Македонцки
мадрфакр
- Член од
- 23 ноември 2007
- Мислења
- 4.281
- Поени од реакции
- 635
„Кученцата згазнаа врз наша Македонија, каде се безбедносните служби“, стои во насловот на текстот што го објави крајнодесничарскиот грчки весник „Стохос“, а го пренесе „Златна зора“, преку кој весникот на Македонците во Грција се нарекува валкана антигрчка пропаганда
Грчкиот крајнодесничарски и фашистички весник „Стохос“ ги повика безбедносните служби во Атина да ја зачуваат „грчка Македонија“ од издавањето на весникот на Македонците „Нова зора“ и најави пресметка со главниот уредник Димитрис Јоану. Националистичките напади против Виножито, партијата на Македонците во Грција, и издавањето на весникот се објавени на интернет-страницата на грчката ултранационалистичка организација „Златна зора“.
„Кученцата згазнаа врз наша Македонија, каде се безбедносните служби“, стои во насловот на текстот што го објави весникот „Стохос“, а го пренесе „Златна зора“.
Понатаму во текстот се вели дека освен што се срушила грчката економија, се урнале и безбедносните служби што требало да ја зачуваат нивната Македонија.
„Го нема државното разузнавање, ја нема државната безбедност, никој не реагира, остануваме само ние да ја извадиме змијата од дупката“, се вели во текстот преку кој жестоко се напаѓа весникот.
Крајнодесничарскиот весник, кој досега повеќепати го повикуваше локалното население да се спротистави на „провокативните традиционални собири во Овчаране“ на Македонците во Грција, пишува дека „Нова зора“ е напишан на словенски јазик, а дека на насловната страница на весникот е „познатиот комита-убиец и бугарофил што го глорифицираат скопјаните - Гоце Делчев“.
„Весникот е валкана пропаганда против нашата татковина и во секој ред се пишува со омраза против Грција“, се вели во текстот.
Уредникот на „Нова зора“, Јоану, објаснува дека „Златна зора“ и „Стохос“ не само што се закануваат дека ќе се пресметаат со него туку го нарекуваат предавник и грчкиот политички аналитичар што живее и работи во Скопје, Јорогс Пападакис поради неговата колумна објавена во весникот.
„Стохос“ прашува колку храброст му требало на Пападакис да го напише текстот, колку пари зел за тоа да го стори и каде се безбедносните служби да реагираат. Јоану вели дека наспроти ваквите реакции на националистичките кругови, дистрибуцијата на весникот се одвива одлично и Македонците со задоволство го читаат првото издание на „Нова зора“.
- Има понекој пцост од индивидуалци што го фрлаат весникот, што е нормално, зошто има разни Грци - вели Јоану.
Вториот број на „Нова зора“ се очекува да излезе во почетокот на јуни.
Автор: Ивана Костовска
