TheGeneral
Арогантно копиле
- Член од
- 17 јануари 2008
- Мислења
- 1.212
- Поени од реакции
- 583
Фудбалската ѕвезда Горан Пандев, основа Академија за млади фудбалери во Струмица. Школата за млади фудбалери со која ќе раководи неговиот тренер од “Беласица“ Илија Матеничаров, ќе го носи името Академија “Пандев“, а првата генерација 1997/98 се млади фудбалери со кои работи тренерот Ице Панов, и кои досега имат покажано одлични резултати на домашни и меѓународни натпревари. На вечерашната средба со родителите на првата генерација од 30 деца, што се одржа во хотелот “Сириус“ во Струмица, раководниот тим на Академијата “Пандев“ во состав: Горан Пандев - основач, Илија Матеничаров – директор на Академијата, Југослав Тренчевски – координатор, Томе Николов Лац – технички секретар, Ице Панов – тренер и Томе Пандев – тренер на голмани, го презентираа начинот на функционирање на школата за млади фудбалери. Горан Пандев со оваа Академија сака да воведе нова концепција, ново сфаќање на играта, да ја зголеми самодовербата кај младите талентирани деца кон спортот и фудбалот и заедно со својот поранешен тренер Илија Матеничаров и тренерот на првата генерација во Академијата, Ице Панов, да воведе препознатлива игра, да воспостави Европска фудбалска школа од која ќе излезат врвни фудбалери кои ќе го следат неговиот пат.
Финансиските трошоци на Академијата “Пандев“ целосно ќе ги покрива Горан Пандев, без било какво учество на децата и родителите.
По 15-ти јули Академијата “Пандев“ ќе започне и со упис на нови деца од генерацијата 1999, 2000, 2001, 2002, 2003 и 2004 година.
Со оглед на тоа дека фудбалот во Македонија е на многу ниско ниво, редно беше некој професионалец да започне таква работа, барем за најмладите. Искрено, би сакал во наредните години да гледам како Пандев им помага на младите фудбалер да одат на проби во странски клубови (на пр. некаде во Италија) со цел да се докажат и да почнат да градат кариера. Тоа е тоа што му треба на македонскиот фудбал. Попрецизно, тоа е тоа што му треба на струмичкиот фудбал! Секоја чест на Гочето, нека му се развива Академијата и од таму да излегуваат големи фудбалери. Јас сум многу среќен заради тоа!
Финансиските трошоци на Академијата “Пандев“ целосно ќе ги покрива Горан Пандев, без било какво учество на децата и родителите.
По 15-ти јули Академијата “Пандев“ ќе започне и со упис на нови деца од генерацијата 1999, 2000, 2001, 2002, 2003 и 2004 година.
Со оглед на тоа дека фудбалот во Македонија е на многу ниско ниво, редно беше некој професионалец да започне таква работа, барем за најмладите. Искрено, би сакал во наредните години да гледам како Пандев им помага на младите фудбалер да одат на проби во странски клубови (на пр. некаде во Италија) со цел да се докажат и да почнат да градат кариера. Тоа е тоа што му треба на македонскиот фудбал. Попрецизно, тоа е тоа што му треба на струмичкиот фудбал! Секоја чест на Гочето, нека му се развива Академијата и од таму да излегуваат големи фудбалери. Јас сум многу среќен заради тоа!