За начинот на кој ќе му се обратам на некого (непознат) важни се годините односно „Г-не“ ; „Г-ѓо“ за приближно иста возраст со мене или постарите од мене и со „дечко“ ; „девојко“ за оние “помладите“ (со помалку години де
). Титулата бидејќи нели не му ја знам не влијае на начинот на обраќање. По извесен муабет ако се испостави дека тој со кого разговарам има титула (Др; Мр; и слично) дознавањето на титулата ќе влијае на тој начин што:
-Или тој тотално ќе изгуби почит од моја страна, бидејќи џабе му се сите титули на свет ако е цепеница невидена и ми стане јасно како дошол до титулата која очигледно не ја заслужува.
-Или ако се испостави дека покрај титулата располага со солидно знаење за областа за која сме фатиле муабет и едноставо муабетот целосно му „држи вода“ (со факти аргументи и податоци) тогаш моето мислење за него станува уште попозитивно. Односно во вториов случај не дека без титулата нема да го ценам човекот, него едноставно поради титулата ( Др, Мр ) неговото мислење би можел да го употребам во друг муабет (со друго лице) и како потврден факт од стручно лице.
Значи титулата како титула кај мене влијае. Или целосно те поништува ко човек или те потврдува (дефинира) како квалитет.
Е сеа сосема друг муабет е ако е во прашање авторитет.
Одсекогаш сум имал “проблем“ со НАМЕТНАТ авторитет.
Бидејќи по природа (карактер) сум доста тврдоглав (знам дека е мана ама јебига таков сум) но и искрен и отворен човек (што на ум то на друм) и ако нешто е ЦРНО а некој што е на позиција над мене ми вика дека е БЕЛО, имам сериозен проблем.
Многу пати сум дошол во “конфликт“ со наметнати авторитети (професори во средно и на факултет, старешините во војска, со шефот газдата на работа... ) и знам дека полтроните (г’золижачите) полесно поминуваат (напредуваат) во животот ама јас едноставно не сум таков и против себе неможам и неќам да идам.
Со луѓето кои што со своето знаење и компетентност си ја потврдуваат позицијата на која што се, немам никаков проблем.
Околу муабетот за виртуелниве “авторитети“ (Админ, модератор...) незнам колку е релевантно да се дискутира за нив бидејќи нели се “виртуелни“.
Скоро на сите форуми нели си постојат правила кои што секој од нас ги прифатил при самото регистрирање.
Фактот што некој е админ или модератор не повлекува по автоматизам дека секогаш е во право за некоја тема и воопшто не ми било проблем да искажам и спротивен став и да навлезам и во дебата ако е потребно. Тоа мислам дека е случај со сите повозрасни, полнолетни членови на форумов, односно сите кои што имаат изградено лични ставови принципи до кои што си се придржуваат си го кажуваат своето мислење без разлика дали тоа е исто или спротивно со мислењето на виртуелниот авторитет. Помладите (тинејџерите) кои што сеуште се градат како личности нормално е да имаат “страв“ да му се спротивстават на виртуелен авторитет со различно мислење. Тоа е поради фактот што сеуште не се сигурни во исправноста (точноста) на тоа што во моментот сакаат да го кажат (напишат) и сии викаат „ааа овој е модератор сигурно е во право подобро да си ќутам“ . А исто така многу често им се случува и да подпаднат под влијание на некој админ-модератор, па мислењата на админ-модераторот за нив стануваат факти (а не мора да се) и слепо им веруваат и наместо да пишуваат свои размислувања имаш само климнување со глава и сложување со се што кажал виртуелниот авторитет.
Јас мислењата на форумов ги оценувам според квалитетот на содржината во нив а не според тоа кој ги напишал. Искрено на почетокот воопшто и не ме интересираше кои се админи и модератори на форумов
Дури по 5-6 месеци одкако се зачленив ја разгледав листата „кој се грижи за форумот“ па ми се виде многу долга и искрено и ден денес не знам кој се е модератор и за што.
Всушност јас имам мислење за ставовите изнесени на некоја тема од некој член кој што е најавен нели под никнејм, за членовите како личности по прашање за тоа: кој е, што е, и каков е приватно... воопшто не се ни интересирам.
Епа толку... „тоа е се што имав да кажам во врска со..“ (Форест Гамп) темава. :icon_razz
