Итекако е на место. И тебе никој не ти дошол на врата да ти сече глава, да те беси или да те протерува, но тоа незначи дека немаш право да го критикуваш. Плус, христијанството слично како исламот, своите морални начела ги користи како призма низ која носи суд за сите, без разлика дали се пронаоѓаат или не во таа идеологија/теологија. Историјата е сведок како овие религии биле причина за фанатизам идентичен па можеби и полош на оној од имбецилите на исламска држава. Зошто да се споменува историјата? Па затоа што се работи за религии што се темелат на догми, религии што не прифаќаат промени, нови идеи и гледишта.
Никој не ми дошол да ми сече глава, но постојат многу Христијани (и нехристијани), од разни меридијани, на кои им е сторено тоа. Тебе никогаш нема да може ниту ќе сака некој со сила да те натера да даваш пари во црква, но сосема е реално, во денешниов свет да ти се случи нешто, како погорно опишаното, на пример, ако отидеш на одмор во Египет или Тунис.
Не може да се споредуваат тие две нешта. Верувам дека ти е јасно, едното е ствар на избор, каде што се работи за сума од не знам 100 или помалку евра, а другото е работа на избор на извршителот (кој за жал однапред го знаеме), каде што се работи за животот, твој и на твоите блиски.
Оваа твоја очигледно намерно необјективна споредба, на некого би му личело, дека има корен во нагласеното антихристијанство на твојата религиозна ориентација, а не во фактите или реалното расудување.
Поголемиот дел од атеистите и другите тука, сметаат дека религијата е глупост, како и одењето во црква или давањето пари за обреди и слично. Објективно, не е видлива подлогата врз која ги градат своите критики за срамното покачување на цените.
Јас ако сметам дека Иван е измамник и тие кои одат кај него се глупави, на некој начин, или лаковерни, тогаш кога тој би ги качил цените, сигурно не би пцуел или пак би тажел за неговите муштерии, кои немаат пари. Можеби би ја зголемил својата критика кон лаковерноста на муштериите, но критика за покачување на цените или критика заради тоа што неќел да работи без пари, едноставно не е објективна. Па тој нели е измамник и неговата работа и така нема ефект и е измама? Зашто би го критикувал, ако неќе да работи без пари?
Ова е само во врска со критиките на атеистите. Се гледа дека тие се поврзани (и во оваа тема) со критика на Христијанството, повеќе отколку со критика на ценовникот.
Сепак, сметам дека не смее ниту едно свештено лице или монах (не знам дали нив ги сметаат за свештени лица), не смее да одбие да изврши Света Тајна. За жал сосема сум уверен дека има многу такви, особено по селата.
Верниците треба да сфатат дека Црквата е света, а свештениците се грешни, како и другите луѓе.
