Изборот меѓу Windows и Linux е работа на менталитет.. навикнати сме да купуваме Windows XP/Vista за 100 денари, програми од $700 долари исто за 100 денари, или да ги симнуваме бесплатно од интернет. Се` додека нема казни за пиратерија насочени спрема корисниците, ќе има луѓе чијшто најсилен аргумент ќе биде: "Што ако Linux е бесплатен, кога јас за Windows не плаќам ништо?"
Не велам дека сите треба да се префрлат на Linux, ама сметам дека треба барем да се проба. Ако нешто е доволно добро, не значи дека не може да биде подобро.
Моето искуство со Linux се сведува на година ипол работа со неколку различни верзии на Ubuntu. Не знам се`, не сум ни почетник, а ни fanboy, па да тврдам дека нема нешто подобро од оваа дистрибуција. Ама, со оглед на тоа што после 25 минути инсталација секој дел од компјутерот ми работи, исто како и скоро секој програм и игра од Windows што ми треба (а нема соодветна замена за Linux - што е реткост); скоро секоја потребна ситница се симнува и инсталира преку Synaptic во два чекори; и што Ubuntu + Beryl изгледа многу подобро од Vista - јас сум прилично задоволен од нешто за што не сум потрошил ни денар
Јас, кога ми треба програм за одредена намена, прво барам на
SourceForge, па на
Download.com (оддел: Freeware), и ако стварно нема таков (доволно добар) програм (а најчесто има), тек тогаш барам по разни torrent тракери. Проблемот е до стравот од непознатото, чувството на сигурност (додуша, лажно) при користење на Windows, и, пак, менталитетот. На крај, се` се сведува на тоа дали крајниот корисник ќе користи, на пример, Windows + Internet Explorer + Maya + WS_FTP (~$8000) или Ubuntu + Firefox + Blender + FileZilla ($0)..