Според ова што беше изнесено во КОД, правецот на движење на двете коли една позади друга и движењето на пешачите, многу веројатно е дека:
1. Пешаците започнале нагло да минуваат преку пешачкиот,
2. Црното возило, и белото кое биле позади него возеле со Х брзина БЕЗ план да застанат
- Двете возила најверојатно возеле со приближно иста брзина, бидејќи доколку белиот цитроен возел драстично побрзо, далеку ПРЕД семафорите ќе ја завземел ЛЕВАТА лента наместо да оди во средната лента позади црното возило
- Откако црното возило ги забележало пешаците дека започнале да преминуваат, го променил планот и започнал НАГЛО да кочи
- Белио цитроен кој НЕ ДРЖЕЛ доволно дистанца од црното возило, немал време да реагира на промената на намерата на возачот пред него и направил тоа што направил. Неискуство и невнимание тоа го прави, дури ако имало инволвирано користење на мобилен што е честа пракса!
Член 42
(1) Возачот кој се приближува до крстосница, е должен да вози со зголемена претпазливост која им одговара на условите на сообраќајот на крстосницата.
(2) Возачот кој се приближува до крстосница, е должен да вози со брзина која овозможува да запре и да ги пропушти возилата што на крстосницата имаат првенство на минување.
(3) Возачот е должен на доволна оддалеченост пред крстосницата со возилото да заземе положба на онаа сообраќајна лента по која задолжително треба да помине низ крстосницата.
Член 116
(1) Пешакот е должен преку коловозот и велосипедската патека или лента да преминува внимателно и по најкраток пат, откако пред стапувањето на коловозот, ќе се увери дека тоа може да го стори на безбеден начин.
Член 118
(1) На обележан пешачки премин на кој сообраќајот на пешаците е регулиран со светлосни сообраќајни знаци за пешаци, пешакот е должен да постапува според тие знаци.
(2) На обележан пешачки премин на кој сообраќајот на пешаците не е регулиран со светлосни сообраќајни знаци за пешаци, но сообраќајот на возилата е регулиран со светлосни сообраќајни знаци за возила или со знаци што ги дава полициски службеник, пешаците можат да преминуваат преку коловозот само додека со дадениот знак е дозволено преминување преку коловозот.
(3) На обележан пешачки премин на кој сообраќајот не е регулиран со светлосни сообраќајни знаци, ниту со знаци што ги дава полициски службеник, пешакот е должен пред стапувањето на пешачкиот премин да обрне внимание на оддалаченоста и на брзината на возилата што му се доближуваат.
(4) Прекршочен платен налог со глоба во износ од 50 евра во денарска противвредност ќе му се издаде на пешакот кој постапува спротивно на одредбите од ставовите (1), (2) и (3) на овој член.