Драга Кајгана (виртуелен дневник)

[whatto]

Дк

Пред eдна недела прашувам едно девојче кога на кафе знаете што ми одговори еве ќе ја цитирам:Бирај викенд.

У истиот момент whatto:

 

[Ilumious]

Она кога на Инстаграм ќе ти улета пост од специјалитетите на Шумеча а ти во фрижидер си останал само на кашкавал и еден мувлосан домат

 

[bijons]

Кајг,
сакав да му дадам совет, онака краток, ефективен читај меѓу редови и му реков :
,,... Никогаш не дозволувај кафето и жената да се олади!..,,
и ете го, се расправа со жена му, додека не го испиел кафето не мрдал за ништо на свет!

 

[Angello]

Кајги,

Почна зимница муабетите, ама кај мене овој викенд правеа. у петокот бев на работа секако неможеа да ме уседнат да љупам и јас . Ај вчера цел ден натам навам бев по град немав време да се завртам дома. Дојде време за излегување ми откажа друштвото у 5 до 12 и како кец на десетка една другарка од средно ми се јави да сме пиеле. некст тинг у кноу Пијани сме метла и у диско .... Сакав да кажам дека избегнав пипер лупење и така....

 

[Abraham]

Драга,

има еден кај мене в село, алкохоличар со шизофренија, што клекнува пред луѓе, се клања, се препелка на улица, му се моли на Господ, се претставува како светец или апостол. И тоа е сасвим океј, секое село има по еден таков.

Малце станува проблематично кога некој таков е претседател на најголемата опозициска партија во твојата држава. Тука веќе ти се пали црвено светло и си викаш: боже, со што заслужив да завршам на овие 25.000 километри квадратни?

 

[Lester Freamon]

ДК,

Во Јули го завршив последниот курс за програмирање и скоро 3 месеци направив пауза без активно учење на нешто ново. Периодов како да изгубив распоред на слободното време, пред две и пол недели стигна абер дека ќе треба да се фокусирам и да побрзам со завршување на една работа која ми е клучна за целата иднина, но наместо да се стегнам да учам деноноќно јас само си одложувам и се занимавам со некои глупости и небитни ситници, т.е мислам дека влегов во најлошата фаза која може да се достигне, а тоа е зона на комфор. Златно правило, никогаш не влегувајте во зона на комфор премногу долго доколку сакате да напредувате на било кое поле во животот ниту пак создавајте таква зона околу блиските. Колку и да е удобна додека се наоѓате, ви прави повеќе штета од корист во поглед на напредок, предизвикувајте се себеси секој ден да бидете подобри од она што сте биле претходниот ден.
Време е за брза промена, од денес почнувам турбо, веќе симнав материјали и инсталирав се што ми е потребно за подготовка, за два месеци од сега се надевам дека ќе може да се пофалам дека успешно сум ја поминал и оваа пречка.

 

[kazioX]

Добро кај отиде светов бе? Се движиме ли напред воопшто или во место тапкаме? Едукативен центар пази, за што? За Јутјубер... Лошото е што вакви ликови што се глупираат на интернет како GP клошарчето од јутјуб што на децата до 12 години им е за некое чудо интересен, дебелиот што бараше пари за операција оти не знае колку храна му е доста, а купува компјутер од 1000 евра и кој ти кур Иван Ајнштајн ја обликуваат, односно ја упропастуваат младината. Зошто ти е школа, за 15 минути кажи им треба да правите глупи челинџи, да играте игри и да се снимате, тоа е тоа во глобала. Жал ми е само за луѓето што снимаат видеа за програмирање и слични туторијали на јутјуб каде што стварно можеш нешто да научиш. Се мачат да ти покажат нешто корисно, додека овие идиотиве јадат капсули за перење и пијат зејтин и мислат дека се селебрити.

 

[Patience]

Кајгано,
карта за Адар у текот на есента, сместуење у куќичкава на сликава на неколку дена (боље неколку недели), надвор истура дожд, а ја полека си ставам алкохол у кафето. Раат...

 

[bucio]

Ни кондиција имавме ни знаевме кај одиме, само кучето физички спремно. Го загрешивме патот километарски грешно, ама пак научив кај е Казанташ, ја завршивме рутата ама одење од 5.30 до 14.30 дома. Бевме на двата врва двете огледала дури позади уште еден рид мариовско, Домот на Томе и Летка и надолу до Манастир од другава страна, ама сум уморен мнооооооооооогу.

 

[бутЕ]

Драга, само што се вратив од Скопје и неможам а да не го изразам револтот за то шо се дешаваше денес, а и ќе се дешават во наредниве неколку денови. Јас бев приморан да одам и то ладно ми го соопштија на работа или ќе ојш или ќе те испуштиме од на работа, при шо им реков во ред е не идам појќе на работа али после подолга расправија со татко ми ме убеди. Ама изгледа не бев единствен. Денес во Скопје на таја смешката кај шо онај учкана зборвеше на албански еден сат бевме 238 вработени во јавниве здравствени установи од Охрид. БРУКА! Вака во еу? Со уцени и закани? Да бевме само ние арно, ама сите шо ги сретнав Скопје шо ги познавам лично истото ми го рекоја дека ги натерале, а некои дека им понудиле пари за да одат. Разбирам дека за некого се многу 1000 денари ама не разбирам зошто се продаваме. Ниеден не рече дека самоволно дошол. Ниту еден! А и то таму шо славеа као светов да го освоиле никој не спомна шо придобивки имаме ние од еу туку само намалиле вработеност ги вработиле младите...Не вие не ги вработивте младите младите се отселија зато се намали невработеноста. А и уште толку ќе си одат ако се отворат границиве. Со ова слика денес шо ја видов неќам во еу. Никош кур не ме болел како ќе се викаме или дали ќе сме во еу или нато или незнам ти каде. Сакам да ме остајте на мира да живеам уште ова малку време шо ќе го седам овде и да си ја работам работата најдобро што ја знам. Не го потрошив пола живот за некој да ми се заканвит дека ќе ме избркат од на работа само зато шо не сум пошол на слушање некој лајна кај шо јајт.

НЕ У ЕУ!

 

[Ultracasual]

Изгледа за во Вили да те запослат условите се да бидеш што по неписмен и по мрзлив. Персоналот во скоро сите сендвичари им е ужас. Не знам кај ги наоѓаат, да бараш толку ужасни работници не ќе можеш да ги најдеш. Затоа секоја година затвораат по една сендвичара.

 

[Cassaro]

Јас ова јас она , јас знам еден што знае ова, на тој што го знам јас пријател му знам има...Сите вие се ебано знаете се , ама кога се работи за друг не за себе.Тогаш сте еј не знам што да правам дали ова или она што мислиш.Дебакл од општество е ова во кое живееме моментално.Младите биле проблем ? Вие старите над 40+ се отровот што ја ебе земјава.Вие сакате да влезете во ЕУ ради вас не ради вашите деца и внуци.Вие сте тие што ги гласаат и едните и другите.Вие сте проблемот поради кој на 90% од младите во главата им седи дека мора да имаш врски и да си во партија за да работиш.Вие сте тие што форсираат дека не можеш ништо да промениш сами и дека државава е отидена у курац.Сите знаеме од 3 годишни до 80 годишни дека нема компас овде, ама што правиме за да го промениме тоа ? Ми се повраќа, гонете се у пичку матер сезнајковци.

 

[Илко Илија]

Баш тргнав да пишувам нешто во одбрана за старците и членот над мене пишувал за нив ама во негативна конотација.
Се согласувам со се што напишал погоре ама што кур сме направиле ние младите!?



Сликава е во Велес во една населба.Имало нешто организирано за чистење на улицата.Само овие три повозрасни жени испаднале.Каде се младите?

Најголемото ѓубре кое го има по улиците на секој град во државата го прават младите.Па и самиот не знам колку пати им било смешно на другари кога сум го чувал отпадокот подолго време зошто немало корпа во близина.Да не отварам тема за некултурата на денешните генерации кои се помали од мене кои сеуште одат во основно.Ние младите потфрливме тотално во секој дел од опшеството и затоа никој не ни е крив.Никаква почит кон возрасните кои го заслужиле тоа.Пак ќе кажам како идат нови генерации се се полоши и полоши.Кога ги гледам децата кои се денес по 12,13 години како се однесуваат уште како мали не сакам ни да помислам каква ќе ни биде државата за 20 години.

 

[Anco]

К.... е ако сакаш во Европа,мора ова да го имаш дома,
е нема веќе стара технологија да си знаеш.

 

[Solaire of Astora]

Тема муабет со жена ми пред некој месец - на детето треба да му се дава што сака да јаде за да стекне мислење дека понатаму во животот ќе има шанса за избор и така ќе има поголема самодоверба. Така зборел некаков "психолог" на Телма во емисија. Аха ок жено, важиии.

Денес детето не сакало да јаде во градинка. Можда психологот ќе дојде сега и ќе го убеди да јаде.