H
Hip.Hop_MKD
Гостин
Хрватска е 10-та на листа на земји со најголеми шанси за банкрот
2012 - 10:59 |
Хрватска го зазема 10 место на листа на земји кои имаат најголеми шанси за банкрот, ако се суди според листата која ја состави „Бизнис Инсајдер“.
Тој финансиски портал проучи вкупно 59 земји и врз основа на вредностите на нивните ЦДС (Credit dafault swaps) постави листа на која Хрватска зазема незавидно високо место.
Всушност се работи за цената на трошоците на задолжувањата кои поради својата висина може да го загрозат враќањето на постоечкиот долг на некоја држава и така да ја внесе во банкрот. Првото место секако го зазема Грција со 7015,10 базни поени.
Наспроти толку високите вредности на ЦДС, трошоците на грчкото задолжување во последните шест месеци сепак паднаа на 12,4 отсто. Следува Аргентина со 1.183 индексни поени. Таа земја прилично ја разлути Европската унија по национализацијата на домашната нафтена компанија УПФ која до пред неколку месеци беше во сопственост на шпанската компанија Репсол.
Чесите не се загрижени од банкрот
Високото трето место го држи Кипар со 906,16 поени, а по Кипар следи Украина на 4 место по веројатност за банкрот на листата на „Бизнис Инсајдер“. Веднаш до Украина се смести Португалија, уште еден европски пациент според мислењето на светските финансиски институции. Интересно е дека Шпанија, чиј можен банкарски банкрот се заканува за распад на целата еврозона, според „Бизнис Инсајдер“ е едно место подалеку од банкрот во однос на Хрватска.
Унгарија е за едно место поблиска до банкротот на Хрватска. Трошокот на нејзиното задолжување изнесува 608,61 базен поен, што е 5 базни поени повеќе од Хрватска. На 12 место веднаш зад Шпанија, е Италија чија веројатност за банкрот е поголема од Либан. Единствена утешителна работа која може да се прочита на листата кога е во прашање Хрватска, е дека трошокот на хрватското задолжување во последните половина година паднал 1,9 отсто. Литванија пак го зазема 19 место, Словачка е на 23 место, Полска на 25 место, а далеку на долниот дел на таблицата е Чешка со многу мали изгледи за банкрот.
Последното место на листата со ЦДС од само 52,7 базни поени го зазема Норвешка на која банкрот може да и се закани, дури ако сите 58 земји пред неа би прогласиле банкрот. Интересно е дека САД, наспроти своите значителни економски проблеми е веднаш до Норвешка кога се работи за банкрот.
Загрозен е и Дубаи
Зад него се Швајцарија, Шведска, Велика Британија, Австралија и Финска. Германија исто така е на дното на таблицата, но помала закана од банкрот од неа имаат Нов Зеланд и Хонг Конг. Интересно е дека Бусинесс Инсидер Дубаи или Абу Даби ги става како посебни ентитети на таблицата. Пребогатиот Дубаи кој огромни пари вложи во се полошиот градежен сектор, се наоѓа многу високо на листата, т.е. само 5 места е подалеку од Хрватска.
Јутарњи лист, Загреб
Само ме интересира што мислите за ова, дали Хрватска е новата Грција?