Вински туризам

Член од
25 декември 2008
Мислења
1.877
Поени од реакции
1.089
ВИНСКИОТ ТУРИЗАМ СТАНУВА ВНОСЕН БИЗНИС

Дејан Азески

Винските подруми, кои беа формирани во македонските винарници како интересен начин за маркетинг и промоција, стануваат се попопуларни, поисплатливи и самоодржливи

Пријатен и несекојдневен амбиент, вкусна храна, ниски цени и секако, добро вино се главните фактори кои ги прават неколкуте вински подруми во земјава попопуларно место за интимни и за деловни ручеци, но и за бизнис-промоции. Винските подруми во најголемите винарници годишно ги посетуваат по неколку илјади гости од земјава и од странство, а бројот на посетители и манифестации се зголемува особено во последните неколку години.
Илија Ѓоргиев, менаџер на ресторанот во винарницата Стоби, кој е последен отворен од низата во винарниците, вели дека работите се одвиваат дури подобро од очекувањата и дека дефинитивно има голем интерес за ваквиот вид туризам. Во иднина планираат да се посветат на што поголема промоција.
„Кога за шест месеци во новоотворен ресторан ќе ве посетат над 1.000 луѓе е јасен индикатор дека станува збор за добар бизнис, кој во иднина неминовно ќе се развива. Иако сме оддалечени од сите поголеми градови, луѓето доаѓаат специјално за да ручаат кај нас. Сметам дека Стоби во иднина ќе стане Мека за транзитните туристи кои ја користат магистралата Е75 и неодминлива дестинација на патот од Скопје кон Грција“, вели Ѓоргиев.
Цените во винските подруми, кои спаѓаат во класата луксузни ресторани, според познавачите, се околу 30% пониски од елитните кафеани во Скопје. Интимноста и изолираноста се дополнителен фактор кој ги привлекува посетителите да поминуваат во македонските винарници.
И од винскиот подрум на винарницата Сковин го потврдуваат трендот на раст на бројот на посетители. Оттаму велат дека за година и половина, колку што функционираат, немаат забележано надолен тренд во услови кога се жалат нивните колеги од скопските ресторани.
„Имаме по три големи групи неделно, во просек и речиси секој ден ручеци за помали групи од 10-ина луѓе. Кога се почнува со ваква работа најчесто се прави поради маркетинг, но бројките покажуваат дека винскиот подрум во иднина не само што ќе стане самоодржлив, туку и ќе продолжи да се развива и ќе носи дел од профитот на винарницата“, вели Елена Атанасова од винарницата Сковин.
Бовин го поседува најстариот вински подрум во Македонија. Од винарницата велат дека од 1998 година, кога ги имале првите гости, имаат само нагорен тренд на посети. На почетокот винскиот туризам во Бовин бил поинтересен за дипломатите и за странските посетители, но со секоја наредна година с$ повеќе имаат домашни посетители.
Во голем дел, посетителите се заинтересирани престојот во винарниците да го продолжат на неколку дена. Во винарницата Попова Кула, каде што функционира помал сместувачки капацитет, сметаат дека заокружената понуда е интересна за посетителите. Во пролетниот период имале многу резервации за 30-ината легла.
Сместувачки капацитети наскоро најавуваат и од винарската визба Бовин од Неготино, а за оваа идеја дознаваме дека се размислува и во други винарници
http://www.kapital.mk/mk/makedonija/86079/vinskiot_turizam_stanuva_vnosen_biznis.aspx

Испровициран од текстов решив да отворам тема и за овој вид на туризам. Доколку има веќе отворена нека надлежните реагират.
Што мислите за ваквиот туризам.Има ли некој искуство околу ова, дали сте посетиле некоја од нашиве винарници или некој ширум светов. Гледаме сега се нудат и нови локации за изградба на винарии, кој подоцна би привлекувале туристи,односно би го застапувале винскиот туризам.
Повелете со пофалби,критики, сугестии за овој вид на туризам.
 

Anco

За солун ДА, ЗА срем НЕ
Член од
1 ноември 2011
Мислења
8.603
Поени од реакции
15.403
сето ова е убаво,и во се се сложувам.
Но не се сите по виното (иако повеќето се, и тоа е добро)
Иако е темава за Винарии,малку и за други нешта да спомнам.
Но не ли може ваква промоција и со други производи и гранки.
Еве некаде успеа и бизнисот со „рибници“ и тоа на повеќе места.
Може исто и со пчеларството,како би изгледало „пчелен подрум“ или .....
Но зошто не и во Валандово подрум за сокови,посебно од калинки.
Или во Ресен подрум за сокови од јаболка,и други производи од овошјето.
Или Дојран и Ѓевгелија, некој „сладок подрум“-слатка-џемови-маџуни-сокови-мармалади од тамошните производи,посебно смоквата.
А не како сега што се прават соковите(сум видел во Ино Спактар)
вреќа прашок и цистерна вода = природен сок од шумски јагоди-жими мајка
Сите овие „ Слатки Подруми “ исто така би се направиле на или близу
главните патишта,и така би се промовирало нашето еколошко чисто домашно произвоство и со време ќе успее и тој бизнис и ќе има посетеност.
Ама додека е Кока - Кола.....не чепкајте,почекајте.
 
М

Мартин`

Гостин
сето ова е убаво,и во се се сложувам.
Но не се сите по виното (иако повеќето се, и тоа е добро)
Иако е темава за Винарии,малку и за други нешта да спомнам.
Но не ли може ваква промоција и со други производи и гранки.
Еве некаде успеа и бизнисот со „рибници“ и тоа на повеќе места.
Може исто и со пчеларството,како би изгледало „пчелен подрум“ или .....
Но зошто не и во Валандово подрум за сокови,посебно од калинки.
Или во Ресен подрум за сокови од јаболка,и други производи од овошјето.
Или Дојран и Ѓевгелија, некој „сладок подрум“-слатка-џемови-маџуни-сокови-мармалади од тамошните производи,посебно смоквата.
А не како сега што се прават соковите(сум видел во Ино Спактар)
вреќа прашок и цистерна вода = природен сок од шумски јагоди-жими мајка
Сите овие „ Слатки Подруми “ исто така би се направиле на или близу
главните патишта,и така би се промовирало нашето еколошко чисто домашно произвоство и со време ќе успее и тој бизнис и ќе има посетеност.
Ама додека е Кока - Кола.....не чепкајте,почекајте.
Ќе биде и тоа Анчо здравје, ние сме неколку години по-назад од останативе и гледаме малце чудено на тоа но полека полека напредуваме.. ете се жалиме за цената на грозјето на види памтен ум си отворил погон за преработка на грозјето во сок од грозје и извезува веќе во Косово за почеток. Така се почнува после ќе си го прошири бизнисот и ќе си прави паричиња.

За ова твоево со погоните имало порано едно куќиче така средено за мед кај што пакувале баш на патот за Велешко езеро што е.. на почетокот од кај вулканизер „Дине“ накај Езеро од десна страна, знам дека освоиле некои награди за квалитетен мед тоа време е зошто се затворил незнам. Но ете идеја за реактивирање на тоа, башка има одлична локација (блиску до Велес, близу до автопатот Скопје-Велес плус до Велешкото езеро) со малку средување ете ти туристичка атракција и бизнис/пари :)
 

gade

Augustus
Член од
12 април 2008
Мислења
4.837
Поени од реакции
5.117
Сум бил во Попова Кула преку викенд и многу убаво си поминав да ви кажам право.Секој ден во 1900 има дегустација на сите вина, а цените во ресторанот се поефтини отколку во продавница да купиш вино.Вистинска уживанција, како во Прованса да си во Франција.
 

Anco

За солун ДА, ЗА срем НЕ
Член од
1 ноември 2011
Мислења
8.603
Поени од реакции
15.403
Ќе биде и тоа Анчо здравје, ние сме неколку години по-назад од останативе и гледаме малце чудено на тоа но полека полека напредуваме.. ете се жалиме за цената на грозјето на види памтен ум си отворил погон за преработка на грозјето во сок од грозје и извезува веќе во Косово за почеток. Така се почнува после ќе си го прошири бизнисот и ќе си прави паричиња.

За ова твоево со погоните имало порано едно куќиче така средено за мед кај што пакувале баш на патот за Велешко езеро што е.. на почетокот од кај вулканизер „Дине“ накај Езеро од десна страна, знам дека освоиле некои награди за квалитетен мед тоа време е зошто се затворил незнам. Но ете идеја за реактивирање на тоа, башка има одлична локација (блиску до Велес, близу до автопатот Скопје-Велес плус до Велешкото езеро) со малку средување ете ти туристичка атракција и бизнис/пари :)
ќе биде,! добро кажа.
ќе му текне на народов дека Скопје е Ламња (нема просперитет тука)
Но кој сега ќе го почне тоа.ајде јаве те се колку ве има овде од:
Валандово,Пирава,Миравци,Јосифово....т.с. на патот за Европа-Е 75
или Демир-каписко и Тиквешко - плачат за ваков тип на туризам
Но вие тука животарите и се гушите - а тамошната природа ве чека.
 

Брокер

Broker of the Year
Член од
25 јули 2009
Мислења
1.227
Поени од реакции
257
Сто пати го имам правено муабетот и пак ќе го напишам, Во Македонија има многу фамилии што знаат да прават навистина одлично вино кои имаа одлични вински полиња кои ги одгледуваат со љубов и на крајот го продаваат грозјето по 9 денари за килограм и чекаат една година да им се исплати.
Што можат да направат можат да аплицираат за некој проект или пак од своите сопствени заштеди да направат една домашна винска визба со нивно вино на традиционален фамилијарен начин, во дворот да направат место за скара, за излети и слично и тоа да биде без пари луѓето ќе идат ќе си носат скари ќе се забавуваат и ќе пијат и ќе купуваат вино од домашната визба.
Имам такво домашно вино пиено во Хрватска во Далмација според мене едно од најдобрите вина што ги имам пробано, тие беа двајца пензионери со голема винска визба и го произведуваа најубавото вино во Хрватска ( имаат и многу награди добиено за тоа)
Е па земјоделци размислете малку кои се вашите можности освем продавање на грозјето.
 

gade

Augustus
Член од
12 април 2008
Мислења
4.837
Поени од реакции
5.117
Сто пати го имам правено муабетот и пак ќе го напишам, Во Македонија има многу фамилии што знаат да прават навистина одлично вино кои имаа одлични вински полиња кои ги одгледуваат со љубов и на крајот го продаваат грозјето по 9 денари за килограм и чекаат една година да им се исплати.
Што можат да направат можат да аплицираат за некој проект или пак од своите сопствени заштеди да направат една домашна винска визба со нивно вино на традиционален фамилијарен начин, во дворот да направат место за скара, за излети и слично и тоа да биде без пари луѓето ќе идат ќе си носат скари ќе се забавуваат и ќе пијат и ќе купуваат вино од домашната визба.
Имам такво домашно вино пиено во Хрватска во Далмација според мене едно од најдобрите вина што ги имам пробано, тие беа двајца пензионери со голема винска визба и го произведуваа најубавото вино во Хрватска ( имаат и многу награди добиено за тоа)
Е па земјоделци размислете малку кои се вашите можности освем продавање на грозјето.
Многу луѓе ми го кажувале ова за Хрватска, малечки винари и пивари покрај патот. Може и кај нас да се направи вакво нешто, по течението на Вардар додека одат туристите во Грција да фрлат некој денар и тука.Затоа што сите што ги посетуваат хрватските винарии одат на море и овие им се по пат, а ние немаме море како што знаеме и имаме многу лоша инфраструктура.
 
П

Пепси_

Гостин
Тиквеш е нај голема в.в во македонија и на балканот,а Повардарие во неготино е моментално нај големиот собирач на грозје во македонија.За в.в. потребна е посебна локација и површина поради што виното бара специфични услови т.е. во текот на целата година да нема температурни колебања повеќе од 1-2 степени.Јас мислам дека винскиот туризам е во цутот на развитокот и сеуште сме многу назад од словенија и хрватска.
Патем кој сака да направе прошетка низ в.в. тиквеш мислам дека за групна влезница е околу 20 евра,па сеа видете дали има пари или нема :). Моментално и ресторанот го реновират во визбата што е ептен на ниво и секојдневно имале гости од странство и од македонија (најчесто организирани екскурзии).
 
Член од
21 мај 2012
Мислења
330
Поени од реакции
104
F

FARANG

Гостин
Vinskiot turizam mora da se razivva vo MKD. Nie kako drzava nemame more taka da vakvi turi se i te kako potrebni. Problemot e sto ko skoro site drugi raboti i ovaa ne ja pravime kako sto treba ili dolikuva nego onaka naski so miljon improvizacii za na kraj da dobieme vinski turizam na makedonski nacin.

Sekade vo svetot vinarite se interesni ne samo radi vinoto i podrumot (lol ebate podrumot) nego najveke radi prirodata. Tie se uredeni kako parkovi da mozes da prosetas, da sednes na zelenilo da ispies vino na treva, na kebe ako sakas. Mozes da se zapoznaes so procesot kako se pravi vino tura ili muzej. Sekade se ide na odlicna usluga, znaci vinoto da e mecuvano so prvata hrana, se vnimava na toa hranata da e odlicna, kade kade podobra od gradskata, znaci lokano meso, lokalen zelencuk (cesto odgleduvan vo gradina na resoranot na lice mesto), ekstra sirenje od regionot itn itn... Restoranot da ima unikaten ambient, pogled na lozjata itn... Znaci odgleduvas vino, gradis ekstra restorant i posle naplakas za toa poskapo nego vo "gradskite kafani" zatoa sto si napravil TURISTICKA ATRAKCIJA i si privlekol tursti koj se dojdeni da pominat cel den i se spremni da platat za toa zadovolstvo. Jas takvo nesto ne gledam vo natpisot naprotiv oni se reklamiraat so toa sto imale grupni pijanki i 30% popust :facepalm:


Kolku za ilustracija eve vi url od mojata omilena vinara vo bliziniata na melburn -

http://www.tarrawarra.com.au/
 
Член од
7 октомври 2008
Мислења
6.055
Поени од реакции
6.443
Овој вид на туризам има просперитет но потребен е и стандард. Мене ми се допаѓа идејата и на помали приватни производители на вино да бидат поврзени со еден вид патеки за пешачење. Во Германија има такви пешачки патеки се оди од ресторанче до ресторанче и се пие ракија , вино или пиво.
 
Член од
25 декември 2008
Мислења
1.877
Поени од реакции
1.089
Бидејки нема тема за Македонските вина мислам дека може тука да се дискутира и за тоа. Ако грешам надлежните нека ме поправат.
МАКЕДОНСКИ ВИНАРНИЦИ ЌЕ ИЗВЕЗУВААТ ВИНО ВО КИНА



Седум винарници од здружението Вина од Македонија склучиле договор со кинеската компанија Тиенџин за извоз на вина, информираше Висар Фида, директор на Агенцијата за странски инвестиции и поддршка на развојот.

Договорот за една година е во вредност од 1,5 милиони евра, а во Кина винарниците ќе извезат 40 контејнери вино во шишиња или 456.000 шишиња. Виното, како што информира Ѓорги Петрушев од Вина од Македонија, ќе биде испорачано деновиве.



„Кина е дестинација на која со години винарниците се обидуваат да остварат пласман, пред сe поради големината на пазарот и големиот потенцијал“, вели Петрушев.

Зделката е резултат на претходната посета на македонската владина делегација на Кина. Во октомври македонските вина ќе бидат преставени во Полска и во Холандија, а потоа следува претставување и во Швајцарија и во Словенија.

Македонија годишно произведува 90 милиони литри, а за свои потреби користи само 10 милиони литри.

http://www.kapital.mk/mk/makedonija/87855/makedonski_vinarnici_kje_izvezuvaat_vino_vo_kina.aspx
РУСИ ЌЕ ИЗВЕЗУВААТ ВИНО ОД МАКЕДОНИЈА



Зибрак вина доо - Скопје е името на компанијата основана со руски капитал која на големо ќе тргува со пијалаци во Македонија. Според податоците за основање објавени од Централниот регистар, Друштвото за производство и трговија, минатата недела е основано во Скопје со почетен капитал од 5.000 евра. Според информациите од регистарот, како основачи се јавуваат Наталија Александровна-Гаврилова од Владикавказ, Русија, и Игор Генрихович Зибрак од Москва. Основната дејност на новооснованата компанија е трговија на големо со пијалаци, а со фирмата во Македонија ќе управува Гаврилова.
http://www.kapital.mk/mk/makedonija/87825/rusi_kje_izvezuvaat_vino_od_makedonija.aspx
 
Член од
25 декември 2008
Мислења
1.877
Поени од реакции
1.089



Направено за уживање

За да откриете место со добра храна, освен добар нос, ви требаат и релевантни податоци. Ако виното е услов за добрата храна (и обратно), тогаш значи дека треба да барате место каде што условите се исполнети. Тоа нѐ доведе до ресторанот на винарницата „Стоби“ во Градско




Во ресторанот имате можност да пополните картичка со коментари за комплетната услуга. Оценувањето е на три нивоа „одлично“, „добро“ и „незадоволително“ - за храната, виното, услугата, однесувањето на персоналот, амбиентот. Досега немале ниеден негативен коментар!
МЕСТО ЗА ДОБРА ХРАНА - „СТОБИ“, ГРАДСКО
Некогаш низ Градско поминуваше главниот пат. Тука се застануваше за да се купат свеж зеленчук и месо. И се продолжуваше понатаму. Со поместувањето на патот, во Градско не се доаѓаше, освен по строга лична потреба. Сега, со винарницата „Стоби“ и со ресторанот во неа, тоа стана дестинација за одлична храна и вино.

За кратко време ресторанот доби завидна репутација. Поради храната, пред сѐ, но и поради можноста да се пробаат сѐ подобрите вина на „Стоби“. Да не заборавиме, оваа винарница, иако беше отворена пред три берби, веќе е препознатлива и се наметнува на пазарот на добрите вина. И не случајно тука доаѓаат луѓе од Скопје и од други места од земјата, поминуваат странци, на пропатување или специјално за да ги пробаат македонските вина. Тука се организираат деловни состаноци и ручеци, официјални делегации, се прават прослави.

АТРАКЦИИ

Секако, атракција е винарската визба, извонреден модерен објект, кој се забележува уште од автопатот. Атракција е и најдобрата барик-сала кај нас. Винарницата ве импресионира би рекле од прва, а храната доаѓа како логична последица. Сакаме да кажеме, тука е сѐ наместено да биде во функција на уживањето во храна и вино.

За мошне кратко време ресторанот си ја стекна репутацијата. Тука често се случува да нема место (затоа не би било лошо да резервирате пред одење). Доаѓаат групи, а „Стоби“ е вклучен во кружните балкански туристички тури. Тука во близина е и античкиот град Стоби, па кој ќе го посети, најчесто ќе ја посети и винарницата „Стоби“. Име што достојно го носи.

Ресторанот е на врвно ниво, би го рангирале со пет ѕвездички, услугата перфекционирана, а амбиентот се одликува со едноставен стил, мошне внимателно осмислен простор. Едноставно, место со намена - за уживање.

Ресторанската храна е комбинација на европската и на националната кујна. И што е најинтересно, странците генерално бараат македонска кујна, домашните се понаклонети кон европската. А, богами имате и да избирате. Сѐ е тука. И сѐ е свежо приготвено, од најквалитетни продукти.

Цените се повеќе од интересни. Односно, барем 20-30 проценти помали од некој замислен просек во Скопје. Во менаџментот на ресторанот цената ја димензионирале надолу приближно за толку колку што ќе потрошите да дојдете до Градско од Скопје или Битола, на пример. Токму затоа, семејните посети на ресторанот се едни од најчестите. А од Скопје дотука се стигнува за 45 минути.

МЕНИ ЗА СЕКОГО

Ако не можете да се решите за некое јадење од навистина богатото мени, тогаш оставете за тоа да решава ресторанот, кој, пак, има понуда на неколку менија на комплетни оброци чии цени се движат од 460 до максимални 1.160 денари. Секое мени, пак, подразбира и по четири чаши вино од гамата на „Стоби“, вина што се компонираат одлично со понуденото јадење.

Па така, за едно средно мени, кое ќе ве чини 870 денари по човек, добивате предјадење составено од пршута, чаден колбас, кулен, галички кашкавал и бело овчо сирење. Потоа следува одлична домашна пита (ама навистина домашна) со праз и сирење, сервирана со пинџур и макало како додаток. Главното јадење е јагнешкото печено, со пекарски компир. Патем, јагнешко и свинско печено во „Стоби“ постојано можете да добиете, тие се на дневното мени на ресторанот. Добивате и богата мешана салата и на крајот за десерт, чизкејк. А ќе пробате по една чаша од раскошното „’ркацители“, ароматичното „шардоне“, содржајната „аминта“ и силниот „вранец“.

Илија Георгиев, кој раководи со приемот на гостите во „Стоби“, е искусен угостител што учел на повеќе места во угостителството. Работел и на оние огромни американски крстосувачи. Тој вели дека смислата на занимавањето со ваква дејност е постојаната потреба да ги усреќите гостите. Тоа е најдобрата награда за нашиот труд, вели тој. И смета дека ресторанот без гости не би бил ништо посебно, односно дека гостите се најдобриот украс на оваа угостителска, би рекле, неодминлива одредница.

Можеби некој ќе каже, лесно е да се прави ресторан со винарница зад себе. Е па, токму тоа е вредноста на ресторанот „Стоби“. Не секој ресторан има таква винарница.
http://www.novamakedonija.com.mk/NewsDetal.asp?vest=111312114414&id=43&prilog=0&setIzdanie=22728
 
Член од
25 декември 2008
Мислења
1.877
Поени од реакции
1.089
Вината на Тиквеш со медали на меѓународен натпревар во Франција

Виното Гренаш Бел (Grenache Blanc) на винарската визба Тиквеш од Кавадарци се закити со златен медал на престижниот меѓународен натпревар во Пекињон во Франција што се одржа на 24 јануари годинава. Два сребрени медалa доби и виното Бела Вода на еминентната македонска винарница.​


- Со ова Тиквеш влезе во клубот на светските вински елити бидејќи покрај оние од Шпанија, Италија и Франција беше единствената винарница од Централна и Источна Европа која се закити со одличје на меѓународниот натпревар, рече Катерина Костовска од Тиквеш на денешната прес-конференција.

Тоа, како што кажа, поволно влијаело на нивниот извоз посебно на американскиот пазар.

- Единствено ние надвор од винските земји Франција, Шпанија и Италија добивме награди „Добар партнер“, 94 поени за Бела Вода и 90 поени за „Вранец“. Веќе ги пласиравме тие вина и се надевам дека и наредната берба ќе биде целосно распродадена. Очекувам годинава пораст на извозот на интернационалните пазари поголем од ланскиот кој изнесуваше 30 отсто, рече Костовска.

Винарницата Тиквеш извезува 60 до 65 отсто од вкупното производство, најмногу на пазарите во регионот. Лани направи пробив на американскиот и на данскиот пазар, а во моментов е во преговори за влез на кинескиот и на некои европски пазари. Започнува пробив на англискиот пазар со вина од автохтоната сорта Вранец, како и со Мерло, а се очекува и потпишување договор со голема руска компанија за извоз на вината на рускиот пазар./МИА​
 

Kajgana Shop

На врв Bottom