Штркот во с.Породин -Битола, бара помош, од ЕВН се чека да реагира!
...веќе долги години штркот доаѓал тука во својот дом во село Породин- Битола, но корпата сега била превртена и веќе три дена штркот стои до својот „рушен дом“ и бара помош, за да може создаде семејство, мора да го има домот!
...ЕВН Ги поставил тие гнезда заедно со општините, но сега кога луѓето телефонски вртеле во ЕВН одговорот бил „Што ви е гајле за штркот“! Но притисокот на луѓето посебно на социјалните мрежи е голем, иако Анима Мунди спие реагира изгледа „по потреба“, луѓето се организираат да се јават во Центарот за кризи кај Стојанчо Ангелов, тој веднаш со хеликоптер ќе долета ако треба!
...корпата ќе биде наместена дури во понеделник (одговор од ЕВН), но како штркот веќе два дена па уште три дена да стои така, луѓето гневни дале предлог да се прекинат жиците на електричната енергија, да бидне квар за да реагира ЕВН, оти штрковите и те како се наше национално благо и „градските“ штркови се учени на вакви арматури да направат гнездо, а не на прачки, ако ни заминат и тие како младите, никогаш нема да се вратат.
...ЕВН не реагирал, „Ајде луѓе викајте пожарна, викајте ја кабелска со долгите скали да се намести гнездото, викнете го Стојачо Ангелов со мечка се справува, а не пак со штркот“, по толку јавување и реакции се добило некој пишан одговор од ЕВН:
...дали штркот си го доби домот? останува да видиме колку се ажурни ЕВН од притисокот на неговите корисници!