Јас одев на курс за аналогна фотографија, и делумно ако не и скроз го знам процесот. А развивањето во темна комора е најдоброто искуство што сум го имала во животот. И дома би почнала да развивам али немам кугла како што рече некој погоре или дозна како што јас ја знам.
Воопшто не е тешко само треба многу трпение и воља.
Малце по груб опис даде PowerBOy14 на хемикалиите, али добро. Сега немам време, ќе пишам утре на темава поубаво =]
Потребни нешта:
- дозна
- извлекувач на филм (по можност)
- развијач и фиксир (две посебни хемикалии)
- малку сјај
- ножици
- инка
- темна просторија во која може да се сместат неколку садови со хемикалии и да се изврши развивањето.
Прво, дозната е пластичен сад во вид на цилиндар кој во себе може да собере еден или повеќе намотани филмови. Садот е комплетно затворен и има само отвор за ставање на хемикалии при развивањето. Денеска ретко ги има, само кај луѓе и во студиа кои се занимавале со развивање или пак во некои специјализирани продавници.
Развијачот и фиксирот се набавуваат во специјализирани продавници. Една таква што ја знам е Трансакта во тц. Скопјанка. Секој од нив е по 600 ден., секако со нив се развиваат повеќе филмови.
Прво на почеток исликаниот филм треба да се извлече од својата кутија. За тоа се користи извлечувач со кој се извлекува почетокот на филмот односно неколкуте пози кои секогаш се празни. Тоа може да се направи и на светло. Но доколку немаме извлекувач, во темна соба со нешто ја отвараме кутијата на филмот и го вадиме.
Почнува работата со изгасени светла. Не смее да има ниту мал проток на светлина, на пр. од прагот на вратата. Се тоа може да влијае на оштетување на филмот.
Почетокот што го извлековме од филмот го местиме на направата која ја има во дозната и подоцна треба да се стави во неа. Некои од нив имаат лагери па мотањето иде многу лесно, но кај оние кои немаат треба внимателно со двете раце полека да се мота филмот во една насока се додека не дојде до крајот. Кога ќе дојде, со ножици го сечеме од кутијата и ја фрламе кутијата. Филмот е сега намотан и може да се стави во дозната.
Уште пред развивањето треба да се прочита упатството на хемикалиите. Секоја хемикалија има различно време во кое треба филмот да биде изложен на неа. Тоа зависи и од марката и осетливоста на филмот.
Палиме светло.
Прво доаѓа развијачот. Со инка се става онолку колку што е доволно за да се покрие целата дозна. Гледаме на саат за одреденото време и мешаме со кружни движење. На секои 2 круга ја удираме дозната по маса или некоја тврда површина за да се кренат меурчињата нагоре и да не се залепат за филмот. После определеното време се вади развијачот. Не го фрламе туку го враќаме во друго шише и ставаме цртка или некое обележје за да се знае дека еден филм е веќе развиен со него. Бидејќи по секое развивање неговата моќ се намалува и времето се зголемува.
После развијачот се става фиксирот. После него филмот може да биде изложен на светлина. Постапката со фиксирот е иста, мешање во определеното време. Се вади и пак се обележува дека е развиен филм со него.
После фиксирот филмот се вади од дозната и се става во вода со малку сјај за да се измие од хемикалиите. Водата во исто време е и прекинувач. 30 секунди во вода, и определена температура на водата, најчесто оптималната е 20 степени, но зависи од филмот и осетливоста.
После се тоа филмот треба да се суши. Се закачува со штипки или пак се става во посебна сушална која многу малку од нас би ја имала така да со штипки внимателно на краевите за да не се оштети емулзијата. Цело време ако треба да го фатите филмот, само на краевите бидејќи емулзијата е многу осетлива.
После развивањето оди скенирањето.
Е сега и правење на принтови е добро, кога се има услови, но таквите машини се доста скапи да се имаат само за онака, ако не се работи тоа.
Принтовите рачно направени од филм неможат да се споредат со дигиталните.. А уште многу долго време нема да можат, бидејќи се многу подобри.
Се надевам дека 20 минутното куцање од моја страна не беше залудно. Тука сум за прашања.
:pos2:
