Ај вака, една мала едноставна рекапитулација на нашите настапи на првенства со цел малку од малку да си ги средиме очекувањата, кои ни се тотално несразмерни со реалноста.
И јас би почнал од наједноставната статистика од сите: Број на победи на големи натпреварувања. Ама за да биде малку пореално и да не не залажуваат разно разни Бахреини и Саудиски Арабии, ќе ги броиме само победите против Европски селекции (реално има и 2-3 неевропски екипи кои континуирано се на ранг на европските но се ретки, иако последно време и на тој план има раздвижување)
1. Вкупно на 12 настапи на ЕП и СП (по 6) имаме 12 победи. 8 на европско, 4 на светско. Да, не е прочитано ова погрешно, стварно толку имаме.
2. Највисока победа во историјата против европска држава ни е 6 разлика. Против Чешка во 2012 и Русија 2009. Да прочиташ по нашите портали или на форумот за очекувањата, 5-6 разлика е нешто како најнормално очекување за победа против репрезентации од наш ранг. А ни се случило само 2-3 пати. Во цела историја на настапи. Со Кире, Борко, Пепи, Столе, Миркуловски, Наумче и еден куп други играчи и генерации. А ако не го достигнеме рекордот - одма, не чини тренерот, да се обесат играчите, не чини федерацијата... Ај што е комплетно необјективен, туку во најмала мера тоа е и депресивен начин на размислување.
3. Последните 5 победи на ЕП ни се од по 1 разлика. Последната победа поголема од 1 разлика ни е против Србија 2012 (кога Србите веќе беа пласирани во полуфинале и делумно одмараа во прсрет на битката за медали). Впрочем и вкупно 6 од 12 се по 1 разлика, а само 3 се 5-6 разлика.
4. Еве ја листата на победи против европски селекции на сите натпреварувања:
1998: /
1999: /
2009: POL (+1), RUS (+6)
2012: CZE (+6), POL (+2), SRB (+3), SLO (+1)
2013: /
2014: AUT (+1)
2015: BIH (+3), AUT (+5)
2016: /
2017: /
2018: SLO (+1), MNE (+1)
2019: /
2020: UKR (+1)
Ова е се во близу 60 настапи против европски екипи на ЕП и СП. Значи на овие може да надоврзете едно 45 порази, распределени на сите првенства, од кои некои и со преку 10 разлика.
5. Ако малку подобро се погледне листата, едно нешто станува очигледно. Буквално сите победи ни се против екипи од "источниот блок" (и Австрија ја рачунам тука, секако главните играчи им се постојано ex-Yu или ex-USSR). Никогаш не сме победиле скандинавска или западноевропска екипа на ЕП или СП. Веројатно највредни ни се победите против Полска и Словенија (со оглед на контекстот на натпреварот и рејтингот кој го имале екипите во моментот кога сме ги победиле)
6. На 6 од 12те настапи на ЕП или СП сме немале ниту една победа против европска репрезентација.
Се повеќе и повеќе изгледа како една од најголемите штети во ракометот кај нас да е фактот што после децении дремење дома и ненастапување на првенства, во 2012 имавме среќа и веднаш завршивме 5ти. Оттогаш наваму очекувањата ни се комплетно пореметени.