Зарем?
Хуморот во Македонија е ист од кога знам за себеси. Секогаш сме се „шегувале“ на секојдневни теми, особени на оние политичките теми, односно најболните теми за народот како сиромаштија, крадење од лоповите на власт, правата на малцинствата, преселување на младите итн.
И К-15 на истите теми правеа скечеви, со тоа што глумата им беше добра, па затоа добивале подобра оценка. Плус, тогаш тие типови на секечеви ни биле новост. Пример, Вчерашни новости не се разликуваат многу во однос на политичките скечеви, па најчесто добиваат критики, затоа што народот се заситил веќе од тој тип на хумор. Во друго време, би „паѓале“ од смеа на нивните скечеви.
Работата е дека преку интернет ни се достапни секаков тип на видеа, па веќе сме станале имуни на секаков тип на хумор. Се' ни е веќе видено, се' ни е досадно.
Реално, не се толку лоши од Златна бубамара, без разлика што малку ми се сере од манифестацијата поради шлајмот кој присуствува во сала. Сепак, не е лошо да имаме ваква манифестација еднаш годишно. Барем за трудот заслужуваат да бидат поздравени. Изборите кои ги прават се скоро ревијални. Повеќе служат за промоција на нови групи кои извадиле по нешто ново годинава, промоција на некој концерт, на некои кои постигнале нешто во област на хуманоста, но има и обиди за воскреснување на одредени изведувачи. Реално нашиве музичари се за жалење, никаква манифестација немаат, никаков простор во медиумиве, така што не е во ред и во овие „5 минути“ што ги добиваат, да им даваме толку критики.
Еве, јас баш би сакал какви очекувања имате од манифестацијава? И општо, кој е тој тип на хумор што сакате/очекувате да го чуете?