Интересна колумна напишал Ризаов, очигледно инспириран од предизборието кое е сега во државата.
Колумната морам да ја искоментирам пред се од правничка гледна точка.
Најпрвин, Законот за извршување e донесен во 2005 година, така да не е баш од вчера... но тоа тој не го наведува од само нему познати причини
Практично, овој закон профункционира во 2006 година, пред изборите некаде.
Вели дека државата и извршителите лани инкасирале бројка од 80 милиони евра. ОК, нека се и 80 милиони евра...
Но, каде завршиле? Завршиле како извршителска награда и наплатени доверители. Доверител е физичко или правно лице, но НЕ државата. Државата наплаќа преку УЈП. Единствено, судовите преку извршител наплаќаат судски паушал, но тоа е приход на судот, не на буџетот на РМ. Сакам да кажам дека тие пари од паушал не одат во буџетот, туку директно на сметката на судовите кои го досудиле. Владата тие пари не ги има на располагање.
Ризаов, исто така, направил терминолошка грешка кога во колумната кога зборува за 1000 денари судска такса.
Имено, судската такса е приход на буџетот на РМ, и како таков го наплаќа УЈП.
А, според законот за судски такси, 1000 денари неплатена судска такса оди кај УЈП во постапка на присилна наплата, која изготвува решение за присилна наплата во кое ги бара тие 1000 денари, зголемени за 50% согласно Законот за судски такси, значи уште 500 денари, (инаку, согласно законот за судска такса или 50%, или максимално 2000 денари за поголеми суми) и согласно законот за даночна постапка по кој постапува УЈП, на побаруваниот износ УЈП става трошоци од 5% на побаруваната сума, т.е. 75 денари.
Вкупно 1575 денари.
Ако станува збор за решение со кое се блокира сметката, тогаш за манипулативни трошоци, банката зема уште 1000-1500 денари.
А, обично УЈП прво праќа до должник, кој има време да реагира, пред да оди решението во банка.
Најверојатно, авторот мислел за паушалот кој оди преку извршител, и тука би можел да се согласам со него околу направената пресметка. Ако внимателно прочитате, ги меша двата поима низ колумната.
И, да... во 2010 година се изврши драстично намалување на сумите во трошковникот кај извршителите. Тоа нивната комора го направи. Да не се намалеше тогаш, пресметката на Ризаов би била уште пострашна.
И, пак оној муабет за 15 години стари сметки... Да, нема проблем, може да дојде налог за извршување на кој се одговара со приговор за застареност, се оди на суд кој ќе ја утврди застареноста и готово, решен проблем, аман! Тоа сме го зборувале по овој форум. За тоа постојат правници, луѓе, обратете се кај нив!
За крај на оваа рецензија, колумнистот на погрешно место го испраќа прашањето, кај Маневски.
Вистинската адреса е Мери Младеновска, министер за правда во време кога е донесен овој закон.