- Член од
- 28 ноември 2011
- Мислења
- 246
- Поени од реакции
- 106
При биолошката и хемиската анализа на оваа вода, како и споредбата со другите изворски води, востановено е дека водата Зем-зем е многу побогата со калциум и магнезиум од останатите. Она што е особено интересно е фактот дека водата Зем-зем содржи висока концентрација на флуор кој е ефикасен против бактерии.
Ниту еднаш од настанокот на изворот Зем-зем не се случило тој да пресуши или поради суша да се намали дотурот на вода во него. Напротив, откако се започнало со истражувањата, утврдено е дека прилвот на вода е сè поголем. Исто така, водата од врутокот Зем-зем ниту еднаш не изгубила дел од своите биолошки и хемиски својства, што со текот на времето е карактеристично за останатите води. Анализите покажуваат дека еден литар содржи околу 2000 милиграми хемиски и биолошки елементи, додека кај останатите изворски води во Мека и околината, тоа количество изнесува 260 милиграми. Еден литар Зем-зем вода содржи:
250 милиграми натриум (Na)
200 милиграми калциум (Ca)
120 милиграми калиум (K)
50 милиграми магнезиум (Ma)
366 милиграми бикарбонат (C)
372 милиграми сулфур (S)
273 милиграми нитрат (NO3)
6 милиграми хлорид (CL)
0,15 милиграми железо (Fe)
0,12 милиграми бакар (Cu)
Истражувачите се сложуваат дека сите споменати елементи ја прават оваа вода идеална за човековото здравје.
При анализата на водата од овој извор и нејзиното водотечение е утврдено дека нема микроби кои би биле штетни по човечкото здравје. Веројатно е дека она што и дава квалитет на оваа вода се карпите и земјата низ кои минува.
Хемиско-биолошките параметри го потврдуваат тврдењето дека оваа вода ја пронашол Мелекот Џибраил[1] по наредба на Аллах џ.ш. и заради тоа и се припишуваат свети својства. Тешко е да се пронајде некое друго објаснување за исклучителниот квалитет на оваа вода.
Минатата година, на Институтот Хадо во Токио, спроведена е најнова анализа од страна на јапонските научници. И тие утврдиле дека оваа вода се разликува по својот биолошки и хемиски состав од сите „обични“ води кои секојдневно ги пиеме.
Јапонскиот научник од Институтот Хадо, професорот Масаро Имуто, има запишано дека водата е анализирана по „нано“ метода според која една капка од изворот Зем-зем била измешана со илјада капки обична изворска вода. Резултатите покажале дека таа една капка ги облагородила илјадниците капки обична изворска вода.Поттикнат од овој експеримент проф. Масаро ја нарекол благословена водата Зем-зем. Меѓу останатото, потврдил дека таа не ги променила своите биолошки и хемиски својства и покрај многуте обиди и експерименти. Битно е да се напомене дека ова истражување на Институтот Хадо не било нарачано од Саудиска Арабија. Слободно можеме да кажеме дека водата Зем-зем е единствена. Ниту на еден извор кој е познат во светот не е пронајдена вода која по своите својства би наликувала на водата Зем-зем.
www.povikkonvistinata.org
--- надополнето: 27 декември 2011 во 03:13 ---
Зем-зем е извор кој извира во Мека, во непосредна близина на Бејтулах[1]. За него се знаело уште од дамнешни времиња, пред раѓањето на Мухаммед с.а.в.с., но со текот на времето бил затрупан од песокот и неговата точна локација била заборавена. Предците на Мухаммед а.с. (неговиот дедо и прадедо) биле задолжени да ги снабдуваат со храна и вода аџиите кои доаѓале да ја посетат Ќаба. Тоа претставувало голема чест, но исто така и голема должност, бидејќи немало доволно вода. Една ноќ дедото на Мухаммед с.а.в.с. (Абдул- Муталиб р.а.) сонил на кое место се наоѓа извор и следниот ден почнал со ископување што резултирало со успех. Ова негово дело особено му го кренало угледот кај неговиот народ, а оттогаш изворот Зем-зем е добро чуван и муслиманите особено ја ценат неговата вода.
Постои веродостоен хадис кој докажува како е пронајден овој извор. Според тој хадис, Ибраим[2] а.с., предводен од мелекот Џибраил[3], ја довел Хаџер[4] и нивниот штотуку роден син Исмаил, на местото каде се наоѓа Ќаба и таму ги оставил. Пред да се врати назад во Палестина, Хаџер го прашала зошто ги донел на едно толку безживотно место, каде нема ни зеленило ни вода.
И одговорил дека тоа го направил по Божја одредба. Откако го чула тоа, Хаџера проговорила: „ Сега сум помалку загрижена.“ Ибрахим а.с. се оддалечил од местото каде ги оставил Хаџера и Исмаил а.с., и кога неговиот поглед веќе не можел да досегне до нив, Му се обратил на Аллах џ.ш. со дова[5]:
„Господару! Оставив дел од моето семејство во оваа неплодна долина, во близина на твојата куќа (Ќаба), за да ти се молат и да ја направат корисна за луѓето. Снабди ги со плодови и вода за да бидат задоволни.“
Откако Хаџера и Исмаил а.с. ги потрошиле сите залихи вода од кожениот мев, се зачул детскиот плач. Со надеж дека во близина ќе најде извор, Хаџера почнала забрзано да чекори меѓу две мали ритчиња, кои подоцна ќе бидат наречени Сафа и Мерва. Доаѓајќи по седми пат на ритчето Мерва, слушнала како ја довикува непознат глас. Проговорила: „Ако си со добра намера, помогни ми.“ Пред неа се прикажал мелекот[6] Џибраил, кој со ногата удрил по тлото од кое во истиот миг силно потекла вода.Хаџера побрзала да ја загради водата, со цел да ја сочува за да не истече, и додека го правела тоа, изговарала зборови на старосуријански јазик „зем-зем“, што значи застани-застани. Мухаммед а.с. во една прилика, коментирајќи ги овие зборови на Хаџера, рекол: „Ако Хаџера не ги изговореше овие зборови, водата Зем-зем ќе потечеше како што течат речните води.“ Она што е особено важно да се воочи, а кое, меѓудругото, е особено интересно и од хидро-геолошки аспект, е фактот дека водата Зем-зем не се меша со останатите води во Мека, дури ни со оние кои се наоѓаат во огромна близина на овој извор. Исто така досега не е забележано овој извор, кој е стар 4.000 год. , да пресуши или да се намали неговиот капацитет.
[1] Првиот Храм на Земјата, заедно со тој во Ерусалем
[2] Авраам
[3] Гаврил
[4] Агара
[5] молитва
[6] ангел