14 ноември 2014 - 16:02
Во најновата ревизија на макроекономските податоци централната банка оценува дека економијата ќе расте како резултат на растот на извозот, но и на домашната побарувачка, а во надолни ризици ги пресметува геополитичките тензии
Раст на македонската економија од 3,7 проценти оваа, 4,1 отстоследната и 4,5 проценти во 2016 година проектира Народна банка на Република Македонија со својата најнова ревизија на макроекономските проекции. Притоа, единствено е намалена проекцијата за наредната година, од 4,4 на 4,1 процент, како резултат на очекувањата за понеповолно надворешно опкружување.
Гувернерот Димитар Богов, истакнува дека во наредните две години растот умерено ќе забрза како резултат позитивните ефекти од структурните промени врз извозниот сектор и посебно на солидниот раст на домашната побарувачка. Како надолни ризици за проектираниот раст се пресметани геополитичките тензии, ризиците од нормализирањето на монетарната политика на американската централна банка, бавното закрепнување во еврозоната, но и падот на цените на храната, металите и енергенсите.
НБРМ сега очекува пониска инфлација од претходно проектираната, па за оваа година проекцијата од 1 отсто ја спушта на 0, за наредната од 2 на 1 отсто, а за 2016 година очекува да се нормализира на околу 2 проценти.
Банкарските камати, вели гувернерот во моментов се на најниско ниво, а нивното спуштање не зависи само од потезите на НБРМ, како што е менувањето на референтната каматна стапка, туку и од трошоците на банките, ризиците што ги пресметуваат, изворите на средства и нивната цена. Кредитниот раст, пак до крајот на годината треба да се позиционира околу 9 насто и да биде највисок во Европа, со оглед на тоа што во повеќето земји е или нула или негативен. За 2015 и 2016 година се прогнозира задржување на стапките на кредитен раст на ниво од девет до 10 проценти.
- Во 2016 година очекуваме кредитите да изнесуваат близу 52% од БДП, што е пораст од 10 процентни поени во однос на 2008, која беше последна преткризна година. Банкарскиот систем и натаму е стабилен, при висока стапка на адекватност на капиталот која во јуни изнесуваше 16,9 отсто и релативно стабилно учество на нефункционалните пласмани од 12,2 отсто во август годинава, констатира гувернерот.
Девизните резерви и понатаму треба да останат на адекватно ниво, и покрај тоа што наредната година треба да се намалат поради отплата на еврообврзницата и кредитот за претпазливост од ММФ, но потоа треба да продолжат да растат.
(С.Ву.)
Во најновата ревизија на макроекономските податоци централната банка оценува дека економијата ќе расте како резултат на растот на извозот, но и на домашната побарувачка, а во надолни ризици ги пресметува геополитичките тензии
Раст на македонската економија од 3,7 проценти оваа, 4,1 отстоследната и 4,5 проценти во 2016 година проектира Народна банка на Република Македонија со својата најнова ревизија на макроекономските проекции. Притоа, единствено е намалена проекцијата за наредната година, од 4,4 на 4,1 процент, како резултат на очекувањата за понеповолно надворешно опкружување.
Гувернерот Димитар Богов, истакнува дека во наредните две години растот умерено ќе забрза како резултат позитивните ефекти од структурните промени врз извозниот сектор и посебно на солидниот раст на домашната побарувачка. Како надолни ризици за проектираниот раст се пресметани геополитичките тензии, ризиците од нормализирањето на монетарната политика на американската централна банка, бавното закрепнување во еврозоната, но и падот на цените на храната, металите и енергенсите.
НБРМ сега очекува пониска инфлација од претходно проектираната, па за оваа година проекцијата од 1 отсто ја спушта на 0, за наредната од 2 на 1 отсто, а за 2016 година очекува да се нормализира на околу 2 проценти.
Банкарските камати, вели гувернерот во моментов се на најниско ниво, а нивното спуштање не зависи само од потезите на НБРМ, како што е менувањето на референтната каматна стапка, туку и од трошоците на банките, ризиците што ги пресметуваат, изворите на средства и нивната цена. Кредитниот раст, пак до крајот на годината треба да се позиционира околу 9 насто и да биде највисок во Европа, со оглед на тоа што во повеќето земји е или нула или негативен. За 2015 и 2016 година се прогнозира задржување на стапките на кредитен раст на ниво од девет до 10 проценти.
- Во 2016 година очекуваме кредитите да изнесуваат близу 52% од БДП, што е пораст од 10 процентни поени во однос на 2008, која беше последна преткризна година. Банкарскиот систем и натаму е стабилен, при висока стапка на адекватност на капиталот која во јуни изнесуваше 16,9 отсто и релативно стабилно учество на нефункционалните пласмани од 12,2 отсто во август годинава, констатира гувернерот.
Девизните резерви и понатаму треба да останат на адекватно ниво, и покрај тоа што наредната година треба да се намалат поради отплата на еврообврзницата и кредитот за претпазливост од ММФ, но потоа треба да продолжат да растат.
(С.Ву.)
