Отсекогаш мразев кога некој ќе ми побараше малце од сладоледот и кога ќе земеше голем гриз, онака пола сладолед ќе ми го изгриза, ќе ми го ебе меракот начисто. Обично кога јадам сладолед на стапче прво си го грицкам чоколадото, па после внатрешниот дел на сладоледот, па затоа ме живцираа/т вакви работи. Гриз од сладолед бе...
Не ни осетив дека пројдоа 3 неработни дена од што чмаам дома како утка, ти ебам и карантин и се. Денес за прв пат правев панцероти, не дека е квантна физика да ги направиш ама сепак нејќев да ги утнам и сакав да испаднат добри. На крај испаднаа и боље него што очекував, особено што на почеток ја утнав мерката за тестото па додавав брашно и пар други состојки.
Ако некогаш живеам во куќа има да направам огромна летна кујна во дворот, со скара, со фурна, со летниковец, со сите нишани, затоа што ненормален мерак имам за готвење па таков амбиент би бил идеален.
Последниве две недели почнавме да играме серва во маало, ем е безконтактен спорт ем е забавен, таман погоден како мерка за коронава.
Ми се вратија спомени од детството, значи кога бев апла копиљ, 8-9 години, имаше по 10 парови за серва, ако изгубиш можеш комотно да си отидеш дома затоа што никад нема да дојдеш на ред. Ова секако го зборам од аспект на гледач на серва, зашо со 8 години сигурно не сум играл со постарите, али муабетот ми беше колку многу се спортуваше тогаш и колку луѓето беа насочени кон такви работи. Сега децава или се со мобилните во раце или на компјутер дремат, постарите се по кафичи и кафани, а игралиштата и терените си зјаат така празни.
Приметувам дека одприлика негде од генерација 90-та, до кај 96-та/97-ма, се последните нормални генерации, луѓе кои се уште спортуваат и имаат колку толку понормални навики. Еве како што реков периодов играме серва, абе ниедно дете нема барем да гледа бе, не мора да сака да игра, само да гледа, ништо повеќе.
Имам роднини во село Ранковце, од Крива Паланка, им направија тениски игралишта од оној проектон на Грујо што беше 100 тениски игралишта, значи две игралишта имаат, два терени за кои не се плаќа за да играш, се што треба да направиш е да отидеш со своја опрема и да играш, ништо повеќе. За жал тие терени служат за фрлање ѓубре на локалните Роми, за пиење навечер во летните денови и за ред други непотребни работи. Абе да ми напраат таков терен кај мене нема да се тргнам од истиот, по 25 саати дневно ќе играм тенис, здравје ќе си земам од играње, али јебига кој ми е крив што не живеам во Ранковце.
И така постов тргнав да го пишувам само за сервата, а на крај искочија панцероти, тениски терени, залутани генерации, уште 5Г мрежата и вонземјаните ми останаа неопфатени.
Кога сме повторно кај сервата еве апелирам сите што немате што да правите и што ви е досадно по дома, соберете уште 3ца, нацртајте едно поле за сервис по своја волја и свои димензии (ние со чекори меревме) и играјте серва, ем добро ќе се испотите ем ќе се социјализирате, па кога ќе поднаучите може да дојдете кај мене во маало да ве преслушам.