Кеј,
Јас многу зачестив кај тебе ама мора уште ова да го споделам па ќе те барам за некое време пак.
Денеска на враќање од факултет имав можност да слушнам една животна лекција бесплатно.Си се качив кај Орце и тука негде кај зелено пазарче една постара жена седна до еден маж и му проговори :
- Зошто така млад човек да е толку тажен ?
- Госпоѓо, јас не сум тажен , само многу изнервиран овој период.
- Што и да е ќе помине синко , гледај само сабајлечки да си се облечеш да се дотераш и не заборавај да се насмееш.
- Да знам сето тоа , ама многу е лошо кога со луѓето со кој си израснал ќе сакаат да ти земат се што останало од твоите родители само заради тие проклети пари(алудирајќи на својата сестра) . Моите родители го живееле животот со надеж дека ќе ми остават мене и на сестра ми нешто кое ќе ни послужи , ќе ни остане за нас а таа само сака да го продаде за „мали“ пари со што ќе го прошета светот и ќе ги потроши истите.Јас јас разбирам целосно , но таа не е ниту малку свесна за тоа дека со тоа го брише сето она што го создале нашите.Многу пати сум и помогнал и никогаш не сум рекол ни збор за тоа , но еве сега ќе речам.Зошто еднаш во животот не дојде некој и ми помогне мене ? Се менуваат и генерациите и разбирам јас сум служел и војска и се , поинаку сме воспитани но ти материјалното да го ставиш пред луѓето кои се труделе и ти овозможувале се во животот и ти потоа без да размислиш за тоа се откажуваш од нивниот труд за секунда.На секого му се потребни пари , некој ги нема , некој ги има одвишок.Но најлесно е само да продадеш,ќе ја разберев тотално доколку не сум и помогнал никогаш да биде волку решителна ама сега никако не ја разбирам.Жал ми е многу , но сега ќе треба поинаку да се однесувам.Исто така никогаш нема да ја разберам човековата алчност.
До тука бев присутен на разговорот, потоа се симнав и овој искрен разговор помеѓу двајца тотални странци ми внесе некој жар во срцето и го сфатив татко ми зошто толку се мислеше во врска со стариот стан.Не е се во парите,битно е да си насмеан и среќен со тоа што го имаш.И јас ова се го разбирам , ама тврдам дека не го применувам целосно во животот.Како за крај на првиот убав вторник годинава, едно интересно видео