Кај Бардовци запленети 150 гуми, наменети за греење
Повеќе од 150 отпадни гуми заплениле комуналните служби на Општина Карпош на потегот околу Бардовци. Овие гуми, како што соопштија од општината, во овој период од годината, главно се користат како огревно средство.
„Имајќи ги предвид истражувањата и анализите за причините за аерозагадувањето, посочено е дека голем број на домаќинства се уште се греат на материјали кои не се еколошки препорачливи, односно го загадуваат амбиенталниот воздух и животната средина.
Општина Карпош повторно апелира до сите граѓани и домаќинства кои се греат на огревно дрво, гуми или сл., да го променат начинот на греење и да аплицираат за субвенции за пелети или инвертер клими во Град Скопје”, се вели во соопштението.