Претпоставувам дека повеќето го гледале Кум 2. Има, барем за мене, еден психолошки момент во последната сцена од филмот. Тука Пузо на маестрален начин (сега во книгата, па потоа и на филмското платно), успева да ја долови онаа крајна изолираност на самиот карактер Мајлк (Микеле) Корлеоне. Прв пат филмот го имам гледано пред 15тина години, но кога го гледав пред 5-6 години започнав да правам анализа како тоа сите главни карактери полека се оддалечуваат од него пред сѐ поради неговиот карактер. Дури на моменти личи на Мерсо од "Странецот". Но да не го тупам со "правилата на игра", туку да направам поврзување со темава.
Последната сцена од филмот е манифестација на карактерот и одлуките на Мајкл кои го водат кон изолација. Можеби и моите одлуки и карактер ме водат кон некоја слична изолација. Башка со Коронава, па и фактот дека не сум присутен на социјалните мрежи, тешко дека би влегол во некоја врска. Од друга страна немам ни некоја желба. Мене ми е јасно зошто сум сам, но вистинското прашање е дали треба да сум сам! Дали од мене она што се бара- да си го средам животот или пак да се потпрам на своите желби и да останам уште долго сам? Тоа веќе прераснува и во една морална дилема.