Го читам Шинелот од Гогољ, расказ за ситниот чиновник Акакиј Акакијевич (на крај му го крадат капутот и умира од студ, ама пред сѐ од мака), кој започнува со:
„Малку е да се рече дека служеше ревносно, не - тој служеше со љубов. Таму, во препишувањето, нему му се привидуваше некаков негов различен и драг свет. На лицето му се оцртуваше уживање, а некои букви му беа омилени, па кога доаѓаше до нив, целиот беше надвор од себе си... Еден началник, кој беше добар човек, сакаше некако да го награди за долгогодишната служба, па нареди да му се даде нешто поважно од препишување, имено, да од веќе готов документ состави претставка... Целата должност се состоеше во тоа да го промени насловот и овде-онде да ги промени глаголите од прво во трето лице. Ова му зададе толкава мака што целиот се препоти, се почеша по чело и на крај рече „Не, подобро вие мене дајте ми да препишам нешто.“
Акакиј е чесен човек. Тој знае што може, ама и што сака. Неговата скромност наидува на потсмев кај неговите колеги, кои дури и физички го задеваат. Но тој си ја сака работата, сака да препишува документи и е најдобар во тоа.
Февруари 2021
Управа за водење матични книги
Директор: Бујар Дардишта
„Ревизорската комисија за 2019 утврдила преку 100.000 (сто илјади) изводи издадени со грешка“ (кои веројатно се поништени, но не се евидентирани, па може да се злоупотребени).
Е, овде случајот е обратен. Имаме чобани собрани од планина и ставени во канцеларија, само затоа што се од одредена политичка провиниенција.
И сега, замисли, единствена работа ти е да препишуваш. Од физичката книга на родени, венчани, умрени... во образецот на компјутерот. Значи, не директно да куцаш на машина, туку - во компјутер, каде можеш да изменуваш, да бришеш, допишуваш и на крај, кога ќе провериш дека сѐ е како во оригиналот, да притиснеш Print.
Значи, единствена работа ти е да препишеш и ти успеваш да сјебеш 100.000 изводи оти си глуп како кур, ама амбициозен, башка со подобен политички бекграунд.
И така, расказов ме асоцираше на скандалот и се наапав малце.
Идам сега да дочитам.