врти на македонските телевизии. Немаме некои посебни и конкретни планови. Ќе работиме спонтано, песна по песна, па ќе видиме каде тоа ќе не однесе. Најважно е дека засега сме многу задоволни од постигнатите резултати.
Можен ли е дует Мартин - Тања, или некоја друга комбинација? Патем, се добива впечаток дека Мартин најмногу сака да снима дуети со хрватски пејачи (Данијела, Горан Гаран...)!
Мартин:
Пред се, јас сакам да снимам дуети со квалитетни вокалисти. Музиката не познава граници, и за мене тоа важи во вистинската смисла на зборот. Песната со Горан е снимена пред да се случи соработката со новиот тим, наменска е за Сунчане скале и најверојатно последна од тој тип композиции кои што сте навикнати да го слушате од мене. Мислам дека е се уште многу рано да се зборува за дует со Тања Б, особено затоа што двајцата пееме тотално различни стилови на песни. Таа е на почетокот на својата кариера, има завиден капацитет од секој аспект и јас и посакувам се најубаво.
Што друго можеме наскоро да очекуваме од работилницата на Масевски?
Алкександар: Уф, тешко прашање! Па, освен она што веќе го кажав околу соработката со Мартин и Тања, можам со сигурност да најавам дека ќе има нова песна за Силви бенд, моите стари соработници за кои ги напишав мелодиите Уште една ноќ и Ако ме љубиш. Имам и некои други можни соработки, како во земјава така и во странство, но не би сакал да навлегувам во детално откривање на работите предвреме. Сега, најпрвин на заслужен одмор!
Летниот период обично е време кога повеќе се одмора? Па, каде и кога ќе заминете на одмор?
Александар: Мојот одмор почнува некаде од моментот кога со Мартин ќе отидеме на Сунчане скале, а потоа патувам за Малдивите. Многу ни се допаднаа рајските острови, но овој пат одиме на друг остров. За тоа повеќе кога ќе се вратам од одмор.
Мартин: Како што рече Масе, Сунчане скале ќе биде наша прва дестинација, а потоа најверојатно ќе поминам десетина дена во Ријека, иако не се исклучува можноста со моето друштво да заминеме и на некое подалечно патување.
Кога би можеле нешто да промените, во што најпрво би интервенирале на македонската музичка сцена?
Александар: Можеби ќе звучи сурово, но јас би го елиминирал секој неквалитетен обид за правење песна и продукција, и тоа без многу да размислувам. Кога нешто, што буквално звучи како да тропаат канти е постојано пуштано на топ-листите, рамо до рамо со она што е професионално изработено, навистина е демотивирачки. Кога ќе го елиминираме неквалитетот, тогаш со музика ќе се занимаваат само сериозните артисти, оние што навистина го заслужуваат местото на сцената. Природно дека во тој случај, за квалитетните музичари и продуценти еснафот ќе заживее, а критериумот за тоа што е добро ќе биде подигнат на генерално ниво.
Мартин: Целосно се согласувам со размислувањето на Масе. Јас сум, сепак, еден од артистите во Македонија кои се соочуваат со секојдневните проблеми на нашата естрада. Не би сакал премногу да филозофирам околу тоа и имам желба да живеам со мисла за подобро утре за секој артист што сериозно си ја сфаќа професијата. Во секој случај, нам ни останува да бидеме оптимисти за тоа дека ќе успееме да изградиме сцена што ќе биде на ниво. Ни останува да се надеваме, а надежда последна умира. На крајот од краиштата, квалитетот порано или подоцна ќе исплива на површина.
 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Тони Китановски
Со Черкези се чувствувам како да свирам со најдобриот црнечки оркестар




Дека судбината ги спојува тие што мислат исто потврдува и соработката на еден од најоригиналните македонски гитаристи Тони Китановски, и ромскиот оркестар Черкези, кои неодамна го снимија својот прв заеднички албум, наменет пред се за светскиот дискографски пазар. Цедето Гранична земја е трето дискографско остварување на Китановски (по неговите албуми со Триото, и заедничкиот компакт-диск со Зоран Маџиров), додека со овој проект Черкези ќе дебитираат на дискографскиот пазар, како во Македонија, така и во светот...
Да констатираме - долгата соработка меѓу Тони Китановски и оркестарот Черкези, наскоро ќе ја круниса издавањето на првиот заеднички албум - Гранична земја, кој на есен ќе го објави реномираната светска продукциска куќа Енја рекордс
Долго сум во музиката и одлично го разбирам целит бизнис на Запад, иако и не сум се интересирал премногу околу издавањето на цедињата, најмногу заради фактот што се занимавав со џез-музика. Сепак, ова ми беше важно заради момчињата од Черкези, кои зад себе немаат ниту едно цеде. Всушност, првичната моја идеја беше нив да им направам албум, но тие не сакаа да прифатат доколку и јас не бидам вклучен во проектот, па на крајот остана Тони Китановски и Черкези. Станува збор за луѓето со висок професионален морал, што мене ми беше многу важно.
Знаете, после се што се случуваше со балканската, а особено со ромската музика во светот, и мене ми беше многу важно да објавиме нешто за светскиот пазар, а посебно задоволство претставува фактот дека албумот излегува со налепница на Енја рекордс, која беше мојот прв избор и омилена рекорд-компанија.
Како ќе се одвиваат работиве?
Планирано е албумот Гранична земја да излезе во септември, и тоа на целиот светски дискографски пазар. Официјалната промоција на албумот, кој верувам ќе го најде своето место на големата слика на музичкиот бизнис во светот, започнува во ноември, со концерт во рамките на Берлинскиот џез фестивал. Според некои мои согледувања на работиве, мислам дека на албумот ќе му бидат потребни две-три години, додека не стане познат во светот.
Што се ќе можеме да слушнеме на албумот?
Финалната верзија брои 12 композиции, од кои повеќето се мои, авторски, пишувани во чочек стил, а тука се и некои традиционални теми. Всушност, целиот албум, или поголемиот дел, претставува глобално истражување на корените на ромската музика во врска со западна Африка, и ритамот клаве. По некое мое гледање, кое не е научно, туку е музиколошко, а до сега увото не ме излажало, ритамот клаве од северна Африка, преку Турција, дошол кај нас, а исто така отишол и во Америка, и станал основа на северо и јужно-американската музика. На албумот постојат песни кои се во стилот на марширачките оркестри во Њу Орлеанс. Тој е во вистинска смисла на она што се нарекува ворлд мјузик. Патем, Гранична земја не е од локален карактер, туку има препознатлив звук на ромски оркестар, специфичен за Македонија. Со својата специфика, пак, е и самиот оркестар Черкези. Меѓу гостите на албумот е една моја пријателка, извонредна црна пејачка од Бостон, позната и како Енџелс, потоа Оливие Самоулиан на виола, па Хустреф Саид на канон, кој е шеф на оркестарот Чалгии, па Изет Кизил од Турција, кој е мојот омилен перкусионист... Намерно овој албум нема ѕвезди, и претставува компактна целина. Без екстра шминка...
Што сакавте да кажете со насловот Гранична земја?
Постои една прекрасна поема со тој наслов, која ми ја испрати мојата пријателка Бети Шелева. Ја напиша Глорија Анзалдура, една извонредна поетеса, која неодамна почина. Во неа таа кажува дека не е доволно црна за црнците, дека не е доволно црвена за индијанците, дека не е доволно Мексиканка за Мексиканците, дека не е доволно бела за белците..., што мене ми заличе на нашава македонска ситуација. Имено, сите наши соседи знаат да речат дека ние сме поник, што ми дава за право да констатирам дека ние сме си свои.
Ќе го има ли албумот и македонското издание?
Ќе има, бидејќи ќе излезе за моја продукција. Имено, јас ќе го објавам за Македонија, а Енја за остатокот од светот. Со тоа сакам да им се одолжам на домашните фанови, како и на спонзорите. Неавистина не би било коректно нашиве луѓе да мораат да платат лиценцно издание, кое што може да чини и до 900 денари, колку што се дисковите на оваа рекорд-компанија. Како и да е, и кај нас, и во светот, албумот излегува истовремено.
Подготвувате ли уште нешто за оваа година?
Планирано е да излезат уште два албуми во чија што реализација бев вклучен и јас. Едниот е заеднички, на квартетот во кој, покрај мене се и Теодоси Спасов, Александар Секуловски и Васил Хаџиманов. Станува збор за снимка од концертот во Универзалната сала, што ја имавме пред две-две и пол години. Вториот проект се вика Балкан Виндс, познат по тоа што некогаш се викал Балкан хорсис, во кој беа вклучени голем број музичари од балканските простори, меѓу кои и Влатко Стефановски.
Што е тоа што постојано ги тера уметниците за тема да ги имаат Ромите? Некогаш тоа го практикуваа филмаџиите, на чело со Кустурица, а подоцна и музичарите, предводени од Горан Бреговиќ. Станува ли навистина збор за еден неисцрпен креативен извор, што со себе го носат Ромите, или, и самиот факт дека тие се тема, која сама по себе гарантира успех? Тука сакам да потенцирам дека воопшто не се сомневам дека со Черкези ќе понудите едно сосема ново видување на ромската музика!
Тоа со Черкези ќе биде поразлично од се друго. Денес, кога ќе размислам, мислам дека се почна со филмопвите на Кустурица, каде што беше вклучен и Бреговиќ. Тука морам да напомнам дека Емир за два филма ги канеше и Черкези, но тие не сакале да слушнат.
Зошто?
Затоа што стариот Черкез гледа малце подалеку, и уште на стартот сфатил за што всушност станува збор. Со неговата визија не се поклопуваше основната идеја на филмовите - луѓето да живеат во сиромаштија, а тоа како атракција да му се покажува на целиот свет. Инаку, луѓето глобално многу малку знаат за ромската музика. Секогаш постои некоја бариера, за која и јас не бев свесен, се додека и самиот не почнав да се дружам повеќе со нив. Но, секако, целата заслуга за популаризацијата на ромската музика не му припаѓа само на Кустурица, бидејќи и порано постоеа доста успешни оркестри во Романија и во Унгарија кои работеа со сличен концепт.
На крајот на краиштата, постојат луѓе кои ја знаат оваа работа и кои одлично си ја работат, а постојат и еден куп сомнителни ликови, самобендисани и самопрогласени продуценти и менаџери, кои се плеткаат во работата. Затоа воопшто не е за чудење што во последно време на пазарот се појавија многу осредни и лоши продукти со ромска музика, создадени единствено со цел за брзо и лесно богатење.
Како дојде до соработката со Черкези?
Јас навистина бев фасциниран од тоа како тие свират. Подоцна, кога тргна соработката бев вчудоневиден од нивната професионалност и од нивната страст кон музиката. Такви вљубеници во музиката не сум сретнал во животот, никаде во светот. Со Черкези неодамна настапивме во Виена и во Лондон, и одлично бевме прифатени.
Каде живеат Черкези?
Во Топана. Додека го работевме албумот речиси дека бев секој ден таму. Јас многу работи научив за нивната филозофија, за начин на животот, кој воопшто не е лесен. Но, тоа треба да го видиш со свои очи. Да го почувствуваш, за да можеш да го разбереш. Мене ми е огромна привилегија што можам да се дружам со тие луѓе. Кај Ромите ми се допаѓа нивната мирољубивост, и покрај се што им го имаат направено другите народи. Интересни приказни слушав од стариот Черкез, кој има седумдесет и неколку години. Тука за музиката и да не зборувам. Секогаш пријатно се чувствувам во средината во која што има различни луѓе, филозофии... Тоа ќе го констатираат слушателите откако ќе ги преслушаат сите песни. Ќе забележт дека концептот е многу поинаков од она што го работи Бреговиќ. Мојот фаворит е една тема која без еуфорија ја изведуваме само на гитара и на труба.
Кога зборуваме за фасцинацијата од различностите, тоа се забележува и од Вашата музика. Имено, првиот албум го снимивте со Триото, а наредниот проект со перкусионистот Зоран Маџиров. Сега работите со три сосема различни формации, какви се Квартетот, Балкан Виндс и Черкези, а тука и соработката со диџејот Димитри од Чаир. Се добива впечаток дека во наоѓате нешто убаво?
Токму така! Затоа многу ми се допаѓа и често ја кажувам дефиницијата на Дјук Елингтон за џезот, на кого воопшто не му се бендисше терминот џез, па често се прашувал зошто луѓето таа музика ја нарекуваат џез. Од искуство знам дека ако добро ти оди еден музички стил, ќе можеш да се справиш и со другите. Но, еден мора да го знаеш максимално добро. Мојата прва љубов е џезот, така што ми е природно да свирам каква било музика. Па, и џезот постојано примал влијанија одсекаде, а првата оригинална ворлд мјузик секогаш е џезот.
Мојот креативен процес постојано се базира на враќање назад, во детството. Тогаш се враќам на автентични идеи, стари повеќе од 30 години. Навистина многу користам Африка, што, пак, се базира на фактот дека како мал, кога живеев недалеку од студентскиот дом Кузман во центар, редовно играв фудбал со црнци од Африка, кои беа студенти од неврзаните земји. Секој ден одев кај нив на гости и слушав купишта плочи. Се изнаслушав се, а меѓудругото и бразилска музика, која во најголемиот дел е од африканско потекло, само што има друг шмек.
Во иднина би сакал да работам музика без влијанија, која нема да влече ниту на реге, или на свинг. Тој проект бара поголема посветеност, и малку повеќе дружење со основниот џез. Но, тоа нема да биде класичен џез, туку креативна музика.
Ве радува ли податокот дека по инструменталните албуми на Влатко Стефановски, и Вашиот прв албум, во Македонија се објавени навистина многу гитаристички проекти. Да ги споменеме само некои од нив: Мичо Божиков, Четкар, Георги Шарески...
Апсолутно! Кога заминав за Америка, во почетокот на деведесеттите, во Скопје не функционираше ниту еден мал џез-состав, за разлика од сега кога ги има еден куп млади момчиња со завршени џез-академии. Јас, пак, тогаш свирев, заедно со Мартин Ѓаконовски и со Оливер Дуев. Но, она што сега би можел да им забележам на тие состави е дека треба да поседуваат малку повеќе страст и професионалност.
Тони Китановски денес не би бил тој, ако пред 15 години не замина, за Америка?
Секако! Таму отидов со намера да научам музика, и само тоа го правев. Не отидов заради парите, па научив се што сакав, а ја имав и среќа да се запознаам и да соработувам со најталентираните музичари од целиот свет. Во Европа музичарите се разгалени, што не е случај со Америка. Во Европа, вклучувајќи ја тука и Македонија, на уметниците државата им дава пари, што во Америка не се случува, каде никој ништо не ти дава.
Да му се вратиме на албумот. Дали Ромите се навлекоа на џезот, како што Вие се навлековте на чочеците?
Тие се генијални! Уживаат во џезот, а Чарлс Мингус можеме да го свириме со денови, а да не ни стане здодевно. Во секој случај, ова што го работам со Черкези, премногу ме фасцинира, а кога сум со нив се чувствувам како да свирам со најдобриот црнечки оркестар. Тоа е иста енергија...
 
K

kicodarker

Гостин
ekskluzivno intervji so Gole od SMUT

Rabotejki naporno na mojot fanzin koj sto se uste ja nema videno svetlinata na denot se resiv da vmetnam edno mie licno i ekskluzivno intervju prasanja pa odgovori se nadevam deka ke vi se dopadne



1. kako se sluci prikaznata za vasiot bend i koj e odgovoren za vaseto postoenje?
2.koi se SMUT i kolku vreme postoite?(kusa biografija)...
3.dali ste zadovolni i srekni dodeka ste na turneja nadvor od Makedonija , dali ste tamu dobro prifateni?
4.zaedno so TWO SIDES vie im pokazavte na fanovite i zlobnicite deka ste golem bend i dali bevte pocesteni deka vie svirevte vednas pred legendite SICK OF IT ALL?
5.sto mislite za makedonskata hard-core scena?
6.kade go imavte vasiot najgolem koncert sto vie go smetate za najuspesen?
7.koi se vasite planovi vo idnina?
8. vie imate 2 albumi. koga nie ke imame sansa da go cueme vaseto treto remek-delo?
9.nesto za kraj? i blagodarnost za sorabotkata.


1.Prikaznata za smut zapocna tocno pred 10 godini. Uste bevme deca imavme samo po 13-14 godini. Koga ke se prisetam kakvi kopuci bevme se krsam od smeenje. Za postoenjeto na Smut se odgovorni trojca Igor Stojanovski, Dejan Nikolovski-Gajka i jas
Gorgi Ilovski. Imeto za grupata go najde Igor koj poveke ne e clen vo Smut. Ne sum siguren ama mislam deka momentalno pocnaa da svirat so Sidewalk. Prikaznata za postoenjeto e cista klasika trojca drugari od osmoletka koi slusaat nekakva muzika i sakaat da stanat del od toj svet. Znaci nema nekoi interesni slucki osven toa sto bevme mnogu tesno povrzani so Bumbiks koi i ni pomognaa vo pocetokot. Zafir koj vo toa vreme bese gitarist vo Bumbiks mu e brat na Igor a peacot na Bumbiks segasen clen na F.P.O e moj malski drugar koj sekogas bil tuka za mene. Zaedno sme porasnale a i prviot bend pred Bumbiks i Smut bese nas zaednicki proekt i se vikase
Komunisticka Samoposluga. Ova ekskluzivno e kazano vo tvojot zin. Taka da zaedno praevme probi so Bumbiks vo ista prostorija. Oni bea postari i se grizea na nekoj nacin za pomalite braka.

2.Pa koga bi pocnal da raskazuvam za biografijata na Smut toa bi nalikuvalo na Spanska serija so site peripetii,zapleti, problemi. So samata pomisla deka na nekoj nacin uspeavme da se odrzime na ovaa taka narecena scena 10 godini se e veke kazano.Ke ja skratam prikaznata na toa deka sum mnogu tvrdoglav covek so kogo malku tesko se raboti.Ako vnimatelno gi citate tekstovite na Smut ke ja procitate i biografijata,posto se sto mi se slucuvalo e napisano na hartija.

3.Koga svirime nadvor od Makedonija srekni sme zosto sme dobro prifateni ama patuvanje ko patuvanje si ima i svoi nepogodi. Ne moze na sekoj clen vo sekoe vreme da mu bide dobro i da se custvuva dobro i tuka nastanuvale mali kavgi koi se samo popatni. Inaku vo posledno vreme vo Smut vladee mnogu pozitivna atmosvera posto site sme vo iscekuvanje na tretiot album.

4.Ova e mnogu dobro prasanje. Pa normalno deka bevme presrekni sto nastapivme vednas pred Sick of it all. Toa e bend koj ucestvuval vo pisuvanjeto na hard core istorijata a i site clenovi na smut koi svirele i uste svirat vo smut se golemi fanovi na toj bend. Ne sum sreken za edna rabota sto slusnav razgovori deka kartata bila preskapa. a za nivna informacija kartata vo Belgrad za SOIA bese 1000 denari. Koncertot bese najavuvan 2 meseci odnapred taka da trgaa po eden denar na strana sekoj den ke gi imaa parite. No toa e makedonskata hard core scena. Zatoa sega ke gi gledaat Whitesnake.

5.Nemam seuste izgradeno mislenje za nasata scena znam samo deka ima luge koi ja sakaat taa muzika poveke od svojot zivot. Znam deka ima luge sto zrtvuvaat se za taa da profunkcionira kako sto treba. No ne zavisi toa samo od niv zavisi i od publikata koja sekoja godina se menuva. Ovaa godina se tuka a slednata gi nema. No sepak imame mozebi najkvalitetni bendovi na Balkanot i navistina sum gord na toa. Znaci zboruvam iskreno i od srce deka Makedonija ima potencijal no i treba vreme. Ne sakam da zvucam ko nekoj posran politicar no toa e vistinata. I mislam deka treba malku poveke aktivno da se vklucat i ostanatite gradovi.

6.Nemozam da kazam koj mi bil najdrag ili najuspesen. Sme imale dosta koncerti na koi atmosferata bila odlicna. Drag mi e 10 godisninata na smut vo mkc posto imase pekolna atmosfera i bese jubilej. Potoa vednas posle toa sleduvaa dva mnogu znacajni koncerti Sick of it All vo Skopje koj isto bese super i posledniot nas nastap spored mene najznacaen so Hatebreed vo Sofija. Neznam kolku im znaci toa ime na lugeto vo Makedonija no toa sto se slucuvase vo Sofija dodeka svirea smut moze samo da vi kaze nekoj od lugeto sto bese so nas posto ne bi sakal da zboruvam za toa kako bilo. Samo ke kazam padna krv! Isto bese i na Integrity vo Sofija. Niz Makedonija sekogas si pominuvame dobro vo Ohrid kade svirime skoro sekoe leto, vo Tetovo i Kumanovo.

7.Planovite za idnina se da se dosredi noviot materijal i da se snimi toa ni e glaven prioritet vo momentov.

8.Da prviot se vika Smut, vtoriot Forever is not enough a tretiot ne sakam da vetam koga ke mozete da go cuete samo znamdeka e spremen za vo studio i deka ke vlezeme da go snimame. Materijalot e razlicen od se drugo sto ste slusnale do sega. Na momenti brutalen na momenti mnogu melodicen. Ke ima i iznenaduvanje ama za toa po izdavanjeto.

9.Za kraj ke im predlozam na lugeto pomalku da zboruvaat a poveke muzika da slusaat. Mozebi toa e i odgovorot. I na site im posakuvam ljubov sreka zivot bez supstanci a na tebe mnogu uspeh vo pravenjeto na ovoj fanzin.
 
Член од
27 јули 2006
Мислења
6
Поени од реакции
0
Pankot Ne Ojt Uste Mnogu Dolgo!!!

mRnO напиша:
Нексус
Панкот нема да умре додека се раѓаат луѓе како нас




Групата Нексус е формирана во 1996 година. Во почетокот функционираа како трио во која членуваа Сашо Касовски-Лиџе (гитара и вокал), Петар Стојчевски - Бардак (бас-гитара) и Ѓоко Таневски-Бифо (тапани). Во 2004 година им се приклучува и Дарко Крстевски-Пичован, кој го зазема местото пејач во групата. Нексус досега настапи на повеќе музички хепенинзи во државата, од кои позначајни се оние на Рок-фест, каде што музицираше четири години по ред - од 1997 до 2000 година. Покрај овој фестивал, Нексус беше дел и од Мајскиот рок-хепенинг во Битола, рок-собирот за Денот на екологијата во Велес, а свиреше и на една од вечерите на годинешново издание на Таксират 007.
Лиџе, Бардак, Бифо и Пичован досега имаат повеќе аудио- и видеозаписи. За нивната песна Хероина, снимена во студиото Тра-ла-ла на Димитар Димовски, текстот го напиша Ристо Вртев. Како најголем проект и остварување на групата момците го сметаат првиот албумот Добар ден, кој излезе минатата година.
Нексус доаѓа од Ресен, град од кој речиси нема бендови што постигнале некаков поголем успех на македонската рок-сцена. Во што е проблемот?
Ресен не е баш плодна почва за гитарски бендови. Тука луѓето сметаат дека ако не си земјоделец, тогаш си луд. Ние сме луѓе со поинакви сфаќања и со нашата работа се бориме да им докажеме на другите дека светот не се врти околу Цеца и јаболката. Тоа што немаме ниту една свирка во Ресен е доказ за тоа колку сме поддржани од нашите сограѓани. Но, и покрај тие проблеми, ние продолжуваме со исто темпо и веруваме во тоа што го работиме. Во изминативе години сме свиреле во повеќе македонски града, а публиката, но и самите бендови одлично нe прифаќале.
Зошто го одбравте токму панкот за ваше музичко изразување? Затоа што е едноставен и искрен...
Најмоќното оружје што ви е потребно да преживеете во општество како нашето е панкот како музика и како начин на живот. Затоа му препорачуваме не секој што се чувствува нападнат од малограѓанштината и од турбофолкот да ја искористи панк-философијата како имунитет за да не мутира во еден од џганот.
Верувате во легендарниот слоган панкот никогаш не умира?
Мислиме дека наједноставен одговор е едно прашање: Како може да е мртов кога ние сме живи? Панкот нема да умре додека се раѓаат луѓе како нас.
Текстовите на песните од вашиот прв албум Добар ден се во типичен панк-шаблон. Плукате по полицијата и целокупниот естаблишмент, отворено зборувате против политиката итн. Дали тоа се лични искуства или само сте во тој филм за да го задржите панк-фазонот?
Мислиме дека целиот македонски народ плука на полицијата, целокупниот естаблишмент и на политиката, само што некои се плашат тоа отворено да го кажат.
Колку целокупната ситуација во државава влијае при создавањето на вашите песни?
Текстовите од нашиот албум ја отсликуваат вистинската слика на секој Македонец. Тие најчесто се инспирирани од (не)животот во оваа држава.
Во една од песните велите дека анархијата е светла иднина за целиот свет. Дали навистина мислите дека е така?
Да. Тоа што го научивме од ваквиот живот. Нe убедуваа дека светот би бил поубаво место за живеење ако сите ја сфатат анархијата како хармонично безвластие, а не деструктивно безредие. Денешниот начин на живот во овој свет претставува морален и интелектуален затвор во кој е забрането луѓето да имаат свои сфаќања и се принудени да ги почитуваат правилата што настанале за некои да си обезбедат удобен и богат живот, а другите да бидат доведени до работ на животна егзистенција. Едноставен пример би било тоа дека еден просечен Американец, кој викендот го поминува во јадење чипс и пиење кока-кола, гледајќи на телевизија двајца кечери што се занесени во еротски танц, нема ни да помисли на бедата во која умираат децата во Африка.
Во моментов подготвувате нов материјал. Ќе ја задржите ли веќе проверената панк-формула или ќе тргнете во освојување некои нови музички правци?
Новиот материјал ќе биде многу сличен со првиот албум, но во секој случај не во ист панк-фазон. Имаме некои нови идеи, кои малку ќе го променат нашиот стил. Тоа не можеме сега да го објасниме, зашто и ние сме во фаза на експериментирање и не сме баш сигурни каков ќе биде финалниот производ.
Кои се вашите планови за во иднина?
Да се жениме и да изродиме многу панкери. И да го испиеме целото пиво на светот.





Pankot ne ojt mnogu dolgo.


Zato ke si slusate rapce.

Od CiNgO samo za vas http://www.makrap.com.mk
 

Goddess of Chaos

Nixe Nox
Член од
16 август 2005
Мислења
6.250
Поени од реакции
228
Aло луѓе, не пишувајте интервјуа долги 5 метра, кој ќе ви го чита тоа бе??
 
K

kicodarker

Гостин
ekskluzivno intervju so srbskiot bend OROZ na srpski jazik (1 del )

1. koliko vreme postoi Oroz , kakov stil na muike neguje i kolko clena broje bendot?
2.omilen stil na muzike i najbolje grupe?
3. dali planirati da oddrzite jedan koncert u makedonije?
4. sta znace oroz , i kako bendot su dobili toa ime?
5.vase najuspesen i najposeten koncert se desio...
6.prethodne iskustva sa drugi bendove pred oroz?
7.dali vi se dopada Grunge muzike i dali voliti nirvna kako trete muzicke revolucija?


Prvo, zeleo bi da pozdravim sve vase citaoce, i tebe.
Moje ime je Nikola Vlahovic ritam gitarista sam hard'n
heavy benda Oroz. Moram reci da do sada nismo imali
priliku da

se predstavimo na vasim prostorima, pa mi je posebno
drago sto ce to biti bas sada i po prvi put u vasem
casopisu.

1. Oroz je nastao 2005. godine u Subotici, znaci
postoji nekih godinu dana. Svoj zvuk temelji na Hard
Rock osnovi, dok je sam stil sviranja baziran na riff
deonicama. Moglo

bi se reci da je to u pravom smislu reci Hard' n Heavy
bend. Oroz ima 5 clanova u postavi, a to su Boris
Dobrokes koji svira na poziciji solo gitare i peva
backing vokal, Nikola

Vlahovic na ritam gitari, Aleksandar Sabo na basu,
Silvan Vesnic za bubnjevima i nas lead vokal Miroslav
Bakic.

2. Licno najvise volim Thrash metal, ima nesto kod
rezecih gitara sto me pokrece. Mada, od drugih pravaca
slusam jos dosta Heavy i Hard Rock Bendova.Od
omiljenih

izdvojio bi Metallicu, s kojom sam uopste i poceo
slusati metal. Albume Kill'em All i Load koji su
ostavili jak utisak na mene, zatim Slayer sa
legendarnim albumima South

Of Heaven i Seasons In The Abyss...W.A.S.P.,
Motorhead, Black Sabbath. To je ono sto uvek mogu da
slusam.

3. Planiramo, samo kada ce to biti... to je jos
neizvesno. Ali svakako, voleli bi da dodjemo.

4. Ime benda je nastalo iz gomile ideja koje smo tada
imali. Hteli smo neko ime koje se lako pamti, a pri
tome zraci nekom zestinom. Oroz je zapravo jedan od
sastavnih

delova pistolja, onaj koji se zapinje i udara...prosto
i jednostavno.

5.Vrlo nedavno. Svirali smo pre par meseci ovde u
Subotici u klubu Alcatraz. I moram reci da nas je
publika iznenadila. Te veceri smo svirali desetak
obrada, i ubacili smo u

repertoar i nase pesme. Publika ih je odlicno
prihvatila! Bilo je tada negde oko 250 ljudi, a
atmosfera je bila paklena. Bukvalno smo se skuvali
haha! Ja sam se super proveo,

a po izgledu lica mojih kolega siguran sam da su i oni
isto hehehe.

6. Pre Oroza svirao sam u par bendova. Kako je ovde
gde zivim teze naci ljude s kojima bi mogao svirati,
uglavnom su ti bendovi bili od ljudi s kojima sam pre
vec svirao u

nekom drugom bendu. Prvi bend u kome sam bio zvao se
Damage Inc. negde 2002. godine. To je zapravo bio
garazni bend, svirali smo jer nam se sviralo i nismo
brinuli bas

puno o formi svega kako zvuci...znas na sta mislim
hehehe. LUS je nastao negde u 2004. Tada sam poceo u
njemu saradjivati s Borisom, zvucalo je dobro. No
Class je nas

nastavak saradnje posle LUS i to je ono sto se kasnije
pretvorilo u Oroz.

7. Ne podnosim Grunge, za mene su revoluciju napravili
Metallica i Slayer.
 
K

kicodarker

Гостин
EKSKLUZIVNO INTERVJU SO OROZ (2 DEL)

8.dali volite metallike po the black album , i dali potoa metallike je komercijalizovana?
9.vase mislenje za megadeath i dave mounstane?
10.kakov bi bio svjet bez metal muzike?
11.dali gi pocitujete onoj klacican rock zvuk i bendove kako deep purple i led leppelin?
12.dali se bavite so politike i dali gi pocitujete kud idioti?
13.dali ste vljubveik vo pisen zbor - knige i omilene dela?
14.poruke do mladine?

8. Za Black album mogu reci da je sa produkcijske
strane on u samom vrhu, ako ne i vrh

devedesetih. U muzickom je bas masivan, svidja mi se.
Svidja mi se i posle njega sta su uradili

sa albumima Load i Reload. Nije to ona klasicna
Metallica, ali taj zvuk ima nesto specificno,

nesto sto pre nigde nisam cuo, kombinacija Hard Rock i
Metala koja bar po mom ukusu dobro

funkcionise. Jedino sto mi se ne svidja i sto me je
prilicno razocaralo, bar je doslo kao sok u

svoje vreme, a to je album St. Anger. U tom pogledu
moram reci da je iskomercijalizovan. Sve se

promenilo od kako se James skinuo sa alkohola.

9. Volim da slusam Megadeth, imao sam i priliku da ih
gledam uzivo prosle godine i super sam

se proveo. Za Davea nemam puno sta reci, osim da se
pomiri sa prosloscu...sta je bilo-bilo je. Ne

volim to njegovo patetisanje. Ali dobro, razumem i to,
bes ga tera dalje kroz muziku.

10. Tih hehehe. Vladali bi hipici i elektronska
"muzika".

11. Svakako. To je u samom korenu Rock pravca. Slabije
ih slusam ali ih svakako postujemo za

sve sto su uradili da ta muzika zazivi.

12. Ne bavimo se politikom, ali smo svesni gde zivimo
i da je neka politicka svest o situaciji u

zemlji ipak potrebna. Ponekad i prodiskutujemo
kojekakve odluke, to obicno ide dobro uz 5-6 piva

hahaha.

13. Nismo bas neki ljubitelji knjiga. Ne znam za
druge, ali ja jedva imam vremena od posla.

Nadam se da cu jednog dana stici da procitam sve
knjige koje sam do sada sakupio. Uglavnom

su to filozofska i istorijska dela, ponesto
fantastike.

14. Voleo bi da mogu reci kako ce bolja vremena doci,
ali nece doci ako stvari ne uzmemo u

svoje ruke. Ako se ne podrzi Hard Rock i Metal scena
ni ne moze biti bolje. Predstoji nam puno

koncerata ove godine pa vam savetujem da ih obavezno
posetite, a na nekom od njih mozda

sretnete i Oroz. Verujte u sebe i ne dozvolite da vase
snove zamenite za tudje zelje.

SAKATE USTE?
 

mRnO

И по mRnO,mRnO
Член од
16 април 2006
Мислења
6.263
Поени од реакции
52
Интервју со Бојан 13-ка









Кратка дефиниција за: скопските фраери? И... скопските девојки?

Немодерни, а мислат дека се... Незабавни, а мислат дека се... (Чест на ретките исклучоци)

Како би ги дефинирал Македонските новинари?

Претставниците на седмата сила... Многу ги сакам и почитувам. И многу сакам да ме сакаат, а уште повеќе да ме почитуваат.

Ја сакаш ли турбофолк музиката, или се бавиш со тоа само поради кеш?

Од турбофолк музика пари досега не сум видел... значи ја сакам музиката. Кој ти е омилен fashion бренд, и зошто?

Cavalli и Gucci. Cavalli затоа што неговите шари и мотиви имаат суштинско значење, а Gucci од причина што ми се допаѓа неговиот принт.

Од каде инспирација за твоето облекување (стилот)?

Инспирацијата се базира на мојот карактер, а стилот го менувам во зависност од расположението.

Какви девојки го палат Боки?

Интелектуалки со црни очила :))

Која ти е омилена секс поза?

Се ми е омилено

Кој ти е идол (репер) за твојата работа?

Лепа Брена

Кого сметаш за конкуренција?

Северина!

Што сакаш, а што мразиш во градот во кој живееш?

Си го сакам Скопје најмногу, а мразам што немаме голем рекреативен центар каде што ќе можеме да ужива и спортуваме.
 

Kajgana Shop

На врв Bottom