Мразам да имам неутрален или недефиниран став, ама ете нека се 60-40% однос против - за
Генерално сум против двојно државјанство поради балканскиот менталитет и конкретно нашата околина.Кај нас и граѓаните со криминални дејства и самите држави можат и во многу примери ја злоупотребувале оваа форма.За криминал, избегнување екстрадиции, лажирање избори и пописи, лажирање бројка на население со ХХХ пасош и националност, наметнување дополнителни давачки, политички позадини...
Не ми е некако логично некој со 28 години ‘стаж‘ во Острелија или Нов Зеланд, да е гласач во земја во која 7 пати стапнал по 30 дена во тие 28 години.Неправедно е 759 луѓе од дијаспората да вредат 1 пратеник, а ~10.000 луѓе со место на живеење во Македонија да вредат исто толку.
Имаме и елементи на злоупотреба од државата и маргинализирање на локалните гласачи.
Исто постојат добар процент злоупотреби од иселениците, по некои чудни основи тие или нивните фамилии во земјава да користат социјална помош, а остварувале задоволителни приходи во странство.А ги памтиме и корисниците на бугарски пасош кои плачеа и се закануваа со откажување од македонскиот пасош за мочани 200-300 евра давачки за крнтиите од увоз.
Од друга страна, иако е во пракса доста злоупотребувано, на доста луѓе им помогнало, поради едноставна причина - имаме многу јака економија
Исто потребни се како документи за Македонците иселеници кои идат почесто, 2-3 пати годишно да можат да извршат една обична банкарска трансакција без компликации дури се овде и без губење право на резидент, а добар дел го барале пасошот чисто поради патриотски причини, едноставно им било задоволство да бидат носители на пасош од ‘земјата на потекло‘.Поради ова, можат да размислат некаква опција добивање документи, ама без право на глас и без право на пребројување во попис како жител на Македонија.
Ако одбирам - против.
Лично немам двојно државјанство, не ни планирам да имам, без разлика на евентуални финансиски последици.За странство досега сум немал поголеми проблеми со амбасади, визи и слично.
Дел држави со неодобрување ДД се заштитени до негде од криминал, лажирање податоци, проблеми со други држави поради екстрадиции и слично.На Балканов ни е дополнително комплицирано злоупотребувањето поради недовршени прашања од минатото или тековни политички прашања...Интересно е како економски силни земји и либерални по многу други прашања - Норвешка, Германија, Холандија, Данска, Луксембург, Австрија...па и Балтичките земји се без опција за двојно државјанство.