Фестивалот имаше добри и лоши страни, ама лошите изгледа преовладуваа.
Поставувањето на 6 слотови за пунење телефони, и 3 hub-ови со по 3-4 конектори не беа доволни за толкав број на луѓе. Ова најверојатно беше оставено на дечките од One, ама стварно идиотско.
Тушевите беа мизерни. Имаа поставено 8 тушеви од кои 3-4 работеа. Од тие 4, 2 имаа солиден млаз, а од 2 капеа капки, и имаше огромни редици пред тушевите. Имаа ставено бедни палети, кои дури и не беа изнивелирани, требаше да пазиш да не се утепаш бидејки беа под агол. Околу тушевите имаше полно кал, барем да ставеа песок, за да може да се пристапи како што треба до тушевите. И да, тоа беше обичен млаз како од чешма, немаше онакви адаптери што го пуштаат млазот низ дупчиња.
Околу храната и пијалоците. Нели, ако некој ти забранува да внесуваш храна во кампот, те тера да купиш храна од кај него, за тој да направи пари. Епа не, тука не беше така. Имаше некој знак "food corner" во кампот, ама храна јас не видов (некој ми кажа дека имало само некој беден хот-дог). Дали ова беше поради некаков договор со некој, за да се форсираат луѓето да јадат надвор, и да трошат пари во Дојран, во замена за нешто, не знам, можам само да нагаѓам. 150 денари за 1.5л вода? На која дрога сте? Сериозно, на која? Прочитав дека имало тип што забранувал да се пие вода од чешма. Сериозно? Уште не ми се верува дека го прочитав тоа. Цената на пивото во кампот беше океј, 50 денари 0.4 Скопско, и беше ладно. На главниот stage беше 80 денари. Можеа на пример, да ја остават цената секаде иста, и луѓето ќе пиеја пиво внатре, место да пијат некаде, па да влагаат.
Озвучувањето беше одлично. Сите артисти што ги слушнав звучеа одлично, можеше да се направи јасна дистинкција помеѓу сите инструменти, наместо да слушам бучава наместо музика. Браво за ова.
Би платил, а и сигурен сум дека има солидна бројка на луѓе кои би платиле 2.000 денари за карта, ама барем нека има worldwide артисти, и нека биде организирано ко што треба. Overall 4/10.