Tutkar
Богомил
- Член од
- 6 декември 2005
- Мислења
- 1.967
- Поени од реакции
- 34
Претседателот на Република Македонија Бранко Црвенковски во своето годишно обраќање пред пратениците во македонското Собрание оцени дека 2007 била година во која не се исполнети очекувањата да бидат оставерени клучните стратешки определби - добивање датум за пристапни преговори со ЕУ и исполнување на критериумите и стандардите за добивање покана за членство во Алијансата, за што одговорноста ја лоцира и во власта и во опозицијата.
- Денес, пред самиот крај на годината, мора да констатираме - зацртаните цели не се остварени. На планот на клучните стратешки определби - евро и евро-атлантските интеграции, 2007-ма беше неуспешна година. Она што мене посебно ме загрижува е што причините за ваквите состојби и од страна на Брисел и од страна на земјите членки се посочуваат во сферата каде што со години наназад бевме најсилни и врз основа на што се темелеше позитивната слика за Македонија. Тоа се таканаречените „политички критериуми“, рече претседателот Црвенковски притоа потсетувајќи на, како што рече успехот постигнат по завршувањето на конфликтот во 2001 година, што резултирало со добивање на стаусот земја кандидат.
Тој смета дека поради ваквите политички случувања од меѓународниот фактор се добиваат оценки за „непостоење на континуиран и продуктивен политички дијалог“, „ниско ниво на политичка култура“, или „перманентни политички тензии“.
Решението за надминување на проблемите и надоместување на испуштеното тој го гледа во извршувањето значајни корекции во политиката и во однесувањето, а за тоа во кои насоки да се менуваат, би требало реално, без партиски субјективности и со ладни глави да се согледаат грешките.
Тие, рече Црвенковски, се јавуваат уште во формирањето на Владата со невлегувањето на ДУИ во неа, што предизвикало отпор и неподдржување на владините проекти од страна на оваа партија, како и во погрешно одбраните приоритети на владината политика.
-Ако сите се согласуваме дека овој период е клучниот за остварување на нашите стратешки определби - добивање на поканата за членство во НАТО и добивање на датум за преговори со ЕУ, тогаш тоа мораше соодветно да се преслика и во агендата за работа на Владата и овој Парламент. Ако целите ни се толку значајни и ако времето ни е јасно определено и дефинирано, тогаш требаше целосно да се фокусираме на нивното остварување. Ако како индикатор се земе работата на ова Собрание, каде како највисок законодавен дом завршуваат сите предложени закони, ќе заклучиме дека најмногу време и енергија се потроши околу проекти кои немаат никаква допирна точка ниту со ЕУ и НАТО процесите ниту со економијата. Во исто време, расправата по нив предизвика најмногу тензии и конфронтации и во Собранието, но и пошироко во јавноста, истакна Црвенковски.
Како причина за незадоволителните резултати македонскиот претседател го наведува и како што вели огромниот расчекор меѓу декларативните заложби за важноста на ЕУ и НАТО процесите од една и практичното дејствување и однесување од друга страна.
- Факт е дека клучните политички партии и од власта и од опозицијата, без исклучок, не беа на висина на задачата. Не демонстрираа ниту доволно политичка волја, ниту соодветно ниво на одговорност какви што налагаше важноста на моментот и значајот на проектираните резултати. Сите беа повеќе оптоварени со дневниот рејтинг отколку со исполнувањето на крајната цел. Сите беа повеќе фокусирани кому во јавноста ќе му ја префрлат одговорноста за неуспешната средба или непостигнатиот договор отколку како да се дојде до решението. Долгите и неуспешни преговори и, што е уште полошо, неспроведувањето на она што веќе се договорило, гледано од перспективата на Брисел ја наруши сликата за Македонија и создаде перцепција за недоволен демократски потенцијал и институционален капацитет, истакна во редовното годишно обраќање претседателот Црвенковски.
Тој оцени дека меѓусебни обвинувања на релација власт-опозиција кој е повеќе одговорен за ваквите состојби, често пати прераснува во меѓусебни навреди и дискредитации. - Во парламентарната демократија секој има свој дел од одговорноста. И власта и опозицијата. И за ваквите резултати никој не може да биде амнестиран. Но одговорноста секогаш оди заедно и пропроционално со моќта на одлучувањето. Кој има поголемо влијание при донесувањето на одлуките има и поголема одговорност, рече македонскиот претседател.
Поуките од сите досегашни случувања, како што посочи, може да се сумира во една реченица: подготвеност за компромиси, јасни приоритети и искрена посветеност на процесот. Како позитивен пример го посочи напредокот постигнат на двете последни лидерски средби.
Претседателот Црвенковски во годишното обраќање се осврна и на спорот со Грција за името.
Toj рече дека зо последниве неколку месеци прашањето за разликите околу името се врати во фокусот на вниманието, што според него, се должи на одлуката на грчката влада решавањето на овој повеќегодишен спор да го издигне на ниво на еден од највисоките приоритети на својата надворешна политика.
Република Македонија се наоѓа пред добивање на покана за членство во НАТО, што Грција како членка на Алијансата сака да го искористи за зајакнување на својата преговарачка позиција и постигнување на поповолно решение во спорот за името. Оваа политичка логика, како што напомена Црвенковски, може да ја разбере, но не и да се согласи.
- Не се согласувам затоа што се прави обид еден билатерален проблем да се издигне на ниво на критериум за членство во НАТО, затоа што е во директна спротивност со Времената спогодба од 1995-та година со која Република Грција презеде обврска да не го попречува интегрирањето на Република Македонија во меѓународните организации доколку се користи референцата од ОН и затоа што е во спротивност со принципите на кои што отпочнаа и се водат разговорите во Њујорк - а тоа е без наметнување на решение и без наметнување на рокови, посочи македонскиот претседател.
Македонија, рече Црвенковски, го поздравува зголемениот интерес на Грција да се најде решение за овој проблем бидејќи никој повеќе не би сакал ова прашање да се симне од дневен ред и да се исфрли од употреба анахроната кованица - Поранешна Југословенска Република Македонија.
- Тоа е и причината зошто сме подготвени со позитивна енергија и на конструктивен начин да го интензивираме нашето учество во разговорите со посредништво на Метју Нимиц. Ние не полагаме право на никаков ексклузивитет на поимот Македонија, ниту во историска, ниту во географска смисла, немаме никакви територијални претензии спрема било кој од нашите соседи, ниту имаме, ниту поддржуваме било какви сепаратистички или иредентистички тенденции. Заинтересирани сме да градиме искрени и пријателски односи со Грција. Она на што ние ќе инсистираме и од што не можеме да отстапиме е зачувување на нашето уставно име и за внатрешна и за меѓународна употреба. Тоа е прашање на зачувување на нашиот национален и културен идентитет. Без тој идентитет ниту нам нешто ќе ни значи членството во некоја меѓународна организација, ниту ние како членка ќе и значиме нешто на таа организација, рече шефот на државата.
Тој, како што додаде, не знае и не може да предвиди што ќе направи Грција во април следната година, но знае што треба да направи Македонија.
- Треба да ги исполниме сите услови и критериуми за прием во НАТО, и тоа во најкус можен рок, и на тој начин да го стесниме маневарскиот простор за користење на било какви дополнителни аргументи против нашето членство, рече претседателот Црвенковски.
Во однос на косовското прашање Црвенковски истакна дека Република Македонија го поддржа планот на Марти Ахтисари за идното уредување на Косово во кој беа содржани и одредби со кои се предвидени механизми и рокови за демаркација на северната граница, во делот со Косово.
- Најпосакуваната опција е идниот статус на Косово да биде дефиниран со резолуција на Советот за безбедност на ОН. Доколку не дојде до надминување на сериозните разлики меѓу постојаните членки на Советот за безбедност, оваа варијанта станува невозможна. Република Македонија како земја кандидат за членство во ЕУ и НАТО има обврска да ја следи заеднички зацртаната политика на овие структури, рече Црвенковски, нагласувајќи оти Македонија ниту може, ниту сака да бидеме арбитар околу иднината на Косово.
Тој укажа дека Македонија треба подготвено да се соочи со евентуалните безбедосни ризици во однос на решавањето на косовското прашање.
На крајот од годишното обраќање пред пратениците претседателот Бранко Црвенковски изрази очекување дека со политичко и општествено единство Македонија ќе ги оствари своите стратегиски определби.
- Доколку ги заборавиме меѓусебните кавги и расправии, доколку ги здружиме силите околу главните стратешки определби, околу основните национални и државни интереси, доколку ја поттикнеме и во вистински правец насочиме целокупната општествена енергија, бидете убедени, Македонија ќе стане и посилна и помоќна и во очите на сите други многу поголема. Тогаш и предизвиците многу полесно ќе ги совладаме, а целите многу поуспешно ќе ги реализираме. Не очекува огромна работа. Убеден сум дека како држава имаме и волја и капацитет успешно да ја завршиме, заклучи претседателот Бранко Црвенковски во годишното обраќање.
Во Собранието на Македонија, покрај пратениците, присуствуваа и премиерот Никола Груевски, шефот на дипломатијата Антонио Милошоски, министерот за одбрана Лазар Еленовски, претставници на повеќе државни институции, на дипломатскиот кор и на верските заедници.
извор
- Денес, пред самиот крај на годината, мора да констатираме - зацртаните цели не се остварени. На планот на клучните стратешки определби - евро и евро-атлантските интеграции, 2007-ма беше неуспешна година. Она што мене посебно ме загрижува е што причините за ваквите состојби и од страна на Брисел и од страна на земјите членки се посочуваат во сферата каде што со години наназад бевме најсилни и врз основа на што се темелеше позитивната слика за Македонија. Тоа се таканаречените „политички критериуми“, рече претседателот Црвенковски притоа потсетувајќи на, како што рече успехот постигнат по завршувањето на конфликтот во 2001 година, што резултирало со добивање на стаусот земја кандидат.
Тој смета дека поради ваквите политички случувања од меѓународниот фактор се добиваат оценки за „непостоење на континуиран и продуктивен политички дијалог“, „ниско ниво на политичка култура“, или „перманентни политички тензии“.
Решението за надминување на проблемите и надоместување на испуштеното тој го гледа во извршувањето значајни корекции во политиката и во однесувањето, а за тоа во кои насоки да се менуваат, би требало реално, без партиски субјективности и со ладни глави да се согледаат грешките.
Тие, рече Црвенковски, се јавуваат уште во формирањето на Владата со невлегувањето на ДУИ во неа, што предизвикало отпор и неподдржување на владините проекти од страна на оваа партија, како и во погрешно одбраните приоритети на владината политика.
-Ако сите се согласуваме дека овој период е клучниот за остварување на нашите стратешки определби - добивање на поканата за членство во НАТО и добивање на датум за преговори со ЕУ, тогаш тоа мораше соодветно да се преслика и во агендата за работа на Владата и овој Парламент. Ако целите ни се толку значајни и ако времето ни е јасно определено и дефинирано, тогаш требаше целосно да се фокусираме на нивното остварување. Ако како индикатор се земе работата на ова Собрание, каде како највисок законодавен дом завршуваат сите предложени закони, ќе заклучиме дека најмногу време и енергија се потроши околу проекти кои немаат никаква допирна точка ниту со ЕУ и НАТО процесите ниту со економијата. Во исто време, расправата по нив предизвика најмногу тензии и конфронтации и во Собранието, но и пошироко во јавноста, истакна Црвенковски.
Како причина за незадоволителните резултати македонскиот претседател го наведува и како што вели огромниот расчекор меѓу декларативните заложби за важноста на ЕУ и НАТО процесите од една и практичното дејствување и однесување од друга страна.
- Факт е дека клучните политички партии и од власта и од опозицијата, без исклучок, не беа на висина на задачата. Не демонстрираа ниту доволно политичка волја, ниту соодветно ниво на одговорност какви што налагаше важноста на моментот и значајот на проектираните резултати. Сите беа повеќе оптоварени со дневниот рејтинг отколку со исполнувањето на крајната цел. Сите беа повеќе фокусирани кому во јавноста ќе му ја префрлат одговорноста за неуспешната средба или непостигнатиот договор отколку како да се дојде до решението. Долгите и неуспешни преговори и, што е уште полошо, неспроведувањето на она што веќе се договорило, гледано од перспективата на Брисел ја наруши сликата за Македонија и создаде перцепција за недоволен демократски потенцијал и институционален капацитет, истакна во редовното годишно обраќање претседателот Црвенковски.
Тој оцени дека меѓусебни обвинувања на релација власт-опозиција кој е повеќе одговорен за ваквите состојби, често пати прераснува во меѓусебни навреди и дискредитации. - Во парламентарната демократија секој има свој дел од одговорноста. И власта и опозицијата. И за ваквите резултати никој не може да биде амнестиран. Но одговорноста секогаш оди заедно и пропроционално со моќта на одлучувањето. Кој има поголемо влијание при донесувањето на одлуките има и поголема одговорност, рече македонскиот претседател.
Поуките од сите досегашни случувања, како што посочи, може да се сумира во една реченица: подготвеност за компромиси, јасни приоритети и искрена посветеност на процесот. Како позитивен пример го посочи напредокот постигнат на двете последни лидерски средби.
Претседателот Црвенковски во годишното обраќање се осврна и на спорот со Грција за името.
Toj рече дека зо последниве неколку месеци прашањето за разликите околу името се врати во фокусот на вниманието, што според него, се должи на одлуката на грчката влада решавањето на овој повеќегодишен спор да го издигне на ниво на еден од највисоките приоритети на својата надворешна политика.
Република Македонија се наоѓа пред добивање на покана за членство во НАТО, што Грција како членка на Алијансата сака да го искористи за зајакнување на својата преговарачка позиција и постигнување на поповолно решение во спорот за името. Оваа политичка логика, како што напомена Црвенковски, може да ја разбере, но не и да се согласи.
- Не се согласувам затоа што се прави обид еден билатерален проблем да се издигне на ниво на критериум за членство во НАТО, затоа што е во директна спротивност со Времената спогодба од 1995-та година со која Република Грција презеде обврска да не го попречува интегрирањето на Република Македонија во меѓународните организации доколку се користи референцата од ОН и затоа што е во спротивност со принципите на кои што отпочнаа и се водат разговорите во Њујорк - а тоа е без наметнување на решение и без наметнување на рокови, посочи македонскиот претседател.
Македонија, рече Црвенковски, го поздравува зголемениот интерес на Грција да се најде решение за овој проблем бидејќи никој повеќе не би сакал ова прашање да се симне од дневен ред и да се исфрли од употреба анахроната кованица - Поранешна Југословенска Република Македонија.
- Тоа е и причината зошто сме подготвени со позитивна енергија и на конструктивен начин да го интензивираме нашето учество во разговорите со посредништво на Метју Нимиц. Ние не полагаме право на никаков ексклузивитет на поимот Македонија, ниту во историска, ниту во географска смисла, немаме никакви територијални претензии спрема било кој од нашите соседи, ниту имаме, ниту поддржуваме било какви сепаратистички или иредентистички тенденции. Заинтересирани сме да градиме искрени и пријателски односи со Грција. Она на што ние ќе инсистираме и од што не можеме да отстапиме е зачувување на нашето уставно име и за внатрешна и за меѓународна употреба. Тоа е прашање на зачувување на нашиот национален и културен идентитет. Без тој идентитет ниту нам нешто ќе ни значи членството во некоја меѓународна организација, ниту ние како членка ќе и значиме нешто на таа организација, рече шефот на државата.
Тој, како што додаде, не знае и не може да предвиди што ќе направи Грција во април следната година, но знае што треба да направи Македонија.
- Треба да ги исполниме сите услови и критериуми за прием во НАТО, и тоа во најкус можен рок, и на тој начин да го стесниме маневарскиот простор за користење на било какви дополнителни аргументи против нашето членство, рече претседателот Црвенковски.
Во однос на косовското прашање Црвенковски истакна дека Република Македонија го поддржа планот на Марти Ахтисари за идното уредување на Косово во кој беа содржани и одредби со кои се предвидени механизми и рокови за демаркација на северната граница, во делот со Косово.
- Најпосакуваната опција е идниот статус на Косово да биде дефиниран со резолуција на Советот за безбедност на ОН. Доколку не дојде до надминување на сериозните разлики меѓу постојаните членки на Советот за безбедност, оваа варијанта станува невозможна. Република Македонија како земја кандидат за членство во ЕУ и НАТО има обврска да ја следи заеднички зацртаната политика на овие структури, рече Црвенковски, нагласувајќи оти Македонија ниту може, ниту сака да бидеме арбитар околу иднината на Косово.
Тој укажа дека Македонија треба подготвено да се соочи со евентуалните безбедосни ризици во однос на решавањето на косовското прашање.
На крајот од годишното обраќање пред пратениците претседателот Бранко Црвенковски изрази очекување дека со политичко и општествено единство Македонија ќе ги оствари своите стратегиски определби.
- Доколку ги заборавиме меѓусебните кавги и расправии, доколку ги здружиме силите околу главните стратешки определби, околу основните национални и државни интереси, доколку ја поттикнеме и во вистински правец насочиме целокупната општествена енергија, бидете убедени, Македонија ќе стане и посилна и помоќна и во очите на сите други многу поголема. Тогаш и предизвиците многу полесно ќе ги совладаме, а целите многу поуспешно ќе ги реализираме. Не очекува огромна работа. Убеден сум дека како држава имаме и волја и капацитет успешно да ја завршиме, заклучи претседателот Бранко Црвенковски во годишното обраќање.
Во Собранието на Македонија, покрај пратениците, присуствуваа и премиерот Никола Груевски, шефот на дипломатијата Антонио Милошоски, министерот за одбрана Лазар Еленовски, претставници на повеќе државни институции, на дипломатскиот кор и на верските заедници.
извор