Големиот Брат сезона 4
Четири дена до аудицијата за најновите учесници во реалното шоу „Големиот брат - школа за познати“. Четвртата сезона за некој месец ќе стартува повторно на фреквенцијата на телевизија Сител.. Ако мислите дека сте талентирани за нешто, забавни, смешни или пак прилично згодни, тогаш сабота 25.10.2010 е датумот 12.00 е времето, Македонската Опера и Балет е местото а аудицијата за Големиот брат е причината за да влезете во борбата за 100.000 евра.
Оваа нова сезона на планетарно најгледаното реално шоу ви овозможува и наместо вие самите, да пријавите некој близок, пријател, брат, сестра, момче, девојка, било кој, кого би сакале да го видите во борбата за наградата од 100.000 евра. Во текот на месец декември и јануари, аудициите ќе се одржуваат во сите земји, Србија, Македонија, Црна Гора и Босна и Херцеговина. Сите што сакаат да бидат дел од ова реално шоу, можат да се пријавуваат директно, по пат на смс или преку официјалната страна. Директно, во најтесниот круг ќе влезат момчето и девојката што ќе бидат прогласени за најзгодни или за најинтересни.
Затоа ако сакате да освоите 100.000 евра и притоа одлично да се забавувате со пријатели од неколку балкански земји, тогаш во сабота фатете ред пред Македонска Опера и Балет на ул. Димитар Влахов бб точно на пладне. Големиот брат ве чека!
Извор:
Backstage
