Меркава е чист маркетинг, предизборен. Ако сакаат нешто да направат нека видат како се прави тоа во нормални држави. На пример селекција на отпад. И наплаќање кауција за пластични шишиња. Ти наплаќаат 20% повеќе од цената, ама кога ги враќаш шишињата ти враќаат пари... Само што со тоа кога гледаш што се случува со пластиката, ни ~20% не се рециклира а другото иде директ во загадување. Затоа велам само целосна забрана на пластична амбалажа. Постои стакло, секако е поздраво како амбалажа и не испушта токсини во течностите/храната.
Ме интересираат резултатите а не наводните намери.
Мене ме интересира кога ќе направат нешто со дивите депонии во Лака/Грчец/Сарај/Матка/итн, каде не се плаќаат комуналии за ѓубре. Зошто кога може директ во Вардар да се бутка со багери?
Мене ме интересираат и намерите и резултатите. Тие се во меѓусебен причинско-последичен однос. Така целта е јасна, дестимулативна, кон редуцирање на ќесите во природата.
Периодот на разградување им е околу 100 год, а речиси секојдневно се палат дивите депонии, така прашање е колкав процент ќе го достигне тој период до разградување.
Биоразградливите ќеси се една опција, хартиените се друга, а платените торби трета. Во економијата имаш супститути, заменски производи со иста цел и намена, со пониска цена или подолга долготрајност. Така, сериозно, не гледам ништо лошо во оваа мерка. Сепак да дадеш 15 ден за ќеса, а лебот е 25, малку ќе подразмислиш.
Дивите депонии може да се расчистат. Онаму каде што имаме викендичка имаше 3 диви депонии, а селото има 100 жители. Направивме петиција, сите беа исчистени и беа поставени контејнери. Дури и тоа е поевтина варијанта за општината, наместо да се соочува со пожари поради палење на депониите или да ги чисти 2-3 пати во годината.
Има и обратни примери, пример Лазарополе или овде во елитната населба под покровителство на "купи куќа-купи стан", па и за тоа пишував.
Така требаат иницијативи, пари за такви мини проекти има и ќе се решат дел од дивите депонии. А дел, како што напоменав, се покрај речните корита кои може да предизвикаат поплави, покрај тоа што ги загадуваат реките. Треба и казни, драконски, кога веќе некаде не може да проработи свеста.
Сега, ако нема контејнери и организирано собирање на отпадот од страна на локалната самоуправа, каде ќе го фрлаат отпадот? Со таков проблем се соочуваат руралните средини, посебно селата.